Norðurlandamót fatlaðra í boccia var sett í Laugardalshöll í morgun. Sveinn Áki Lúðvíksson, formaður Íþróttasambands fatlaðra, bauð gesti velkomna og þá tók Ólafur Rafnsson forseti Íþrótta- og Ólympíusambands Íslands til máls.
Eva Einarsdóttir frá Íþrótta- og tómstundaráði Reykjavíkurborgar setti leikana sem standa yfir í dag og á morgun.
Keppni í dag stendur til kl. 18:00 og eru allir velkomnir í Laugardalshöll að fylgjast með fremstu boccia-spilurum Norðurlanda leiða saman hesta sína.
Norðurlandamótið í boccia hafið
Tengdar fréttir
Biðin loks á enda
Bestu boccia-spilarar landsins verða á meðal þátttakenda á Norðurlandamótinu sem fer fram í Laugardalshöll um helgina. Mótið fer fram á tveggja ára fresti en íslensku keppendurnir komust ekki á mótið í Danmörku 2010 vegna öskufalls úr gosinu í Eyjafjallajökli.
