Alexandre Pato hefur spilað sinn síðasta leik fyrir AC Milan því ítalska félagið ákvað að selja brasilíska framherjann til Corinthians. Pato spilar því á ný í heimalandinu.
Alexandre Pato var búin að gefa það út að hann vildi komast heim til Brasilíu og gerði fjögurra ára samning við brasilíska félagið. Corinthians kaupir hann á fimmtán milljónir evra sem er dágóð upphæð fyrir meiðslahrjáðan leikmann.
Alexandre Pato er þó bara 23 ára gamall þrátt fyrir að hann hafi verið í fimm ár hjá AC Milan. Hann byrjaði ferilinn sinn hjá Internacional í Brasilíu en kom til Ítalíu árið 2007.
Pato skoraði 51 mark í 117 leikjum með AC Milan í ítölsku deildinni en var aðeins búinn að skora 1 mark í 15 leikjum undanfarið eina og hálfa tímabil. Hann hefur verið að glíma við langvinn meiðsli aftan í læri.
Alexandre Pato hefur skorað 9 mörk í 20 landsleikjum með Brasilíu þar af þrjú þeirra í fjórum leikjum á síðasta ári. Hann fær nú tækifæri til að vinna sér sæti í HM-hóp Brassana sem halda næsti heimsmeistarakeppni á næsta ári.
Alexandre Pato seldur heim til Brasilíu
Óskar Ófeigur Jónsson skrifar

Mest lesið

Vilja að Arna elti stóru systur: „Þær eru svakalegir íþróttamenn“
Íslenski boltinn

Með Man. Utd til Spánar en mega samt ekki spila
Enski boltinn

Chelsea meistari sjötta árið í röð
Enski boltinn





Rodri aftur til æfinga en sagður bíða eftir HM
Enski boltinn

Bjarki um gjaldþrotið: „Þú ert niðurlægður á ákveðinn hátt“
Íslenski boltinn

Sádar eltast við þrjá framherja Liverpool
Enski boltinn