Oasis að koma saman að nýju?

Mikið er rætt um mögulega endurkomu Oasis á næsta ári.

Noel Gallagher varð pirraður þegar að Rolling Stone spurði hann útí málið á dögunum. Hann sagði að það væri lýðnum ljóst að sveitin hefði hætt störfum og segir að ef að það standi til að endurvekja sveitina þá ætli hann ekki að vera með.

Alan McGee, fyrrum umboðsmaður sveitarinnar, telur að sveitin muni ekki koma saman en bendir þó réttilega á að Gallagher bræður séu mikil ólíkindatól og ómögulegt sé að spá í hvað gerist ef menn fari að tala saman.

Fyrsta plata sveitarinnar, Definitely Maybe verður tuttugu ára á næsta ári og mjög hefur verið þrýst á fyrrum meðlimi sveitarinnar að fagna afmælinu. Nú er bara spurning hvort að Liam ætlar að gera þetta án bróður síns.

Hér fyrir neðan má sjá myndband af Oasis flytja lagið Live Forever af frumburðinum Definitely Maybe.