Menntamálarapp: Afsakaðu mig!

Svar við grein Stefaníu Jónsdóttur í Morgunblaðinu, „Mál að linni“.

Kæra Stefanía Jónsdóttir,

afsakaðu mig.

Ég reyni bara

að betrumbæta mig.

Þú veist það kannski ekki

en menntun eykur verðmætasköpun!

En veistu hvað,

þú reiða Stefanía,

að ég mun borga

hverja krónu til baka!

Því það sem ég fæ

frá skattgreiðendum landsins

er nú einmitt þetta:

Lán, það er námslán!

En hver hagnast að lokum

á mínum tárum og svita

sem lagt hef ég í að

verða að mannvita?

Það ert þú, og þið, og allir hér,

þetta snýst ekki bara um rassinn á mér.

Því að með hækkandi menntunarstigi

eykst verðmætasköpun!