Hornamaðurinn Arnór Þór Gunnarsson kom inn í íslenska hópinn í morgun í stað nafna síns Atlasonar. Reyndar er ekki útilokað að Arnór Atlason komi aftur inn í hópinn síðar.
Hornamaðurinn átti eitt skot í leiknum sem fór ekki í markið en hann lofar bót og betrun síðar í mótinu.
"Það var smá skrekkur í mér. Ég viðurkenni það. Ég hef verið mikið meiddur og frá í þrjá mánuði. Svo lenti ég í basli með hnéð. Það var því smá skrekkur að koma inn á," sagði Arnór en hann var nokkuð sáttur með sína frammistöðu.
"Mér fannst við allir spila vel í kvöld. Við ætluðum að vinna þennan leik og gríðarlega mikilvægir punktar. Nú er skrekkurinn farinn og ég skora í næsta leik," sagði Arnór og brosti.
Arnór Þór: Það var smá skrekkur í mér
Tengdar fréttir
Aron: Allir gáfu allt sitt í leikinn
Aron Kristjánsson, þjálfari íslenska landsliðsins, var hæstánægður með frammistöðu sinna manna í leiknum gegn Austurríki í kvöld.
Sverre: Gáfum tóninn strax í byrjun
"Við vorum svakalega einbeittir. Undirbjuggum okkur vel og ætluðum okkur aldrei neitt annað en sigur," sagði Sverre Andreas Jakobsson eftir sigurinn stóra á Austurríki.
Umfjöllun: Austurríki - Ísland 27-33 | Patti átti ekkert svar
Ísland vann frábæran sigur á Austurríki í fyrsta leik milliriðlakeppninnar á EM í Danmörku. Strákarnir gerðu út um leikinn með frábærum fyrri hálfleik.
Guðjón Valur með hundrað prósent skotnýtingu í öðrum leiknum í röð
Guðjón Valur Sigurðsson, fyrirliði íslenska landsliðsins í handbolta, nýtti öll sjö skotin sín í sigrinum á Austurríki í kvöld en þetta var fyrsti leikur strákanna okkar í milliriðli eitt á Evrópumótinu í handbolta í Danmörku.
