Íslenska karlalandsliðið í fótbolta er í 48. sæti á styrkleikalista alþjóðaknattspyrnusambandsins sem birtur var í dag.
Strákarnir okkar fara upp um eitt sæti frá síðasta lista og eru fyrir ofan Paragvæ, Japan og Wales sem liðið mætir í vináttuleik ytra í mars.
Ísland er í 26. sæti af Evrópuþjóðum á listanum en þar er Wales einu sæti fyrir neðan. Rétt fyrir ofan Ísland er Austurríki sem við mætum einnig í vináttu leik á þessu ári.
Heims- og Evrópumeistarar Spánar eru sem fyrr í efsta sæti en Þjóðverjar eru í öðru sæti og Argentína í þriðja sæti.
Brasilía er í níunda sæti og England fer niður um tvö sæti niður í það fimmtánda.
FIFA-listinn í heildinni.
Ísland fer upp um eitt sæti á nýjum FIFA-lista
