Þormóður Jónsson júdókappi varð að sætta sig við silfur á Evrópubikarmótinu í Lundúnum í dag í +100 kg flokki. Þormóður tapaði úrslitaglímunni gegn Ítalanum Mascetti Alessio.
Þormóður tapaði úrslitaglímunni á refsistigum en þetta var fyrsta keppni Þormóðs á erlendri grundu í heilt ár eða frá því að hann meiddist á Norðurlandsmótinu í maí 2013.
Árangurinn í Lundúnum lofar góðu en Þormóður hefur sett stefnuna á ólympíuleikana í Brasilíu 2016.
Þormóður vann silfur í Lundúnum
