Íslendingaliðin Cesena og Hellas Verona skildu jöfn í ítölsku úrvalsdeildinni í kvöld.
Lokatölur 1-1. Gregoire Defrel kom Cesena yfir í fyrri hálfleik en Gómez Taleb jafnaði fyrir Verona þrettán mínútum fyrir leikslok.
Emil Hallfreðsson var í byrjunarliði Verona sem fyrr en fór af velli 20 mínútum fyrir leikslok. Hörður Björgvin Magnússon sat allan tímann á bekknum hjá Cesena.
Verona er í ellefta sæti deildarinnar en Cesena því átjánda.
Jafnt hjá liðum Emils og Harðar
