„Draumaverkefni fyrir mig“ Viktoría Hermannsdóttir skrifar 17. september 2014 10:30 Jóhann er að gera góða hluti með tónsmíðum sínum. Við vorum öll rosalega ánægð með viðbrögðin í Toronto, þau voru vonum framan og það er gaman fyrir mig að tónlistin skuli fá svona mikla athygli,“ segir tónskáldið Jóhann Jóhannsson, sem gerði tónlistina fyrir kvikmyndina The Theory Of Everything. Myndin var heimsfrumsýnd á kvikmyndahátíðinni í Toronto um helgina og hlaut mikið lof gagnrýnenda. Var þá tónlist Jóhanns sérstaklega lofuð af meðal annars gagnrýnendum Variety, BBC og Screen Daily svo einhverjir séu nefndir.Tónlistin tekin upp í Abbey Road Jóhann kynntist leikstjóra myndarinnar, James Marsh, þegar hann samdi tónlist fyrir dönsku myndina The Good Life. James vann sem ráðgjafi að þeirri mynd og hafði samband við umboðsskrifstofu Jóhanns þegar hann var að gera The Theory of Everything. „Mér fannst það mjög spennandi verandi aðdáandi James. Ég hef sömuleiðis verið mikill áhugamaður um Stephen Hawking, bæði honum sem karakter og verkum hans,“ segir hann. Myndin er byggð á bók Jane Wilde, Travelling to Infinity: My life with Stephen, sem fjallar um ástarsamband Jane og Stephen. „Ég las bók Hawkings A Brief History of Time í háskóla og hef alltaf haft mikinn áhuga á honum sem persónu. Þannig að fyrir mig var þetta í rauninni draumaverkefni,“ segir Jóhann. Tónlistin var tekin upp í Abbey Road-hljóðverinu í London en Jóhann byrjaði að semja tónlistina þegar tökur voru langt á veg komnar. „Ég fékk myndina fyrst mjög hráa og sá strax að hún var mjög áhrifamikil. Vel skrifuð, vel leikin og mjög öflug. Það var mjög gaman að takast á við þetta verkefni að semja tónlistina,“ segir hann. Þetta er ekki fyrsta stórmyndin sem Jóhann semur tónlist fyrir, en hann samdi einnig tónlistina fyrir myndina Prisoners. Hann segir bæði verkefnin hafa verið skemmtileg en ólík. „Þetta eru rosalega ólíkar myndir. Prisoners er mjög dökk og drungaleg mynd sem lýsir skuggahliðum manneskjunnar sem að í rauninni hentar að mörgu leyti minni tónlist mjög vel en hún er yfirleitt dramatísk og frekar svona í myrkari kantinum. Aftur á móti er The Theory of Everything léttari og aðgengilegri. Hún er dramatísk mynd og alvarleg en hefur miklu breiðara og bjartara litróf heldur en Prisoners þannig að þessar tvær myndir eru eins og svart og hvítt. Tónlistarlega nálgunin var allt önnur,“ segir hann.Spennandi verkefni fram undan Það er nóg um að vera hjá Jóhanni og á næstu dögum byrjar hann að semja tónlist fyrir nýja mynd sem ber nafnið Sicario og er leikstýrt af Denis Villeneuve, þeim sama og leikstýrði Prisoners. Þetta er því í annað sinn sem þeir vinna saman. Meðal þeirra sem fara með aðalhlutverk í myndinni er leikarinn Benicio Del Toro og Emily Blunt. „Þetta er mjög spennandi verkefni,“ segir hann. Jóhann er svo væntanlegur til landsins í nóvember þar sem hann mun setja upp verk sitt, The Miners' Hymns í fyrsta skipti á Íslandi. „Þetta er samstarfsverkefni Sinfóníuhljómsveitar Íslands og Iceland Airwaves. Þetta er verk sem ég hef flutt úti um allan heim en þetta verður í fyrsta skipti sem það er flutt á Íslandi,“ segir hann. Um er að ræða tón- og myndverk. „Myndin er eftir bandarískan listamann sem heitir Bill Morrison. Þetta er klukkutímalöng mynd sem er byggð á gömlum myndskeiðum frá kolanámuiðnaðinum í Bretlandi. Myndin er þögul og tónlistin er flutt lifandi undir. Verkið er upprunalega samið fyrir brasshljómsveit en þarna verður frumflutt ný útgáfa af verkinu fyrir sinfóníuhljómsveit,“ segir hann spenntur, en þetta er í fyrsta skipti sem Jóhann spilar með Sinfóníuhljómsveit Íslands og einnig kemur hann fram í fyrsta skipti í Eldborgarsal Hörpu. „Ég hlakka til að koma til Íslands og sýna fólkinu heima þetta fallega verk.“ Airwaves Mest lesið Heillaði að læra hefðirnar í Húsó Lífið KK og Sinfó: Clint Eastwood mætti í Eldborg Gagnrýni Brad Pitt tjáir sig í fyrsta skipti um skilnaðinn Lífið Hefur lést um níu kíló eftir hjartaáfallið: „Maður vaknar svolítið við þetta“ Lífið „Þetta tekur svo svakalega á sálartetrið“ Lífið Steldu senunni í veislu sumarsins Lífið Sjarmerandi miðbæjaríbúð listapars Lífið Dreymir stanslaust kynlíf með öðru fólki en makanum Lífið Kolféll fyrir New York en sér íslenska náttúru í hillingum Lífið Tónlistarbransadrottning selur miðbæjarslotið Lífið Fleiri fréttir Brad Pitt tjáir sig í fyrsta skipti um skilnaðinn „Þetta tekur svo svakalega á sálartetrið“ Sjarmerandi miðbæjaríbúð listapars Heillaði að læra hefðirnar í Húsó Steldu senunni í veislu sumarsins Hefur lést um níu kíló eftir hjartaáfallið: „Maður vaknar svolítið við þetta“ Dreymir stanslaust kynlíf með öðru fólki en makanum Skvísurnar tóku yfir klúbbinn Tónlistarbransadrottning selur miðbæjarslotið Handlagin hjón selja tvær eignir í sögulegu farandshúsi Kjalar ástfanginn í tvö ár Diddú tíu þúsundasti gestur fótboltabullnanna Sú elsta í sögu Ungfrú Ísland glímdi við átröskun og varð minnst 39 kíló Alda Karen keppir í hermiakstri Var ekki að lifa lífinu heldur að þrauka það Eilish sópaði að sér verðlaunum á AMA-hátíðinni Kolféll fyrir New York en sér íslenska náttúru í hillingum Brauðtertu- og ostakökukeppni á Selfossi Sara Björk og Árni kaupa í Urriðaholti Senjórítur og Pálmi Gunnars stálu senunni á Rottweiler Eyjaherrar heiðruðu sjötugan Ásgeir í stjörnufans „Þessi þriggja daga hátíð er algjört konfekt” Þarf ekki stóra íbúð til að gera heimilið fallegt Ásta Kristrún og Valgeir biðla til vina í leit að húsnæði Óttar keypti 320 milljóna króna þakíbúð Segist hafa neyðst til að vera Laufey í beinni útsendingu Stjörnulífið: Fröllur í poka og franska rívíeran Ástir, losti, fíkn og svik – dauði Marilyn Monroe Flytur til Sydney Drake kom fram á tónleikum í 66°Norður Sjá meira
Við vorum öll rosalega ánægð með viðbrögðin í Toronto, þau voru vonum framan og það er gaman fyrir mig að tónlistin skuli fá svona mikla athygli,“ segir tónskáldið Jóhann Jóhannsson, sem gerði tónlistina fyrir kvikmyndina The Theory Of Everything. Myndin var heimsfrumsýnd á kvikmyndahátíðinni í Toronto um helgina og hlaut mikið lof gagnrýnenda. Var þá tónlist Jóhanns sérstaklega lofuð af meðal annars gagnrýnendum Variety, BBC og Screen Daily svo einhverjir séu nefndir.Tónlistin tekin upp í Abbey Road Jóhann kynntist leikstjóra myndarinnar, James Marsh, þegar hann samdi tónlist fyrir dönsku myndina The Good Life. James vann sem ráðgjafi að þeirri mynd og hafði samband við umboðsskrifstofu Jóhanns þegar hann var að gera The Theory of Everything. „Mér fannst það mjög spennandi verandi aðdáandi James. Ég hef sömuleiðis verið mikill áhugamaður um Stephen Hawking, bæði honum sem karakter og verkum hans,“ segir hann. Myndin er byggð á bók Jane Wilde, Travelling to Infinity: My life with Stephen, sem fjallar um ástarsamband Jane og Stephen. „Ég las bók Hawkings A Brief History of Time í háskóla og hef alltaf haft mikinn áhuga á honum sem persónu. Þannig að fyrir mig var þetta í rauninni draumaverkefni,“ segir Jóhann. Tónlistin var tekin upp í Abbey Road-hljóðverinu í London en Jóhann byrjaði að semja tónlistina þegar tökur voru langt á veg komnar. „Ég fékk myndina fyrst mjög hráa og sá strax að hún var mjög áhrifamikil. Vel skrifuð, vel leikin og mjög öflug. Það var mjög gaman að takast á við þetta verkefni að semja tónlistina,“ segir hann. Þetta er ekki fyrsta stórmyndin sem Jóhann semur tónlist fyrir, en hann samdi einnig tónlistina fyrir myndina Prisoners. Hann segir bæði verkefnin hafa verið skemmtileg en ólík. „Þetta eru rosalega ólíkar myndir. Prisoners er mjög dökk og drungaleg mynd sem lýsir skuggahliðum manneskjunnar sem að í rauninni hentar að mörgu leyti minni tónlist mjög vel en hún er yfirleitt dramatísk og frekar svona í myrkari kantinum. Aftur á móti er The Theory of Everything léttari og aðgengilegri. Hún er dramatísk mynd og alvarleg en hefur miklu breiðara og bjartara litróf heldur en Prisoners þannig að þessar tvær myndir eru eins og svart og hvítt. Tónlistarlega nálgunin var allt önnur,“ segir hann.Spennandi verkefni fram undan Það er nóg um að vera hjá Jóhanni og á næstu dögum byrjar hann að semja tónlist fyrir nýja mynd sem ber nafnið Sicario og er leikstýrt af Denis Villeneuve, þeim sama og leikstýrði Prisoners. Þetta er því í annað sinn sem þeir vinna saman. Meðal þeirra sem fara með aðalhlutverk í myndinni er leikarinn Benicio Del Toro og Emily Blunt. „Þetta er mjög spennandi verkefni,“ segir hann. Jóhann er svo væntanlegur til landsins í nóvember þar sem hann mun setja upp verk sitt, The Miners' Hymns í fyrsta skipti á Íslandi. „Þetta er samstarfsverkefni Sinfóníuhljómsveitar Íslands og Iceland Airwaves. Þetta er verk sem ég hef flutt úti um allan heim en þetta verður í fyrsta skipti sem það er flutt á Íslandi,“ segir hann. Um er að ræða tón- og myndverk. „Myndin er eftir bandarískan listamann sem heitir Bill Morrison. Þetta er klukkutímalöng mynd sem er byggð á gömlum myndskeiðum frá kolanámuiðnaðinum í Bretlandi. Myndin er þögul og tónlistin er flutt lifandi undir. Verkið er upprunalega samið fyrir brasshljómsveit en þarna verður frumflutt ný útgáfa af verkinu fyrir sinfóníuhljómsveit,“ segir hann spenntur, en þetta er í fyrsta skipti sem Jóhann spilar með Sinfóníuhljómsveit Íslands og einnig kemur hann fram í fyrsta skipti í Eldborgarsal Hörpu. „Ég hlakka til að koma til Íslands og sýna fólkinu heima þetta fallega verk.“
Airwaves Mest lesið Heillaði að læra hefðirnar í Húsó Lífið KK og Sinfó: Clint Eastwood mætti í Eldborg Gagnrýni Brad Pitt tjáir sig í fyrsta skipti um skilnaðinn Lífið Hefur lést um níu kíló eftir hjartaáfallið: „Maður vaknar svolítið við þetta“ Lífið „Þetta tekur svo svakalega á sálartetrið“ Lífið Steldu senunni í veislu sumarsins Lífið Sjarmerandi miðbæjaríbúð listapars Lífið Dreymir stanslaust kynlíf með öðru fólki en makanum Lífið Kolféll fyrir New York en sér íslenska náttúru í hillingum Lífið Tónlistarbransadrottning selur miðbæjarslotið Lífið Fleiri fréttir Brad Pitt tjáir sig í fyrsta skipti um skilnaðinn „Þetta tekur svo svakalega á sálartetrið“ Sjarmerandi miðbæjaríbúð listapars Heillaði að læra hefðirnar í Húsó Steldu senunni í veislu sumarsins Hefur lést um níu kíló eftir hjartaáfallið: „Maður vaknar svolítið við þetta“ Dreymir stanslaust kynlíf með öðru fólki en makanum Skvísurnar tóku yfir klúbbinn Tónlistarbransadrottning selur miðbæjarslotið Handlagin hjón selja tvær eignir í sögulegu farandshúsi Kjalar ástfanginn í tvö ár Diddú tíu þúsundasti gestur fótboltabullnanna Sú elsta í sögu Ungfrú Ísland glímdi við átröskun og varð minnst 39 kíló Alda Karen keppir í hermiakstri Var ekki að lifa lífinu heldur að þrauka það Eilish sópaði að sér verðlaunum á AMA-hátíðinni Kolféll fyrir New York en sér íslenska náttúru í hillingum Brauðtertu- og ostakökukeppni á Selfossi Sara Björk og Árni kaupa í Urriðaholti Senjórítur og Pálmi Gunnars stálu senunni á Rottweiler Eyjaherrar heiðruðu sjötugan Ásgeir í stjörnufans „Þessi þriggja daga hátíð er algjört konfekt” Þarf ekki stóra íbúð til að gera heimilið fallegt Ásta Kristrún og Valgeir biðla til vina í leit að húsnæði Óttar keypti 320 milljóna króna þakíbúð Segist hafa neyðst til að vera Laufey í beinni útsendingu Stjörnulífið: Fröllur í poka og franska rívíeran Ástir, losti, fíkn og svik – dauði Marilyn Monroe Flytur til Sydney Drake kom fram á tónleikum í 66°Norður Sjá meira