Alþjóðahandboltasambandið hefur nú gefið út lokastöðu liðanna átta sem duttu út úr sextán liða úrslitum á HM í handbolta í Katar.
Íslenska liðið endar í ellefta sæti á heimsmeistaramótinu en aðeins Makedónía og Svíþjóð eru ofar af þeim liðum sem komust ekki lengra en í sextán liða úrslitin.
Íslenska liðið hafnaði því einu sæti ofar en á síðasta heimsmeistaramóti sem var jafnframt fyrsta HM undir stjórn Arons Kristjánssonar.
Þetta er í þriðja sinn sem Ísland endar í 11. sæti HM en það gerðist líka í bæði skiptin sem keppnin hefur farið fram í Frakklandi, 1970 og 2001.
Það eru stigin þrjú í riðlinum á móti liðum sem komust áfram í sextán liða úrslitin sem skila íslenska liðinu í ellefta sætið og ofar en Argentína, Austurríki, Egyptaland, Túnis og Brasilía.
Ísland vann Egyptaland og gerði jafntefli við Frakkland en stigin á móti neðstu tveimur liðunum telja ekki og þar með ekki stórtapið á móti Tékkum.
Patrekur Jóhannesson og lærisveinar hans í austurríska landsliðinu enduðu í 13. sæti á mótinu.
Röð þjóða í 9. til 16. sæti á HM í Katar:
9. Makedónía/ 4 stig / 95-85 í markatölu
10. Svíþjóð / 3 / 74-68
11. Ísland / 3 / 70-75
12. Argentína / 1 / 70-76
13. Austurríki / 1 / 86-93
14. Egyptaland / 1 / 74-81
15. Túnis / 1 / 75-86
16. Brasilía / 0 / 82-92
Sæti Íslands í sögu HMí handbolta:
5. sæti: 1 sinni (1997)
6. sæti: 3 sinnum (1961, 1986, 2011)
7. sæti: 1 sinni (2003)
8. sæti: 2 sinnum (1993, 2007)
9. sæti: 1 sinni (1964)
10. sæti: 2 sinnum (1958, 1990)
11. sæti: 3 sinnum (1970, 2001, 2015)
12. sæti: 1 sinni (2013)
13. sæti: 1 sinni (1978)
14. sæti: 2 sinnum (1974, 1995)
15. sæti: 1 sinni (2005)
Ísland endaði í ellefta sætinu á HM í Katar
Tengdar fréttir
Guðmundur: Hefðum getað unnið stærra
Rætt við Guðmund í myrkvuðu herbergi á Hilton-hótelinu í Doha.
Guðjón Valur: Ég ætla ekki að vera með neina niðurrifsstarfsemi
Guðjón Valur Sigurðsson, fyrirliði íslenska landsliðsins, sagðist vera stoltur af sínum mönnum fyrir frammistöðuna á HM í handbolta, þó svo að niðurstaðan hafi ekki verið eftir óskum manna.
HM-kvöld: Patrekur og austurrísku leikmennirnir flautaðir út úr HM
Hörður Magnússon og Guðjón Guðmundsson tóku það saman í HM-kvöldinu í gær hvernig austurríska landsliðið var hreinlega flautað út út heimsmeistaramótinu þegar liðið tapaði á móti Katar í sextán liða úrslitum HM í handbolta.
Eins og leikmenn hafi ekki trú á því sem þjálfarinn er að gera
Guðjón Guðmundsson og Kristján Arason krufu leik íslenska liðsins í HM-kvöldi á Stöð 2 Sport.
Áskorun að halda fána Íslands á lofti í handboltanum
"Við vildum gefa þessu liði einn séns á stórmóti og freista þess að ná toppframmistöðu úr þessum leikmönnum,“ sagði Aron Kristjánsson landsliðsþjálfari eftir að Ísland féll úr leik á HM í Katar í gærkvöldi.
