Brimborg frumsýnir Citroën C1

Nýr Citroën C1 verður frumsýndur á morgun, laugardaginn 7. febrúar milli kl. 12 og 16 í sýningarsal Brimborgar að Bíldshöfða 8, Reykjavík. Um er að ræða fyrstu frumsýninguna á 15 ára afmælisári Citroën á Íslandi hjá Brimborg.

Citroën C1 er bjartur og ferskur, bæði að innan og utan. Hann er einnig afar hagnýtur bíll og öll hönnun hans miðar að því að gera hversdaginn einfaldari. Hann er á góðu verði og í boði er gott úrval sparneytinni bensínvéla. Ekki skemmir fyrir að hann er ríkulega búinn staðalbúnaði.

Citroën C1 5 dyra er í boði frá einungis 1.950.000 kr. Meðal staðalbúnaðar er loftkæling með móðuvörn, brekkuaðstoð sem heldur við þegar tekið er af stað í halla og LED-ljós í framstuðara. Citroën hefur einsett sér að búa nýjan C1 með tækni sem einfaldar hversdaginn fyrir ökumanninn sjálfan. Spegla-snertiskjárinn er 7“ að stærð gerir ökumanni kleift að sýsla á einum stað með alla tölvustýringu bílsins og afþreyingarefni.

Hægt er að spegla snjallsíma yfir á Spegla-snertiskjáinn og fá þannig beinan aðgang að öllu sem er í símanum þínum hvort sem er forrit, GPS, tónlist, hlaðvarp eða tengiliðir. Spegla-snertiskjárinn er staðalbúnaður í Feel og Shine útfærslum C1. Í boði eru sparneytnar bensínvélar sem skila öflugum og þægilegum akstri. Heildarþyngd C1 er aðeins 840 kg. Brimborg hvetjur áhugasama til að koma í reynsluakstur á morgun, laugardag milli kl. 12-16.

Árið byrjar heldur betur spennandi hjá Citroën. Ekki er nóg að Brimborg sé að kynna nýjan C1 heldur styttist einnig í frumsýningu á nýjum Citroën C4 Cactus en sá bíll hefur slegið í gegn frá því Citroën frumsýndi hann fyrir nokkrum mánuðum. Móttökurnar eru frábærar. Þegar þetta er skrifað hefur hann hlotið hvorki fleiri né færri en 21 verðlaun.