Á þriðja tug björgunarsveitarmanna hafa verið kallaðir út til að aðstoða ökumenn á Hellisheiði og Sandskeiði, en lokað var fyrir umferð um heiðina, Þrengslin og Sandskeið um hádegi í dag.
„Við höfum kallað út björgunarsveitir bæði frá höfuðborgarsvæðinu og fyrir austan fjall. Þær eru bara að aðstoða ökumenn. Það eru nokkrir fastir og út af bæði á Sandskeiði og á Hellisheiðinni. Það er mjög blint og alls ekkert ferðaveður“ segir Ólöf Snæhólm Baldursdóttir upplýsingafulltrúi Landsbjargar.
Suðaustan stormur gengur nú yfir landið. Mjög hvasst er á Suður-og Vesturlandi en síðdegis mun byrja að hvessa norðan-og austanlands.
Uppfært klukkan 14:15: Flugfélag Íslands hefur aflýst öllu innanlandsflugi í dag.
Sjá nánar á veðurvef Vísis.
„Mjög blint og alls ekkert ferðaveður“

Tengdar fréttir

Hellisheiði og Þrengslin lokuð: Björgunarsveitir að störfum
Reiknað með hviðum 35-45 metrar undir Hafnarfjalli og á Kjalarnesi á frá því laust fyrir hádegi og þar til síðdegis.

Búist við stormi um allt land í dag
Hvessa mun með morgninum sunnan- og vestanlands með snjókomu, einkum á fjallvegum, en síðar slyddu eða rigningu á láglendi.

Fylgstu með storminum „í beinni“
Veðurstofan spáir stormi um land allt í dag.