Snarpasta vindhviðan sem mældist á landinu í dag var 73,5 metrar á sekúndu. Það er rétt undir Íslandsmetinu en snarpasta hviða sem mælst hefur á landinu er 74,5 metrar á sekúndu. RÚV greinir frá þessu.
Vindhviðan í dag mældist á Skarðsheiði en ef hraðinn er umreiknaður var hún 264,6 kílómetrar á klukkustund. Sé Íslandsmetið umreiknað er það 268,2 kílómetrar á klukkustund.
Hraðasti meðalvindur í dag mældist 44,4 metrar á sekúndu og var það við Skarðsmýrarfjall.
