Stefnir í dræma mætingu og litla stemmningu á þingmannagleði í kvöld Jakob Bjarnar skrifar 13. mars 2015 13:39 Það stefnir í að þingmannagleðin verði fremur misheppnuð í kvöld. Í kvöld stendur til að halda hefðbundna þingveislu á Hótel Sögu, Súlnasal, en Stundin greindi frá þessu í gær. Vísir skoðaði málið. Það er forseti Alþingis, Einar K. Guðfinnsson, sem býður til veislunnar. Öllum þingmönnum, mökum og varamönnum sem tekið hafa sæti á þessu þingi er boðið. Gleðskapurinn hefst klukkan 19:30. Meinið er bara að þingmenn eru fæstir í veisluskapi. Oft hafa menn tekist á Alþingi, en þingmenn verið ágætir vinir utan dagskrár. En, eftir fréttir gærdagsins, að Gunnar Bragi Sveinsson hafi tilkynnt einhliða, án samráðs við Alþingi, að aðildarviðræðum við ESB væri lokið af hálfu ríkisstjórnarinnar og þar með Íslands. Margir þingmenn, og allir í stjórnarandstöðunni, líta á þetta sem atlögu að þingræðinu. Píratar ætla ekki að mæta. „Við upplifum algjöran trúnaðarbrest við forseta þingsins og í þokkabót er maður varla í stuði til að fagna með þinginu miðað við atburði gærdagsins,“ segir Helgi Hrafn Gunnarsson þingmaður Pírata. Hann veit ekki hver staðan er innan annarra þingflokka. „Ég þori ekki að fullyrða neitt fyrir þeirra hönd, en það kæmi mér stórlega á óvart ef einn einasti stjórnarandstöðumaður mætti. Reyndar gæti ég trúað því að mæting stjórnarliða verði óvenju dræm líka.” Helgi Hrafn á kollgátuna, samkvæmt Nútímanum ætla þingmenn minnihlutaflokkanna, Pírata, Bjartrar framtíðar, VG og Samfylkingarinnar ætla að sniðganga þingveisluFramsóknarmenn eru glaðir, sumir Sjálfstæðismenn en stjórnarandstaðan ætlar ekki að mæta.Heiðursgestur er forseti Íslands, spariklæðnaður er áskilinn og í boði til þingmanna segir: „Að vanda verður mælendaskrá opnuð eftir að sest verður til borðs, en einungis má ávarpa samkomuna í bundnu máli og eftir ævafornum bragarreglum, með höfuðstöfum og stuðlum.“ Vísi er ekki kunnugt um hvort hagyrðingar eru margir sem nú sitja á þingi, en húsið verður opnað kl. 19.30. Fordrykkur verður borinn fram undir léttri músík. „Gengið verður til borðs um kl. 20.15. Skemmtiatriði verða söngur og gamanmál. Er borð verða upp tekin verður stiginn dans. Með málsverði eru borin fram borðvín, kaffi og koníak á eftir. Eftir matinn verður barinn opnaður þar sem hver og einn borgar fyrir sig.“ Ekki segir meira til um gleðskapinn, hvorki fylgir matseðill né tíundað hver skemmtiatriðin verði. Hver alþingismaður sem þekkist boðið greiðir 5000 krónur og verður það gjald tekið af launareikningi hans við næstu útborgun. Það stefnir sem sagt í að fámennt verði; stjórnarliðarnir með forseta Íslands. Þeir sem fagna helst aðgerðum ríkisstjórnarinnar eru Framsóknarmenn, því málið er umdeilt innan Sjálfstæðisflokksins; en helstu foringjar Framsóknarmanna eru reyndar staddir í útlöndum síðast þegar spurðist: Gunnar Bragi í Eistlandi og Sigmundur Davíð Gunnlaugsson að fagna fertugsafmæli sínu í útlöndum. Í glænýrri Facebook-færslu Össurar Skarphéðinssonar meðfylgjandi, þingmanns og fyrrverandi utanríkisráðherra, má glögglega sjá hug þingmanna til ríkisstjórnarinnar - hann er þungur.Innlegg frá Össur Skarphéðinsson. Alþingi Mest lesið Ekki náð að góma þjófa í dulargervi Innlent Vildu hætta Ameríkuflugi en keyptu svo 757-þotuna Innlent Segir orðræðu varaforsetans ósanngjarna Erlent Nýtt hverfi innblásið af gömlu Reykjavík Innlent RÚV leiðréttir umfjöllun um mál Ásthildar Lóu Innlent Fullveldi Íslands háð því að alþjóðalög séu virt Innlent „Það er skítkalt hérna“ Erlent Borgarfulltrúi sagður hafa sýnt ógnandi hegðun á íbúafundi Innlent Jagúar, skrautleg ferð, Baltasar Kormákur og fullt af „ís“ Innlent Karlar eiga mjög erfitt með að viðurkenna risvandamál Innlent Fleiri fréttir Ekki náð að góma þjófa í dulargervi Vildu hætta Ameríkuflugi en keyptu svo 757-þotuna Fullveldi Íslands háð því að alþjóðalög séu virt Karlar eiga mjög erfitt með að viðurkenna risvandamál Nýtt hverfi innblásið af gömlu Reykjavík RÚV leiðréttir umfjöllun um mál Ásthildar Lóu Eldur í gömlu sundhöllinni í Keflavík Mannskæður jarðskjálfti og vasaþjófar í dulargervi Borgarfulltrúi sagður hafa sýnt ógnandi hegðun á íbúafundi Jagúar, skrautleg ferð, Baltasar Kormákur og fullt af „ís“ Eins leitað eftir slagsmál Greiða atkvæði um verkfall á Grundartanga Kæra skógrækt við Húsavík vegna rasks á varplendi fugla Lokaæfing fyrir almyrkva Vilja að bæjarstjóri lækki laun sín jafn mikið og bæjarfulltrúar Döpur vegna „hetjunnar“ Ástu og „ómaklegrar aðfarar“ RÚV Saka lögregluna um að rægja Kínverja Verður aflífaður eftir allt saman Harðir skjálftar í Asíu og Play til Möltu Lögreglustjóri mun stýra Mannréttindastofnun Vara við þjófum sem dulbúa sig sem ferðamenn Stuðningur við símabann í grunnskólum eykst og mælist 62 prósent Skoða hvort hægt sé að flýta uppbyggingu í Úlfarsárdal Bein útsending: Borgarstjóri ræðir húsnæðisuppbyggingu í Reykjavík Erlendir vasaþjófar herja á Þingvelli og fleiri ferðamannastaði Fimm handteknir vegna líkamsárásar og haldið upp á „alþjóðlega Viagra daginn“ Sólmyrkvi á laugardaginn Harmsögur af stríði, fjöldagrafir og tíðar árásir taka á líkama og sál Skatturinn snýr sér að íþróttafélögum og samfélagið titrar Skipulagðir glæpahópar njósni fyrir erlend ríki Sjá meira
Í kvöld stendur til að halda hefðbundna þingveislu á Hótel Sögu, Súlnasal, en Stundin greindi frá þessu í gær. Vísir skoðaði málið. Það er forseti Alþingis, Einar K. Guðfinnsson, sem býður til veislunnar. Öllum þingmönnum, mökum og varamönnum sem tekið hafa sæti á þessu þingi er boðið. Gleðskapurinn hefst klukkan 19:30. Meinið er bara að þingmenn eru fæstir í veisluskapi. Oft hafa menn tekist á Alþingi, en þingmenn verið ágætir vinir utan dagskrár. En, eftir fréttir gærdagsins, að Gunnar Bragi Sveinsson hafi tilkynnt einhliða, án samráðs við Alþingi, að aðildarviðræðum við ESB væri lokið af hálfu ríkisstjórnarinnar og þar með Íslands. Margir þingmenn, og allir í stjórnarandstöðunni, líta á þetta sem atlögu að þingræðinu. Píratar ætla ekki að mæta. „Við upplifum algjöran trúnaðarbrest við forseta þingsins og í þokkabót er maður varla í stuði til að fagna með þinginu miðað við atburði gærdagsins,“ segir Helgi Hrafn Gunnarsson þingmaður Pírata. Hann veit ekki hver staðan er innan annarra þingflokka. „Ég þori ekki að fullyrða neitt fyrir þeirra hönd, en það kæmi mér stórlega á óvart ef einn einasti stjórnarandstöðumaður mætti. Reyndar gæti ég trúað því að mæting stjórnarliða verði óvenju dræm líka.” Helgi Hrafn á kollgátuna, samkvæmt Nútímanum ætla þingmenn minnihlutaflokkanna, Pírata, Bjartrar framtíðar, VG og Samfylkingarinnar ætla að sniðganga þingveisluFramsóknarmenn eru glaðir, sumir Sjálfstæðismenn en stjórnarandstaðan ætlar ekki að mæta.Heiðursgestur er forseti Íslands, spariklæðnaður er áskilinn og í boði til þingmanna segir: „Að vanda verður mælendaskrá opnuð eftir að sest verður til borðs, en einungis má ávarpa samkomuna í bundnu máli og eftir ævafornum bragarreglum, með höfuðstöfum og stuðlum.“ Vísi er ekki kunnugt um hvort hagyrðingar eru margir sem nú sitja á þingi, en húsið verður opnað kl. 19.30. Fordrykkur verður borinn fram undir léttri músík. „Gengið verður til borðs um kl. 20.15. Skemmtiatriði verða söngur og gamanmál. Er borð verða upp tekin verður stiginn dans. Með málsverði eru borin fram borðvín, kaffi og koníak á eftir. Eftir matinn verður barinn opnaður þar sem hver og einn borgar fyrir sig.“ Ekki segir meira til um gleðskapinn, hvorki fylgir matseðill né tíundað hver skemmtiatriðin verði. Hver alþingismaður sem þekkist boðið greiðir 5000 krónur og verður það gjald tekið af launareikningi hans við næstu útborgun. Það stefnir sem sagt í að fámennt verði; stjórnarliðarnir með forseta Íslands. Þeir sem fagna helst aðgerðum ríkisstjórnarinnar eru Framsóknarmenn, því málið er umdeilt innan Sjálfstæðisflokksins; en helstu foringjar Framsóknarmanna eru reyndar staddir í útlöndum síðast þegar spurðist: Gunnar Bragi í Eistlandi og Sigmundur Davíð Gunnlaugsson að fagna fertugsafmæli sínu í útlöndum. Í glænýrri Facebook-færslu Össurar Skarphéðinssonar meðfylgjandi, þingmanns og fyrrverandi utanríkisráðherra, má glögglega sjá hug þingmanna til ríkisstjórnarinnar - hann er þungur.Innlegg frá Össur Skarphéðinsson.
Alþingi Mest lesið Ekki náð að góma þjófa í dulargervi Innlent Vildu hætta Ameríkuflugi en keyptu svo 757-þotuna Innlent Segir orðræðu varaforsetans ósanngjarna Erlent Nýtt hverfi innblásið af gömlu Reykjavík Innlent RÚV leiðréttir umfjöllun um mál Ásthildar Lóu Innlent Fullveldi Íslands háð því að alþjóðalög séu virt Innlent „Það er skítkalt hérna“ Erlent Borgarfulltrúi sagður hafa sýnt ógnandi hegðun á íbúafundi Innlent Jagúar, skrautleg ferð, Baltasar Kormákur og fullt af „ís“ Innlent Karlar eiga mjög erfitt með að viðurkenna risvandamál Innlent Fleiri fréttir Ekki náð að góma þjófa í dulargervi Vildu hætta Ameríkuflugi en keyptu svo 757-þotuna Fullveldi Íslands háð því að alþjóðalög séu virt Karlar eiga mjög erfitt með að viðurkenna risvandamál Nýtt hverfi innblásið af gömlu Reykjavík RÚV leiðréttir umfjöllun um mál Ásthildar Lóu Eldur í gömlu sundhöllinni í Keflavík Mannskæður jarðskjálfti og vasaþjófar í dulargervi Borgarfulltrúi sagður hafa sýnt ógnandi hegðun á íbúafundi Jagúar, skrautleg ferð, Baltasar Kormákur og fullt af „ís“ Eins leitað eftir slagsmál Greiða atkvæði um verkfall á Grundartanga Kæra skógrækt við Húsavík vegna rasks á varplendi fugla Lokaæfing fyrir almyrkva Vilja að bæjarstjóri lækki laun sín jafn mikið og bæjarfulltrúar Döpur vegna „hetjunnar“ Ástu og „ómaklegrar aðfarar“ RÚV Saka lögregluna um að rægja Kínverja Verður aflífaður eftir allt saman Harðir skjálftar í Asíu og Play til Möltu Lögreglustjóri mun stýra Mannréttindastofnun Vara við þjófum sem dulbúa sig sem ferðamenn Stuðningur við símabann í grunnskólum eykst og mælist 62 prósent Skoða hvort hægt sé að flýta uppbyggingu í Úlfarsárdal Bein útsending: Borgarstjóri ræðir húsnæðisuppbyggingu í Reykjavík Erlendir vasaþjófar herja á Þingvelli og fleiri ferðamannastaði Fimm handteknir vegna líkamsárásar og haldið upp á „alþjóðlega Viagra daginn“ Sólmyrkvi á laugardaginn Harmsögur af stríði, fjöldagrafir og tíðar árásir taka á líkama og sál Skatturinn snýr sér að íþróttafélögum og samfélagið titrar Skipulagðir glæpahópar njósni fyrir erlend ríki Sjá meira