Næst kemur lögreglan sem nýtur mikils trausts 77% landsmanna en það hlutfall er sex prósentustigum lægra en í fyrra.
Í þriðja sæti er Háskóli Íslands en 72% svarenda bera mikið traust til hans. 61 % almennings bera mikið traust til embætti sérstaks saksóknara og þar á eftir kemur heilbrigðiskerfið en sex af hverjum tíu bera mikið traust til þess.
Traust til umboðsmanns Alþingis hækkar um sjö prósentustig, en 54% bera mikið traust til hans, og 53% bera mikið traust til ríkissaksóknara.
Athygli vekur á því að þeim sem bera mikið traust til ríkissáttasemjara fjölgar um heil 13 prósentustig og eru nú 51%.
Um 43% bera mikið traust til embættis forseta Íslands og sama hlutfall til dómskerfisins, 36% bera mikið traust til þjóðkirkjunnar, 31% til borgarstjórnar Reykjavíkur, 29% til Seðlabankans, 28% til umboðsmanns skuldara og 21% til Fjármálaeftirlitsins. Þeim fækkar um fimm prósentustig sem bera mikið traust til Alþingis, og eru nú 18%, en 12% bera mikið traust til bankakerfisins.
Almenningur var spurður um traust sitt til ýmissa stofnana samfélagsins og voru sömu stofnanir í þremur efstu sætunum og síðustu ár.
