Faðir Floyd Mayweather vill sjá soninn fara að leggja hanskana á hilluna.
Floyd Mayweather eldri hefur nefnilega ráðlagt syni sínum að henda hönskunum inn í bílskúr eftir bardagann gegn Manny Pacquaio um næstu helgi.
Sjálfur hefur hinn 38 ára gamli boxari sagt að hann ætli að keppa einu sinni í viðbót og þá væntanlega í september. Hann er bundinn samningi um einn bardaga eftir Pacquaio-bardagann.
„Ég vona samt að hann hætti bara um helgina. Menn eru að leika sér með heilsuna í þessu sporti og Floyd ætti ekki að taka of mikla áhættu með sína heilsu," sagði pabbinn.
Mayweather hefur verið atvinnumaður í 19 ár og unnið alla 47 bardaga sína. 26 sinnum hefur hann unnið með rothöggi.
Bardaginn verður í beinni á Stöð 2 Sport um næstu helgi.
Floyd ætti að hætta eftir bardagann gegn Pacquaio
Tengdar fréttir
Bílar upp á tvo milljarða króna safna bara ryki í bílskúrnum
Floyd Mayweather á svo mikla pening að hann veit eiginlega ekki hvað hann á að gera við þá.
Síðasti bardagi Mayweather verður í september
Floyd Mayweather er búinn að ákveða hvenær hann hendir hönskunum upp í hillu.
Mayweather: Ég er víst betri en Ali
Boxarinn digurbarkalegi heldur fast í fyrri yfirlýsingar sínar.
„Tæki mig minna en 30 sekúndur að drepa Mayweather“
Írinn Conor McGregor er í áhugaverðu viðtali við Esquire þar sem hann fer um víðan völl.
Dýrustu miðarnir kostuðu eina milljón
Miðar á bardaga Floyd Mayweather og Manny Pacquaio fóru loksins í sölu í dag. Ekki seinna vænna því þeir berjast eftir rúma viku.
