Martin Cacares, úrúgvæski varnarmaður Juventus, missti ökuréttindin í dag og var settur í tímabundið bann hjá Juventus, eftir að hafa verið gripinn við stýrið undir áhrifum áfengis í nótt.
Cacares klessti á tvo kyrrstæða bíla er hann keyrði Ferrari 458 Italia-bíl sinn í Tórínó í nótt og þegar lögreglan bað hann um að blása í áfengismæli kom í ljós að áfengismagn í blóðsýni hans væri yfir leyfilegum mörkum.
Juventus staðfesti á vefsíðu sinni í morgun að Cacares hefði verið settur í tímabundið bann en hann hefur leikið yfir 100 leiki fyrir félagið.
Verður hann því ekki í leikmannahóp Juventus gegn Sevilla á morgun í Meistaradeildinni en leikurinn fer fram á heimavelli Juventus.
Varnarmaður Juventus settur í bann vegna ölvunaraksturs
Kristinn Páll teitsson skrifar

Mest lesið


Everton ekki tapað í síðustu átta deildarleikjum sínum
Enski boltinn



FH sækir liðsstyrk út fyrir landsteinana
Íslenski boltinn



Villa blandar sér í Meistaradeildarbaráttuna
Enski boltinn

