Umfjöllun og viðtöl: ÍBV - Valur 20-23 | Berglind frábær á lokakaflanum Guðmundur Tómas Sigfússon í Vestmannaeyjum skrifar 6. mars 2016 16:30 Berglind Íris Hansdóttir lokaði Valsmarkinu í lokin. Vísir/Stefán Valskonur unnu ÍBV með þriggja marka mun úti í Eyjum í Olís deild kvenna í handbolta í dag. ÍBV byrjaði leikinn mun betur og leiddi mest allan leikinn, Valskonur sigu þó fram úr í lokin með Berglindi Írisi Hansdóttur fremsta í flokki, hún varði 22 skot í leiknum. Lokatölur voru 20:23 í þessum leik þar sem markvarslan var í fyrirrúmi. Hjá Val vantaði tvær byrjunarliðskonur en þær Íris Ásta Pétursdóttir og Morgan Marie McDonald, voru fjarri góðu gamni. Íris var veik heima og Morgan fékk höfuðhögg í síðasta leik. Leikurinn byrjaði eins ömurlega og hægt var, fyrstu mínúturnar voru í raun hrein hörmung og kom fyrsta mark leiksins ekki fyrr en á fimmtu mínútu. Þá komu fjögur mörk frá Val í röð og virtust þær ráða betur við byrjunina heldur en ÍBV. ÍBV tókst þó hægt og bítandi að snúa leiknum sér í vil, þökk sé góðum kafla í vörn og markvörslu tókst liðinu að koma sér tveimur mörkum yfir undir lok fyrri hálfleiksins. Kristín Guðmundsdóttir var í raun ömurleg í fyrri hálfleik hjá Val, þar sem hún átti tíu skot að marki en tókst einungis að skora eitt. Hún fann reyndar liðsfélaga sína mjög vel og átti líklega fjöldan allan af stoðsendingum í leiknum. Eyjastúlkur héldu uppteknum hætti í síðari hálfleik og virtust ætla að sigra nokkuð örugglega, þær héldu tveggja marka forskoti í nokkuð langan tíma en Drífa Þorvaldsdóttir gat komið liðinu tveimur mörkum yfir af vítalínunni þegar tíu mínútur voru eftir. Berglind Íris Hansdóttir varði vítakastið og þá snerist leikurinn við. Á síðustu tíu mínútunum skoruðu Valskonur fimm mörk gegn einungis einu frá ÍBV. Á lokakaflanum var Berglind frábær og kláraði leikinn með 22 skot varin. Erla Rós Sigmarsdóttir var einnig frábær í marki ÍBV en varði 21 skot og þar af tvö vítaköst, í raun grátlegt fyrir hana að horfa á eftir stigunum tveimur í lokin. Bryndís Elín Wöhler átti frábæran leik í sókninni hjá Val þar sem hún skoraði sjö mörk úr sjö skotum. Valur styrkir stöðu sína gríðarlega í deildinni með þessum sigri en þær eru nú tveimur stigum á undan ÍBV í 3. sæti deildarinnar.Hrafnhildur: Gátum varla kastað og gripið „Ég er ógeðslega svekkt, leið og reið. Ég er ótrúlega döpur yfir þessu,“ sagði Hrafnhildur Ósk Skúladóttir, þjálfari meistaraflokks kvenna hjá ÍBV, eftir þriggja marka tap á heimavelli gegn Val. „Það þarf engan vísindamann til að sjá hverjir eru ekki á pari í dag. Það voru rosalega fáar á pari, Drífa skilaði sínu í kvöld og Erla stóð sig mjög vel í markinu.“ „Varnarlega erum við að fá á okkur 22 mörk, sem er alls ekki mikið fyrir okkur. Við höfum verið að fá á okkur drullumörg mörk í vetur en aftur á móti erum við búnar að skora langflestu mörkin í deildinni.“ „Sóknarlega höfum við aldrei verið í vandræðum en í dag gátum við varla kastað og gripið (í dag). Það skipti engu máli hvað við ætluðum að gera, það var ekki hægt að gera neitt.“ ÍBV er með tveggja marka forystu í hálfleik, hvað breytist í síðari hálfleik? „Það gerðist ekki neitt, sóknarlega eigum við skelfilegan dag.“ „Við þurfum að fara í það hvernig við mætum til leiks. Valsliðið var laskað, þær voru skelfilegar til að byrja með og spiluðu hræðilega. Að við skildum detta niður á þeirra plan var sorglegast.“ „Valsliðið var ekki tilbúið í þennan leik fyrr en þær sáu hvað við vorum ógeðslega lélegar. Það sorglegasta er að hafa ekki klárað Val á svona degi, þegar það vantaði tvo lykilmenn. Glórulaust að tapa í dag.“ „Ég vil fá liðið mitt eins og það mætti í Gróttuleikinn, þær spiluðu fyrri hálfleik stórkostlega og hvernig holningin var á liðinu þá, ég vil sjá svoleiðis aftur.“Alfreð: Ég er í skýjunum „Ég er alveg í skýjunum, það er svo einfalt,“ sagði Alfreð Örn Finnsson, þjálfari Vals en hann mætti með laskað lið til Eyja og sigraði lið ÍBV. „Ég átti von á svona leik eins og þetta varð, við vorum með laskað lið og þetta er extra sætt finnst mér.“ Íris Ásta Pétursdóttir og Morgan Marie McDonald voru ekki með í dag og við spurðum Alfreð út í það. „Íris er veik og Morgan fékk heilahristing í síðasta leik, hægri vængurinn okkar í allan vetur. Þetta voru stór skörð að fylla, ég er ánægður með stelpurnar að sýna karakter og liðsheild.“ „Vörnin og Begga fyrir aftan og svo mjötluðum við þessum áfram sóknarlega, þetta var skemmtilegur sunnudagur í Eyjum fyrir okkur,“ sagði Alfreð að hafi verið mikilvægt í dag. Hvað breytist í hálfleik hjá Val? „Mér fannst á tímabili í fyrri hálfleik við vera klaufar að flýta okkur, við hefðum alveg eins geta verið tveimur yfir eins og þær. Mér fannst við laga það í síðari hálfleik, færri mistök og þær fóru að gera þessi mistök sem við gerðum.“ „Við urðum ennþá þéttari en síðan varði Begga víti sem gaf okkur byr undir báða vængi.“ Olís-deild kvenna Mest lesið Segir að eitrað hafi verið fyrir leikmönnum liðsins Fótbolti Má ekki koma inn í íþróttahús í tíu mánuði Körfubolti Hulda Elma vann Hengil Ultra á brautarmeti Sport Snýr aftur til Íslands betri en nokkru sinni áður Körfubolti Taiwo Badmus staðfestur hjá Stólunum: „Ég er kominn heim“ Körfubolti „Vandræðalegt að fá krampa í bæði læri eftir sextíu mínútur“ Fótbolti Liverpool hækkar tilboð sitt Enski boltinn „Þakklátur fyrir að konan sé tilbúin að leyfa mér að upplifa þetta“ Körfubolti Anníe Mist kynnir bók sem tók fjögur ár að skrifa: Bæði stressuð og spennt Sport Tvíburasystir vonarstjörnu lést Sport Fleiri fréttir Arnór Atla valinn þjálfari ársins Strákarnir hans Arnórs fara í oddaleik um bronsið KA ræður manninn sem gerði KA/Þór að Íslandsmeisturum Silfrið niðurstaðan fyrir Hannes og strákana hans Óðinn með næstflottasta markið í Evrópudeildinni Elín Klara og Reynir Þór valin best Guðjóni Val tókst ekki að hjálpa löndum sínum Dæmdur 10-0 sigur og titillinn í höfn eftir mikið hneyksli Gísli Þorgeir sleppur við aðgerð Dagur Árni fetar í fótspor pabba síns Lýst sem ungum Elvari: Reynir til eins besta liðs Þýskalands Gerir ekki ráð fyrir miklum breytingum á leikmannahópnum Hlaðvarpsstjörnu dreymir um að spila handbolta á Ólympíuleikunum 2028 Viktor Gísli pólskur meistari í kvöld Magdeburg upp í toppsætið en Melsungen missteig sig Janus Daði og félagar tryggðu sér oddaleik um titilinn Spilar með tilfinningum sínum: „Næst kýlir maður með vinstri“ Jóhanna Margrét snýr heim og fer í Hauka Þrír fyrrum dómarar hlutu heiðursmerki Viggó kom Erlangen úr fallsæti Íslendingalið Melsungen heldur í við toppliðin Gísli Þorgeir meiddist enn á ný á öxl Elliði Snær og Teitur Örn höfðu betur gegn Andra Má Stórleikur Janusar og fimm marka forskot ekki nóg í Íslendingaslag um titilinn Hannes og lærisveinar hans töpuðu fyrsta úrslitaleiknum Samstarf HSÍ og Rapyd heyrir sögunni til Melsungen tapaði toppslagnum Magdeburg á toppinn eftir enn einn stórleikinn hjá Ómari og Gísla „Er þreyttur núna, ég skal bara viðurkenna það“ Anton og Jónas dæma á úrslitahelgi Meistaradeildarinnar Sjá meira
Valskonur unnu ÍBV með þriggja marka mun úti í Eyjum í Olís deild kvenna í handbolta í dag. ÍBV byrjaði leikinn mun betur og leiddi mest allan leikinn, Valskonur sigu þó fram úr í lokin með Berglindi Írisi Hansdóttur fremsta í flokki, hún varði 22 skot í leiknum. Lokatölur voru 20:23 í þessum leik þar sem markvarslan var í fyrirrúmi. Hjá Val vantaði tvær byrjunarliðskonur en þær Íris Ásta Pétursdóttir og Morgan Marie McDonald, voru fjarri góðu gamni. Íris var veik heima og Morgan fékk höfuðhögg í síðasta leik. Leikurinn byrjaði eins ömurlega og hægt var, fyrstu mínúturnar voru í raun hrein hörmung og kom fyrsta mark leiksins ekki fyrr en á fimmtu mínútu. Þá komu fjögur mörk frá Val í röð og virtust þær ráða betur við byrjunina heldur en ÍBV. ÍBV tókst þó hægt og bítandi að snúa leiknum sér í vil, þökk sé góðum kafla í vörn og markvörslu tókst liðinu að koma sér tveimur mörkum yfir undir lok fyrri hálfleiksins. Kristín Guðmundsdóttir var í raun ömurleg í fyrri hálfleik hjá Val, þar sem hún átti tíu skot að marki en tókst einungis að skora eitt. Hún fann reyndar liðsfélaga sína mjög vel og átti líklega fjöldan allan af stoðsendingum í leiknum. Eyjastúlkur héldu uppteknum hætti í síðari hálfleik og virtust ætla að sigra nokkuð örugglega, þær héldu tveggja marka forskoti í nokkuð langan tíma en Drífa Þorvaldsdóttir gat komið liðinu tveimur mörkum yfir af vítalínunni þegar tíu mínútur voru eftir. Berglind Íris Hansdóttir varði vítakastið og þá snerist leikurinn við. Á síðustu tíu mínútunum skoruðu Valskonur fimm mörk gegn einungis einu frá ÍBV. Á lokakaflanum var Berglind frábær og kláraði leikinn með 22 skot varin. Erla Rós Sigmarsdóttir var einnig frábær í marki ÍBV en varði 21 skot og þar af tvö vítaköst, í raun grátlegt fyrir hana að horfa á eftir stigunum tveimur í lokin. Bryndís Elín Wöhler átti frábæran leik í sókninni hjá Val þar sem hún skoraði sjö mörk úr sjö skotum. Valur styrkir stöðu sína gríðarlega í deildinni með þessum sigri en þær eru nú tveimur stigum á undan ÍBV í 3. sæti deildarinnar.Hrafnhildur: Gátum varla kastað og gripið „Ég er ógeðslega svekkt, leið og reið. Ég er ótrúlega döpur yfir þessu,“ sagði Hrafnhildur Ósk Skúladóttir, þjálfari meistaraflokks kvenna hjá ÍBV, eftir þriggja marka tap á heimavelli gegn Val. „Það þarf engan vísindamann til að sjá hverjir eru ekki á pari í dag. Það voru rosalega fáar á pari, Drífa skilaði sínu í kvöld og Erla stóð sig mjög vel í markinu.“ „Varnarlega erum við að fá á okkur 22 mörk, sem er alls ekki mikið fyrir okkur. Við höfum verið að fá á okkur drullumörg mörk í vetur en aftur á móti erum við búnar að skora langflestu mörkin í deildinni.“ „Sóknarlega höfum við aldrei verið í vandræðum en í dag gátum við varla kastað og gripið (í dag). Það skipti engu máli hvað við ætluðum að gera, það var ekki hægt að gera neitt.“ ÍBV er með tveggja marka forystu í hálfleik, hvað breytist í síðari hálfleik? „Það gerðist ekki neitt, sóknarlega eigum við skelfilegan dag.“ „Við þurfum að fara í það hvernig við mætum til leiks. Valsliðið var laskað, þær voru skelfilegar til að byrja með og spiluðu hræðilega. Að við skildum detta niður á þeirra plan var sorglegast.“ „Valsliðið var ekki tilbúið í þennan leik fyrr en þær sáu hvað við vorum ógeðslega lélegar. Það sorglegasta er að hafa ekki klárað Val á svona degi, þegar það vantaði tvo lykilmenn. Glórulaust að tapa í dag.“ „Ég vil fá liðið mitt eins og það mætti í Gróttuleikinn, þær spiluðu fyrri hálfleik stórkostlega og hvernig holningin var á liðinu þá, ég vil sjá svoleiðis aftur.“Alfreð: Ég er í skýjunum „Ég er alveg í skýjunum, það er svo einfalt,“ sagði Alfreð Örn Finnsson, þjálfari Vals en hann mætti með laskað lið til Eyja og sigraði lið ÍBV. „Ég átti von á svona leik eins og þetta varð, við vorum með laskað lið og þetta er extra sætt finnst mér.“ Íris Ásta Pétursdóttir og Morgan Marie McDonald voru ekki með í dag og við spurðum Alfreð út í það. „Íris er veik og Morgan fékk heilahristing í síðasta leik, hægri vængurinn okkar í allan vetur. Þetta voru stór skörð að fylla, ég er ánægður með stelpurnar að sýna karakter og liðsheild.“ „Vörnin og Begga fyrir aftan og svo mjötluðum við þessum áfram sóknarlega, þetta var skemmtilegur sunnudagur í Eyjum fyrir okkur,“ sagði Alfreð að hafi verið mikilvægt í dag. Hvað breytist í hálfleik hjá Val? „Mér fannst á tímabili í fyrri hálfleik við vera klaufar að flýta okkur, við hefðum alveg eins geta verið tveimur yfir eins og þær. Mér fannst við laga það í síðari hálfleik, færri mistök og þær fóru að gera þessi mistök sem við gerðum.“ „Við urðum ennþá þéttari en síðan varði Begga víti sem gaf okkur byr undir báða vængi.“
Olís-deild kvenna Mest lesið Segir að eitrað hafi verið fyrir leikmönnum liðsins Fótbolti Má ekki koma inn í íþróttahús í tíu mánuði Körfubolti Hulda Elma vann Hengil Ultra á brautarmeti Sport Snýr aftur til Íslands betri en nokkru sinni áður Körfubolti Taiwo Badmus staðfestur hjá Stólunum: „Ég er kominn heim“ Körfubolti „Vandræðalegt að fá krampa í bæði læri eftir sextíu mínútur“ Fótbolti Liverpool hækkar tilboð sitt Enski boltinn „Þakklátur fyrir að konan sé tilbúin að leyfa mér að upplifa þetta“ Körfubolti Anníe Mist kynnir bók sem tók fjögur ár að skrifa: Bæði stressuð og spennt Sport Tvíburasystir vonarstjörnu lést Sport Fleiri fréttir Arnór Atla valinn þjálfari ársins Strákarnir hans Arnórs fara í oddaleik um bronsið KA ræður manninn sem gerði KA/Þór að Íslandsmeisturum Silfrið niðurstaðan fyrir Hannes og strákana hans Óðinn með næstflottasta markið í Evrópudeildinni Elín Klara og Reynir Þór valin best Guðjóni Val tókst ekki að hjálpa löndum sínum Dæmdur 10-0 sigur og titillinn í höfn eftir mikið hneyksli Gísli Þorgeir sleppur við aðgerð Dagur Árni fetar í fótspor pabba síns Lýst sem ungum Elvari: Reynir til eins besta liðs Þýskalands Gerir ekki ráð fyrir miklum breytingum á leikmannahópnum Hlaðvarpsstjörnu dreymir um að spila handbolta á Ólympíuleikunum 2028 Viktor Gísli pólskur meistari í kvöld Magdeburg upp í toppsætið en Melsungen missteig sig Janus Daði og félagar tryggðu sér oddaleik um titilinn Spilar með tilfinningum sínum: „Næst kýlir maður með vinstri“ Jóhanna Margrét snýr heim og fer í Hauka Þrír fyrrum dómarar hlutu heiðursmerki Viggó kom Erlangen úr fallsæti Íslendingalið Melsungen heldur í við toppliðin Gísli Þorgeir meiddist enn á ný á öxl Elliði Snær og Teitur Örn höfðu betur gegn Andra Má Stórleikur Janusar og fimm marka forskot ekki nóg í Íslendingaslag um titilinn Hannes og lærisveinar hans töpuðu fyrsta úrslitaleiknum Samstarf HSÍ og Rapyd heyrir sögunni til Melsungen tapaði toppslagnum Magdeburg á toppinn eftir enn einn stórleikinn hjá Ómari og Gísla „Er þreyttur núna, ég skal bara viðurkenna það“ Anton og Jónas dæma á úrslitahelgi Meistaradeildarinnar Sjá meira