Emil Atlason, leikmaður Þróttar, mun fara í aðgerð síðar í dag eftir að hann fótbrotnaði snemma leiks gegn Stjörnunni í gær. Þetta staðfesti hann við mbl.is í dag.
Emil var borinn af velli en strax varð ljóst að meiðslin voru slæm. „Ég horfði á boltann fara í burtu og fékk einhverja snertingu frá Grétari [Sigfinni Sigurðarsyni] sem ég bjóst ekki við,“ sagði Emil.
„Ég festist í gervigrasinu, fóturinn varð eftir og ég lenti einhvern veginn ofan á honum. Þetta var ekkert þægilegt.“
Emil segir að hann veðri líklega í gipsi í fimm vikur og enn sé óvíst hversu lengi hann verði frá alls. Þróttur er með eitt stig eftir fyrstu þrjá leiki sína í deildinni.
Emil um fótbrotið: Festist í gervigrasinu
Tengdar fréttir
Þróttur byrjaði með boltann en Guðjón skoraði eftir níu sekúndur | Sjáðu markið
Guðjón Baldvinsson skoraði í kvöld næst fljótasta mark í sögu efstu deildar á Íslandi.
Umfjöllun, viðtöl og einkunnir: Stjarnan - Þróttur 6-0 | Stjarnan fékk sigur á silfurfati
Stjarnan tyllti sér á topp Pepsi-deildarinnar með afar auðveldum sigri á nýliðum Þróttar í kvöld.
