Lewis Hamilton er skrefi nær því að færast aftur á ráslínu fyrir að taka nýja vélarhluta í notkun. Hann fær sína fimmtu túrbínu og hita rafal (MGU-H) til notkunar í Austurríki um helgina.
Ökumenn mega nota fimm eintök af hverjum þeim hlutum sem mynda vélina í Formúlu 1 bíl.
Hamilton hefur verið óheppinn með bilanir á upphafi tímabils. Hann tapaði nokkrum vélum hraðar en áætlun Mercedes liðsins hljóðaði upp á.
Hamilton er að nota fjórðu rafgeymana og fjórðu aksturstölvuna auk þess sem hann er að fara að nota fimmtu túrbínuna og fimmta hitarafalinn.
Byrji einhver ökumaður að nota sjöttu eintökin af einhverjum hlutum, fær sá sami tíu sæta refsingu á ráslínu eftir tímatökuna.
Hamilton segir þetta óumflýjanlegt fyrir sig á þessu tímabili. Það verður að teljast líklegt að hann hafi rétt fyrir sér. Keppnin í Austurríki er sú níunda á tímabilinu en það er 21 keppni á tímabilinu.
„Ég mun reyna að hitta á að refsingin komi þegar ég á möguleika á að vinna mig upp listann, helst myndi ég vilja taka refsinguna út þar sem ég get samt jafnvel reynt að vinna keppnina. Það er það sem ég er að hugsa,“ sagði heimsmeistarinn í samtali við Autosport.
Nico Rosberg, liðsfélagi Hamilton er að nota hluti númer 2. Sama má segja um aðra aðila sem nota Mercedes vélar.
Haukar
FH
