Jimmy Walker var að vonum sáttur eftir að hafa tryggt sér sigur á PGA meistaramótinu í golfi. Þetta var fyrsti sigur hins 37 ára gamla Walkers á risamóti.
Walker og Jason Day, efsti maður heimslistans, börðust um sigurinn en sá fyrrnefndi hafði að lokum betur.
„Jason Day setti smá pressu á mig. Ég hugsaði að ég gæti klárað þetta með fugli á 17. holu,“ sagði Walker sigurreifur.
„Golf er ekki léttur leikur. Jason er sannur sigurvegari og sýndi það með því að ná erni á síðustu holunni. Ég þurfti því að ná pari og það tókst.“
Walker, sem er í 48. sæti heimslistans, segist hafa fundið fyrir miklum stuðningi á meðan á keppninni í kvöld stóð.
„Það voru miklar tilfinningar í spilinu. Þetta var erfitt, ég ætla ekki að neita því. En ég fann mikinn stuðning frá áhorfendum,“ sagði Walker.
Jimmy Walker: Fann fyrir miklum stuðningi
Tengdar fréttir
Jason Day sækir að Jimmy Walker
Bandaríski kylfingurinn Jimmy Walker er með eins höggs forystu á Jason Day fyrir lokahringinn á PGA meistaramótinu í golfi.
Jimmy Walker kláraði dæmið og tryggði sér sinn fyrsta risamótstitil
Bandaríski kylfingurinn Jimmy Walker hrósaði sigri á PGA meistaramótinu í golfi sem lauk nú í kvöld.
Jimmy Walker enn með forystu
Kylfingar á PGA meistaramótinu í golfi keppast nú við að klára þriðja hringinn á mótinu.
Veðrið setti strik í reikninginn á þriðja keppnisdegi á PGA meistaramótinu
Hætta þurfti keppni á PGA meistaramótinu í golfi í dag vegna veðurs.
Streb komst upp að hlið Walker
Jimmy Walker og Richard Streb frá Bandaríkjunum eru efstir og jafnir eftir annan keppnisdaginn á PGA-Meistaramótinu í golfi.
Besti golfari heims lítill í sér fyrir titilvörnina á PGA-meistaramótinu
Síðasta risamót ársins í golfinu, PGA-meistaramótið, hefst í dag en að þessu sinni verður það haldið hjá Baltusrol-klúbbnum í Springfield í New Jersey fylki.
Jimmy Walker með forystu á PGA-meistaramótinu
Bandaríkjamaðurinn Jimmy Walker er með forystu eftir fyrsta hringinn á PGA-meistaramótinu í golfi.
