Lægð gengur yfir sunnan- og vestanvert landið með hvassviðri og rigningu. Samkvæmt upplýsingum frá Veðurstofu Íslands mun veðrið ná hámarki á miðnætti. Hvassast er undir Eyjafjöllum og á norðanverðu Snæfellsnesi. Auk þess eru snarpir vindar undir Hafnarfjalli og á Kjalarnesi.
Samkvæmt Veðurstofunni á að rigna hressilega fram eftir nóttu en vinda tekur að lægja strax í fyrramálið.
