Íbúar höfuðborgarsvæðisins eru beðnir um að tryggja gott aðgengi að byggingum og rýma flóttaleiðir í kjölfar fannfergisins sem féll um helgina. Þetta kemur fram í tilkynningu frá slökkviliði höfuðborgarsvæðisins.
Í tilkynningunni segir að snjórinn geti verið varsamur og valdið hættu ef hann fellur af húsþökum, lokar fyrir flóttaleiðir eða hindrar för sjúkra- og slökkvibifreiða.
„Ef allir leggja sitt af mörkum með því að moka frá byggingum og rýma flóttaleiðir í sínu nærumhverfi greiða þeir leið viðbragðsaðila og tryggja um leið eigið öryggi.“
Slökkviliðið biðlar til íbúa að tryggja aðgengi og rýma flóttaleiðir
Tengdar fréttir
Lögregla biður fólk að varast grýlukerti og snjóhengjur
Lögreglan beinir þeim tilmælum til fólks á höfuðborgarsvæðinu að huga að grýlukertum og snjóhengjum er lafa fram af húsþökum.
Snjórinn kominn til að vera næstu daga
Kjörin tækifæri til vetrarútivistar í vikunni á höfuðborgarsvæðinu.
