Yfir helmingur er með áskrift að Netflix

Yfir helmingur Íslendinga er með áskrift að bandarísku efnisveitunni Netflix samkvæmt nýrri könnun MMR sem var framkvæmd dagana 11. til 16. maí. Um er að ræða 25,6 prósentustiga aukningu frá því að síðasta könnun var gerð í janúar í fyrra. Þá sögðu 33,2 prósent aðspurðra að þau eða einhver á heimilinu væri með áskrift að Netflix.

Í könnun MMR sögðust 2,7 prósent aðspurðra ætla að kaupa áskrift að efnisveitunni á næstu sex mánuðum, en hlutfallið var 7,5 prósent í janúar í fyrra.