Haukur Heiðar Hauksson var í byrjunarliði AIK sem sigraði Östersund 0-3 á útivelli í sænsku úrvalsdeildinni í dag.
AIK komst yfir strax á 12. mínútu leiksins með marki frá Daniel Sundgren. Östersund þurftu að spila 40 mínútur manni færri, en Curtis Edwards fékk að líta sitt annað gula spjald á 51. mínútu.
Nicolas Stefanelli bætti við öðru marki fyrir AIK á 67. mínútu. Varamaðurinn Denni Avdic innsiglaði svo sigur AIK með marki á 87. mínútu.
AIK er í þriðja sæti deildarinnar með 35 stig, 11 stigum á eftir toppliðið Malmö.
Höskuldur Gunnlaugsson var aftur í byrjunarliði Halmstad sem sótti Djurgården heim. Hann þurfti hins vegar að setjast á bekkinn á 46. mínútu þegar honum var skipt út af fyrir Pontus Silfver.
Tryggvi Hrafn Haraldsson var í fyrsta skipti í hóp hjá Halmstad, en hann byrjaði leikinn í dag á bekknum. Tryggvi Hrafn kom inn á fyrir Gabriel Gudmundsson á 82. mínútu leiksins.
Magnus Eriksson skoraði fyrsta mark leiksins á 28. mínútu þegar hann skoraði úr vítaspyrnu. Svíinn Gabriel Gudmundsson jafnaði leikinn rétt fyrir lok fyrri hálfleiks með glæsilegu skoti fyrir utan vítateig.
Gustav Engvall kom Djurgården svo yfir á 65. mínútu og þar við sat, 2-1 sigur Djurgården niðurstaðan.
Halmstad er í því enn í fallsæti eftir 20. umferðir. Það eru aðeins fjögur stig í liðið í 13. sæti og því góður möguleiki fyrir Halmstad að halda sér í deildinni.
Tryggvi kom inn í tapi Halmstad

Tengdar fréttir

Kung-fu taktar hjá Höskuldi í fyrsta leiknum með Halmstad
Höskuldur Gunnlaugsson byrjaði frábærlega með sænska úrvalsdeildarliðinu Halmstad og skoraði eftir aðeins nokkrar mínútur í fyrsta leik sínum sem var á móti Jönköping.

Tryggvi Hrafn á förum til Halmstad
Tryggvi Hrafn Haraldsson, framherji ÍA og U-21 árs landsliðsins, er þessa stundina í læknisskoðun hjá sænska úrvalsdeildarliðinu Halmstad.