Sung Hyun Park leiðir nú Evian Championship-mótið í Frakklandi, síðasta stórmót ársins í kvennagolfinu en Ólafía Þórunn Kristinsdóttir er á meðal þátttakenda á mótinu.
Keppni var aflýst í gær vegna veðurs en Ólafía Þórunn var þá ekki farin af stað. Hún á rástíma í dag klukkan 11.09 og verður fylgst náið með gangi mála á Vísi í dag.
En fjölmargir kylfingar voru byrjaðir að spila í gær við krefjandi aðstæður áður en ákveðið var að hætta leik vegna mikilla vinda og rigningar. Ein þeirra er Park sem lenti í miklum hremmingum og var á sex höggum yfir pari þegar hætt var að spila.
Meðal annars lék hún elleftu holu á níu höggum en það er par fjögur hola. Park hóf leik á tíundu holu, rétt eins og Ólafía gerir í dag.
Mótshaldarar ákváðu hins vegar í gær að aflýsa fyrsta hringnum alfarið og byrja mótið upp á nýtt í dag. Það þýðir að allir kylfingarnir sem voru byrjaðir að spila í gær byrjuðu á núllpunkti í dag.
Það kom sér afar vel fyrir Park sem hefur spilað eins og engill í dag og er í forystu eftir níu holur á sex höggum undir pari. Hún fékk fjóra fugla og einn örn á fyrstu níu - þar af par á elleftu holu sem reyndist henni svor erfið í gær.
Bein útsending er hafin frá mótinu á Golfstöðinni.
Stórhagnaðist á að leik var aflýst í gær

Tengdar fréttir

Ólafía: Völlurinn er ekkert lamb að leika sér við
Ólafía Þórunn Kristinsdóttir hefur leik á Evian Championship á morgun en þetta er síðasta risamót ársins. Mótið fer fram í Evian-les-Bains í Frakklandi.

Ólafía með góðum vini og reynslubolta í ráshópi
Hefur í dag leik á Evian Championship mótinu sem er síðasta risamót ársins.

Leik aflýst hjá Ólafíu | Verður þriggja daga mót
Ekkert verður spilað á Evian Championship mótinu í dag vegna úrhellisrigningar í Frakklandi.

Leik frestað hjá Ólafíu | Spilar bara nokkrar holur í dag
Rigning í Frakklandi og hefur leik verið frestað á Evian Championship.