Bestu hrekkjavökubúningar Heidi Klum í gegnum árin

Þúsundþjalasmiðurinn Heidi Klum heldur svo sannarlega hátíðlega upp á hrekkjavökuna, og bíða flestir spenntir eftir búningum hennar ár eftir ár. Það verður gaman að sjá hvað hún ætlar að vera þetta árið, en þar til það kemur í ljós höfum við tekið saman hennar bestu búninga í gegnum árin. 

Frá árinu 2000 hefur Heidi haldið hrekkjavökupartý í New York, og hefur eftir það hlotið titilinn drottning hrekkjavökunnar. 

Árið 2013 klæddi hún sig upp sem gömul kona, og eyddi miklum tíma í þann búning. Hann tókst það vel, að hennar sögn, að fólk þekkti hana ekki. Hún þurfti að segja hver hún væri svo henni yrði hleypt inn í sína eigin veislu. 

Við bíðum spenntar eftir kvöldinu hjá Heidi, en eina sem hún hefur látið í ljós í sambandi við búninginn þetta árið, er, að hún hefur þurft að æfa sig mikið.