Lögregla í Kaupmannahöfn hefur í samstarfi við danska herinn fundið handlegg á hafsbotni í Køgeflóa fyrir utan Kaupmannahöfn. Handleggurinn fannst á því svæði þar sem talið er að kafbátur danska uppfinningamannsins Peter Madsen hafi siglt áður en honum var sökkt í ágúst.
Kaupmannahafnarlögreglan greindi frá fundi sínum í fréttatilkynningu nú síðdegis. „Við höfum enn ekki slegið því föstu hvort um sé að ræða hægri eða vinstri handleggur, eða hverjum hann tilheyrir. En við göngum út frá því að hann tengist kafbátsmálinu,“ segir lögreglumaðurinn Jens Møller Jensen.
Lögregla greinir enn fremur frá því að handleggurinn verði tekinn til frekari rannsókna á morgun.
Madsen situr nú í gæsluvarðhaldi vegna gruns um að hafa banað sænsku blaðakonunni Kim Wall þegar þau ferðuðust saman í kafbát Madsen í ágúst síðastliðinn. Búið er að finna búk, höfuð og fótleggi Wall, en Madsen hefur viðurkennt að hafa vanvirt lík Wall.
Áætlað er að aðalmeðferð hefjist í máli Madsen 8. mars næstkomandi.
Fundu handlegg á hafsbotni í Køgeflóa
Tengdar fréttir
Kafbátaferð sænsku blaðakonunnar sem lauk með hryllingi
Atburðarásin í þessu hörmulega máli hefur um margt verið reyfarakennd.
Leitin að Kim Wall: Líkið sem fannst var sundurlimað
Líkið sem danska lögreglan fann fyrr í dag í sjónum fyrir utan Kaupmannahöfn var sundurlimað og án höfuðs, handleggja og fóta
Brotlending hins danska Geimflauga-Madsen
Danski uppfinningamaðurinn Peter Madsen er mjög þekktur maður í Danmörku. Sú staðreynd að hann sitji nú í gæsluvarðhaldi vegna hvarfs sænsku blaðakonunnar Kim Wall hefur vakið gríðarlega athygli í heimalandi hans og raunar um heim allan.
Madsen í dómsal: Segir að Kim Wall hafi hlotið opið höfuðkúpubrot og dáið
Peter Madsen segir að í óðagoti hafi hann ákveðið að tilkynna málið ekki til lögreglu, heldur sigla lengra út til hafs og svipta sig lífi.
