(lang)Skemmtilegasta bókin Helga Birgisdóttir skrifar 14. desember 2017 12:00 Bækur (lang)Elstur í bekknum Bergrún Íris Sævarsdóttir Útgefandi: Bókabeitan Prentun: Prentmiðlun, Lettlandi Síðufjöldi: 78 Kápa: Villi Warén Nú er Bergrún Íris Sævarsdóttir búin að teikna og skrifa það margar bækur að það er við hæfi að segja: Það er ávallt gleðiefni þegar Bergrún Íris sendir frá sér nýja bóka. Hér er engu logið, enda er bókin (lang)Elstur í bekknum mjög skemmtileg og afskaplega falleg. Hér segir af Eyju, 6 ára telpu sem stendur frammi fyrir því að þurfa að hefja grunnskólagöngu sína í glænýju hverfi og glænýjum skóla þar sem hún þekkir ekki nokkurn mann. Hún dauðkvíðir fyrsta skóladeginum og telur sig hafa klúðrað öllum möguleikum um einhver vinsældastig þegar hún verður þess valdandi að þrjár stelpur í bekknum rennblotna og hlaupa hrínandi inn í skóla. Vinalaus og vondauf eygir hún þó eitt ljós í myrkrinu: Sessunaut sinn, hann Rögnvald, en sá er enginn venjulegur skólastrákur. Rögnvaldur hefur setið eftir í 1. bekk árum og áratugum saman því hann neitar að læra að lesa. Þrátt fyrir ákveðna byrjunarörðugleika verður þeim vel til vina og gera með sér samning sem felst í því að Eyja eignist fleiri vini í bekknum og Rögnvaldur læri stafina. Bæði þurfa þau að takast á við og yfirstíga, að því er þeim þykir, gríðarlegar hindranir en hafa sigur að lokum, með hjálp hvort annars. Bókin sjálf er mjög læsileg, bæði hvað varðar uppsetningu og leturgerð. Fallegar myndir Bergrúnar Írisar lífga að auki upp á síðurnar og sérlega skemmtileg er dökk grá og svört mynd á heilli opnu framarlega í bókinni sem sýnir vel hversu erfitt er fyrir Eyju að mæta í skólann fyrsta skóladaginn. Textinn er blátt áfram og einfaldur en einstaka „erfiðari“ orð lífga upp á síðurnar, auðkennd með breiðu letri. (lang)Elstur í bekknum talar beint inn í reynsluheim barna á yngsta stigi grunnskólans, bæði gleði þeirra og sorgir, og hentar örugglega flestum krökkum á aldrinum 6-10 ára.Niðurstaða: Þrælskemmtileg krakkasaga, uppfull af góðum húmor og fallegum boðskap.Greinin birtist fyrst í Fréttablaðinu 14. desember. Bókmenntir Mest lesið Fögnuðu sögulegum 850 þúsund króna hátalara Ella Egils Lífið Sonur Fóstbróður slær í gegn: „Ég er fastur þarna núna, orðinn háður“ Lífið „Kristrún Frostadóttir frá... Finnlandi?“ Lífið Lamaðist og missti sjón en fann styrk í sjálfri sér Lífið Selja íbúð í Vesturbænum: „Við eigum of mörg börn til að búa í henni áfram“ Lífið Björgvin Franz brotinn en slær í gegn í Ladda og ræktinni Lífið Þeir fátæku borga brúsann Gagnrýni Stjörnurnar flyktust á frumsýningu einnar mest spennandi bíómyndar ársins Lífið samstarf Fyrstur til að skíða niður Everest án súrefnis Lífið „Það sýður miklu frekar upp úr við uppvaskið“ Lífið Fleiri fréttir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Sjá meira
Bækur (lang)Elstur í bekknum Bergrún Íris Sævarsdóttir Útgefandi: Bókabeitan Prentun: Prentmiðlun, Lettlandi Síðufjöldi: 78 Kápa: Villi Warén Nú er Bergrún Íris Sævarsdóttir búin að teikna og skrifa það margar bækur að það er við hæfi að segja: Það er ávallt gleðiefni þegar Bergrún Íris sendir frá sér nýja bóka. Hér er engu logið, enda er bókin (lang)Elstur í bekknum mjög skemmtileg og afskaplega falleg. Hér segir af Eyju, 6 ára telpu sem stendur frammi fyrir því að þurfa að hefja grunnskólagöngu sína í glænýju hverfi og glænýjum skóla þar sem hún þekkir ekki nokkurn mann. Hún dauðkvíðir fyrsta skóladeginum og telur sig hafa klúðrað öllum möguleikum um einhver vinsældastig þegar hún verður þess valdandi að þrjár stelpur í bekknum rennblotna og hlaupa hrínandi inn í skóla. Vinalaus og vondauf eygir hún þó eitt ljós í myrkrinu: Sessunaut sinn, hann Rögnvald, en sá er enginn venjulegur skólastrákur. Rögnvaldur hefur setið eftir í 1. bekk árum og áratugum saman því hann neitar að læra að lesa. Þrátt fyrir ákveðna byrjunarörðugleika verður þeim vel til vina og gera með sér samning sem felst í því að Eyja eignist fleiri vini í bekknum og Rögnvaldur læri stafina. Bæði þurfa þau að takast á við og yfirstíga, að því er þeim þykir, gríðarlegar hindranir en hafa sigur að lokum, með hjálp hvort annars. Bókin sjálf er mjög læsileg, bæði hvað varðar uppsetningu og leturgerð. Fallegar myndir Bergrúnar Írisar lífga að auki upp á síðurnar og sérlega skemmtileg er dökk grá og svört mynd á heilli opnu framarlega í bókinni sem sýnir vel hversu erfitt er fyrir Eyju að mæta í skólann fyrsta skóladaginn. Textinn er blátt áfram og einfaldur en einstaka „erfiðari“ orð lífga upp á síðurnar, auðkennd með breiðu letri. (lang)Elstur í bekknum talar beint inn í reynsluheim barna á yngsta stigi grunnskólans, bæði gleði þeirra og sorgir, og hentar örugglega flestum krökkum á aldrinum 6-10 ára.Niðurstaða: Þrælskemmtileg krakkasaga, uppfull af góðum húmor og fallegum boðskap.Greinin birtist fyrst í Fréttablaðinu 14. desember.
Bókmenntir Mest lesið Fögnuðu sögulegum 850 þúsund króna hátalara Ella Egils Lífið Sonur Fóstbróður slær í gegn: „Ég er fastur þarna núna, orðinn háður“ Lífið „Kristrún Frostadóttir frá... Finnlandi?“ Lífið Lamaðist og missti sjón en fann styrk í sjálfri sér Lífið Selja íbúð í Vesturbænum: „Við eigum of mörg börn til að búa í henni áfram“ Lífið Björgvin Franz brotinn en slær í gegn í Ladda og ræktinni Lífið Þeir fátæku borga brúsann Gagnrýni Stjörnurnar flyktust á frumsýningu einnar mest spennandi bíómyndar ársins Lífið samstarf Fyrstur til að skíða niður Everest án súrefnis Lífið „Það sýður miklu frekar upp úr við uppvaskið“ Lífið Fleiri fréttir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Sjá meira