Óþekkjanleg Blake Lively í nýju hlutverki

Ritstjórn skrifar 15. janúar 2018 09:45

Blake Lively ásamt eiginmanni sínum Ryan Reynolds. Glamour/Getty

Leikkonan Blake Lively er þekkt fyrir síðu ljósu lokkana sína og er því óhætt að segja að hún bregði sér í nýtt gervi fyrir myndina The Rhythm Section sem er í tökum þessa dagana.

Myndir af tökustað hafa lekið í fjölmiðla og má þar sjá Lively skarta stuttum svörtum drengjakoll í bland við eldrauða lokka og rúllaðan topp. Bæði fer henni að sjálfsögðu vel.

Það er gaman að sjá leikkonuna í nýju hlutverki en í myndinni leikur hún á móti Jude Law og fer með hlutverk konu sem hefnir sín gegn aðilum sem skipulögðu flugslys sem drap fjölskyldu hennar.