Óli Jóels og kötturinn Tryggvi hentu sér í svakalega bardaga í nýja Monster Hunter leiknum. Monster Hunter World er eins og nafnið gefur til kynna leikur þar sem spilarar veiða skrímsli. Það geta þeir gert einir eða með þremur vinum. MHW er sjötti leikurinn í Monster Hunter seríunni.
Óli og Tryggvi tóku sig til og drápu nokkur af þessum skrímslum í nýjasta innslagi GameTíví en upp komu miklar deilur á milli þeirra sem sneru að mestu um hvor væri að standa sig betur, Óli eða kötturinn.
