Eintómt klúður segir bassaleikari Sigur Rósar Sunna Sæmundsdóttir og Sunna Kristín Hilmarsdóttir skrifa 16. mars 2018 16:00 Georg Holm, bassaleikari Sigur Rósar, segir að verið sé að vinna í því að laga það sem fór úrskeiðis varðandi uppgjör hans og tveggja annarra meðlima hljómsveitarinnar, þá Orra Páls Dýrasonar og Jóns Þórs Birgissonar, við skattayfirvöld. Málið sé eintómt klúður og þremenningarnir hafi treyst því að endurskoðendur sem unnu fyrir þá hafi verið að vinna vinnuna sína. „Þetta er allt bara eintómt klúður. Við treystum náttúrulega fólki sem við erum að vinna með og þetta fór kannski ekki eins og það átti að vera, vinnubrögð voru kannski ekki alveg rétt og við erum búnir að vera að vinna í því að laga það undanfarið,“ segir Georg í samtali við fréttastofu.Segir að málið eigi að vera í réttum farvegi Hann segir meðlimi sveitarinnar hafa vitað af málinu í nokkurn tíma en hann muni ekki nákvæmlega hversu lengi. „En við erum búnir að vera að vinna í því að laga allt saman og þetta á allt að vera í réttum farvegi,“ segir Georg. Aðspurður hvort það hafi verið íslenskir endurskoðendur sem klikkuðu segir hann svo vera í raun og veru. „Það hefur eitthvað misskilist en við berum náttúrulega ábyrgð á því sjálfir og kannski kennir okkur þá lexíu að fylgjast betur með. En við erum tónlistarmenn, við erum ekki endurskoðendur, og kannski flókið að vera endurskoðandi fyrir svona batterí eins okkur þannig að þetta klikkaði eitthvað.“„Við viljum einfaldlega hafa allt uppi á borði og í hreinskilni“ Georg kveðst ekki vita hvaða tekjur það voru sem voru vantaldar né hversu há krafa skattayfirvalda er á þremenningana.En er kyrrsetningin enn í gildi? „Svo best ég viti já, en hún skiptir ekkert endilega höfuðmáli. Maður er ekki að fara neitt. Við vinnum úr þessu og lögum þetta og sjáum til hvernig þetta fer. Það er búið að vera að vinna í þessu í svolítinn tíma og verður áfram þar til þetta er allt leyst. Það er ekkert annað í boði. Við viljum einfaldlega hafa allt uppi á borði og í hreinskilni. Við erum engir svikarar,“ segir Georg. Hann kveðst ekki vita á hvaða stað málið sé nákvæmlega núna en ítrekar að allt verði lagað og að meðlimir sveitarinnar láti lögmenn sína og endurskoðendur um það.Uppfært klukkan 16:20: Eftirfarandi yfirlýsing var að berast frá Sigur Rós:Í kjölfar fréttaflutnings af málefnum Sigur Rósar vill hljómsveitin koma eftirfarandi á framfæri:Sigur Rós hafa ekkert að fela og hafa veitt allar upplýsingar til skattrannsóknarstjóra (SRS) til að greiða úr þeim málum sem þar eru til rannsóknar. Endurskoðunarfyrirtækið PWC á Íslandi sá um framtalsgerð og skattskil Sigur Rósar frá upphafi ferils þeirra og þangað til ársins 2012, þegar endurskoðandi hljómsveitarinnar innan PWC stofnaði sitt eigið endurskoðunarfyrirtæki, Rýni Endurskoðun. Síðla árs 2014 var hljómsveitinni tilkynnt að ekki hefði verið staðið rétt að framtalsskilum meðlima hennar á tímabilinu 2010-2014. Ekki er ágreiningur um það af hálfu Sigur Rósar að framtalsgerð og skattskil hljómsveitarinnar hafi að hluta til ekki verið í réttu horfi á þessu tímabili. Þessi tilkynning kom hljómsveitinni í opna skjöldu enda stóðu meðlimir hennar í góðri trú um að rétt væri staðið að skattskilum þeirra og framtalsgerð af hálfu þess sérfræðings sem hljómsveitin hafði ráðið til að sjá um þessi mál. Þetta var Sigur Rós og meðlimum hennar mikil vonbrigði en alla tíð hafa meðlimir Sigur Rósar lagt áherslu á að rétt væri staðið að skattskilum þeirra hér á landi.Hljómsveitin réð nýtt bókhaldsfyrirtæki, Virtus, í byrjun árs 2015 til að hefja ferli við að koma skattskilum og framtalsgerð hljómsveitarinnar í rétt horf í samræmi við lög og reglur. Sigur Rós hefur fullan skilning á rannsókn SRS en þykir miður að embættið hafi ákveðið að krefjast kyrrsetningar á eignum þeirra. Sérstaklega vegna þess að frá upphafi hafa meðlimir hljómsveitarinnar verið samstarfsfúsir við rannsókn málsins, veitt embættinu allar þær upplýsingar sem óskað hefur verið eftir og að engin þörf hafi verið á kyrrsetningu eigna meðlima Sigur Rósar. Þetta er í samræmi við skoðun lögfræðinga Sigur Rósar hjá LOGOS lögmannsþjónustu. Tengdar fréttir Meðlimir Sigur Rósar sakaðir um skattsvik Sýslumaður kyrrsetti eignir meðlima Sigur Rósar upp á tæplega 800 milljónir króna vegna meintra skattalagabrota. Hljómsveitarmeðlimir mótmæltu allir. 16. mars 2018 04:51 Mest lesið Æf vegna ummæla Kristrúnar um falsfréttir: „Þessi skammarlegu, ómaklegu ummæli“ Innlent Segir vopnahlé í höfn Erlent Ísland muni ekki verja fimm prósentum til varnarmála Innlent Flaug í einkaflugi með Støre Innlent Fleiri handteknir í Borgarnesi Innlent Trump þakkar Írönum fyrir að láta vita af sér Erlent Telja einhvern hér á landi búa yfir vitneskju um hvað kom fyrir Jón Þröst Innlent Engar stórvirkjanir í Skagafirði en opið að fara í Kjalölduveitu Innlent Sextán ár fyrir að bana dóttur sinni Innlent Mikill reykur eftir að kviknaði í annarri efnalaug Innlent Fleiri fréttir Æf vegna ummæla Kristrúnar um falsfréttir: „Þessi skammarlegu, ómaklegu ummæli“ Engar stórvirkjanir í Skagafirði en opið að fara í Kjalölduveitu Ísland muni ekki verja fimm prósentum til varnarmála Mikill reykur eftir að kviknaði í annarri efnalaug „Við erum auðvitað ekki komin þangað“ Telja einhvern hér á landi búa yfir vitneskju um hvað kom fyrir Jón Þröst Fleiri handteknir í Borgarnesi Átök breiðast út í Mið-Austurlöndum, virkjanaáform og brúðkaup Bezos Gert að greiða fyrrverandi manni sínum bætur vegna dreifingar á nektarmynd Sextán ár fyrir að bana dóttur sinni Leita fulltingis forseta til að fá upplýsingar um veiðigjöld Lúsmý um allt land en bitmýið einnig árásargjarnt Kona féll í Svöðufoss „Það gengur ekki að þingið sé tekið í gíslingu“ „Landslið barna“ tekið til starfa á Suðurnesjum Grunar að fjárheimildir ætlaðar þjónustu hafi farið í launakostnað „Annars værum við ekki að leggja í þessar miklu aðgerðir“ Flaug í einkaflugi með Støre Réðst á einstakling á sjötugsaldri með hníf Lætur reyna á hvort samræði við þrettán ára sé nauðgun Biðla til foreldra: Barn einungis þrjátíu sekúndur að drukkna Árásum á Íran haldið áfram og enn þráttað um veiðigjöld Neita öll sök í Gufunessmálinu Váleg þróun að ríki telji sig ekki þurfa að færa rök fyrir því að beita hervaldi Hyggst setja RÚV „talsverðar skorður“ í þágu einkarekinna fjölmiðla Handtekinn fyrir að sveifla hamri Sjálfboðaliðar að bugast: Mikil örvænting meðal gæludýraeigenda Kjarnavopnvædd klerkastjórn sé ógn við Norðurlönd Álftapar með fjóra unga við Hótel Rangá vekur athygli Sagt að hann gæti ekki klárað námið en gerði það samt Sjá meira
Georg Holm, bassaleikari Sigur Rósar, segir að verið sé að vinna í því að laga það sem fór úrskeiðis varðandi uppgjör hans og tveggja annarra meðlima hljómsveitarinnar, þá Orra Páls Dýrasonar og Jóns Þórs Birgissonar, við skattayfirvöld. Málið sé eintómt klúður og þremenningarnir hafi treyst því að endurskoðendur sem unnu fyrir þá hafi verið að vinna vinnuna sína. „Þetta er allt bara eintómt klúður. Við treystum náttúrulega fólki sem við erum að vinna með og þetta fór kannski ekki eins og það átti að vera, vinnubrögð voru kannski ekki alveg rétt og við erum búnir að vera að vinna í því að laga það undanfarið,“ segir Georg í samtali við fréttastofu.Segir að málið eigi að vera í réttum farvegi Hann segir meðlimi sveitarinnar hafa vitað af málinu í nokkurn tíma en hann muni ekki nákvæmlega hversu lengi. „En við erum búnir að vera að vinna í því að laga allt saman og þetta á allt að vera í réttum farvegi,“ segir Georg. Aðspurður hvort það hafi verið íslenskir endurskoðendur sem klikkuðu segir hann svo vera í raun og veru. „Það hefur eitthvað misskilist en við berum náttúrulega ábyrgð á því sjálfir og kannski kennir okkur þá lexíu að fylgjast betur með. En við erum tónlistarmenn, við erum ekki endurskoðendur, og kannski flókið að vera endurskoðandi fyrir svona batterí eins okkur þannig að þetta klikkaði eitthvað.“„Við viljum einfaldlega hafa allt uppi á borði og í hreinskilni“ Georg kveðst ekki vita hvaða tekjur það voru sem voru vantaldar né hversu há krafa skattayfirvalda er á þremenningana.En er kyrrsetningin enn í gildi? „Svo best ég viti já, en hún skiptir ekkert endilega höfuðmáli. Maður er ekki að fara neitt. Við vinnum úr þessu og lögum þetta og sjáum til hvernig þetta fer. Það er búið að vera að vinna í þessu í svolítinn tíma og verður áfram þar til þetta er allt leyst. Það er ekkert annað í boði. Við viljum einfaldlega hafa allt uppi á borði og í hreinskilni. Við erum engir svikarar,“ segir Georg. Hann kveðst ekki vita á hvaða stað málið sé nákvæmlega núna en ítrekar að allt verði lagað og að meðlimir sveitarinnar láti lögmenn sína og endurskoðendur um það.Uppfært klukkan 16:20: Eftirfarandi yfirlýsing var að berast frá Sigur Rós:Í kjölfar fréttaflutnings af málefnum Sigur Rósar vill hljómsveitin koma eftirfarandi á framfæri:Sigur Rós hafa ekkert að fela og hafa veitt allar upplýsingar til skattrannsóknarstjóra (SRS) til að greiða úr þeim málum sem þar eru til rannsóknar. Endurskoðunarfyrirtækið PWC á Íslandi sá um framtalsgerð og skattskil Sigur Rósar frá upphafi ferils þeirra og þangað til ársins 2012, þegar endurskoðandi hljómsveitarinnar innan PWC stofnaði sitt eigið endurskoðunarfyrirtæki, Rýni Endurskoðun. Síðla árs 2014 var hljómsveitinni tilkynnt að ekki hefði verið staðið rétt að framtalsskilum meðlima hennar á tímabilinu 2010-2014. Ekki er ágreiningur um það af hálfu Sigur Rósar að framtalsgerð og skattskil hljómsveitarinnar hafi að hluta til ekki verið í réttu horfi á þessu tímabili. Þessi tilkynning kom hljómsveitinni í opna skjöldu enda stóðu meðlimir hennar í góðri trú um að rétt væri staðið að skattskilum þeirra og framtalsgerð af hálfu þess sérfræðings sem hljómsveitin hafði ráðið til að sjá um þessi mál. Þetta var Sigur Rós og meðlimum hennar mikil vonbrigði en alla tíð hafa meðlimir Sigur Rósar lagt áherslu á að rétt væri staðið að skattskilum þeirra hér á landi.Hljómsveitin réð nýtt bókhaldsfyrirtæki, Virtus, í byrjun árs 2015 til að hefja ferli við að koma skattskilum og framtalsgerð hljómsveitarinnar í rétt horf í samræmi við lög og reglur. Sigur Rós hefur fullan skilning á rannsókn SRS en þykir miður að embættið hafi ákveðið að krefjast kyrrsetningar á eignum þeirra. Sérstaklega vegna þess að frá upphafi hafa meðlimir hljómsveitarinnar verið samstarfsfúsir við rannsókn málsins, veitt embættinu allar þær upplýsingar sem óskað hefur verið eftir og að engin þörf hafi verið á kyrrsetningu eigna meðlima Sigur Rósar. Þetta er í samræmi við skoðun lögfræðinga Sigur Rósar hjá LOGOS lögmannsþjónustu.
Tengdar fréttir Meðlimir Sigur Rósar sakaðir um skattsvik Sýslumaður kyrrsetti eignir meðlima Sigur Rósar upp á tæplega 800 milljónir króna vegna meintra skattalagabrota. Hljómsveitarmeðlimir mótmæltu allir. 16. mars 2018 04:51 Mest lesið Æf vegna ummæla Kristrúnar um falsfréttir: „Þessi skammarlegu, ómaklegu ummæli“ Innlent Segir vopnahlé í höfn Erlent Ísland muni ekki verja fimm prósentum til varnarmála Innlent Flaug í einkaflugi með Støre Innlent Fleiri handteknir í Borgarnesi Innlent Trump þakkar Írönum fyrir að láta vita af sér Erlent Telja einhvern hér á landi búa yfir vitneskju um hvað kom fyrir Jón Þröst Innlent Engar stórvirkjanir í Skagafirði en opið að fara í Kjalölduveitu Innlent Sextán ár fyrir að bana dóttur sinni Innlent Mikill reykur eftir að kviknaði í annarri efnalaug Innlent Fleiri fréttir Æf vegna ummæla Kristrúnar um falsfréttir: „Þessi skammarlegu, ómaklegu ummæli“ Engar stórvirkjanir í Skagafirði en opið að fara í Kjalölduveitu Ísland muni ekki verja fimm prósentum til varnarmála Mikill reykur eftir að kviknaði í annarri efnalaug „Við erum auðvitað ekki komin þangað“ Telja einhvern hér á landi búa yfir vitneskju um hvað kom fyrir Jón Þröst Fleiri handteknir í Borgarnesi Átök breiðast út í Mið-Austurlöndum, virkjanaáform og brúðkaup Bezos Gert að greiða fyrrverandi manni sínum bætur vegna dreifingar á nektarmynd Sextán ár fyrir að bana dóttur sinni Leita fulltingis forseta til að fá upplýsingar um veiðigjöld Lúsmý um allt land en bitmýið einnig árásargjarnt Kona féll í Svöðufoss „Það gengur ekki að þingið sé tekið í gíslingu“ „Landslið barna“ tekið til starfa á Suðurnesjum Grunar að fjárheimildir ætlaðar þjónustu hafi farið í launakostnað „Annars værum við ekki að leggja í þessar miklu aðgerðir“ Flaug í einkaflugi með Støre Réðst á einstakling á sjötugsaldri með hníf Lætur reyna á hvort samræði við þrettán ára sé nauðgun Biðla til foreldra: Barn einungis þrjátíu sekúndur að drukkna Árásum á Íran haldið áfram og enn þráttað um veiðigjöld Neita öll sök í Gufunessmálinu Váleg þróun að ríki telji sig ekki þurfa að færa rök fyrir því að beita hervaldi Hyggst setja RÚV „talsverðar skorður“ í þágu einkarekinna fjölmiðla Handtekinn fyrir að sveifla hamri Sjálfboðaliðar að bugast: Mikil örvænting meðal gæludýraeigenda Kjarnavopnvædd klerkastjórn sé ógn við Norðurlönd Álftapar með fjóra unga við Hótel Rangá vekur athygli Sagt að hann gæti ekki klárað námið en gerði það samt Sjá meira
Meðlimir Sigur Rósar sakaðir um skattsvik Sýslumaður kyrrsetti eignir meðlima Sigur Rósar upp á tæplega 800 milljónir króna vegna meintra skattalagabrota. Hljómsveitarmeðlimir mótmæltu allir. 16. mars 2018 04:51