Forsetakosningar fara fram í Venesúela í dag og er talið líklegt að Nicolas Maduro, núverandi forseti, verði endurkjörinn.
Forsetinn hefur þótt umdeildur í landinu og hefur stjórnartíð hans einkennst af mótmælum og hefur verið mikið um verðbólgu og vöruskort í landinu. Maduro tók við embættinu af Hugo Chavez árið 2013.
Stjórnarandstaðan hefur neitað að taka þátt í kosningunum og segir allar líkur vera á kosningasvindli sem muni tryggja Maduro embættið á nýjan leik. Þrátt fyrir að stjórnarandstaðan sniðgangi kosningarnar eru nokkrir mótframbjóðendur, en enginn er talinn eiga möguleika á sigri gegn forsetanum.
Kosningarnar áttu upphaflega að fara fram í desember, en þingið samþykkti að flýta kosningunum um hálft ár. Meirihluti þingsins er hliðhollur Maduro og er staða hans talin vera sterk þrátt fyrir ástandið í landinu.
Líklegt að Maduro nái endurkjöri í Venesúela

Tengdar fréttir

Forsetakosningar í Venesúela fyrir lok aprílmánaðar
Umdeildur forseti landsins, Nicolas Maduro, hyggst sækjast eftir endurkjöri.