Íkveikja við bílaumboðið Öskju er enn til rannsóknar hjá lögreglu, að sögn aðstoðaryfirlögregluþjóns. Átta bílar eyðilögðust í brunanum í gærmorgun.
Jón Trausti Ólafsson, framkvæmdastjóri bílaumboðsins Öskju, segir í samtali við Vísi að engar nýjar vendingar hafi komið fram í málinu síðan í gær af hálfu umboðsins. Málið sé komið í hendur lögreglu sem fari með rannsókn þess.
Sjá einnig: Tjónið metið á tugi milljóna króna
Í gær kom fram að helmingur bílanna sem urðu eldinum að bráð hafi verið í eigu viðskiptavina. Þá hleypur tjónið á tugum milljónum króna. Jón Trausti segir að allir eigendur bílanna hafi verið látnir vita af stöðu mála.
„Þeir eru allir upplýstir og verið er að vinna með tryggingastöðu hvers bíls.“
Kristján Ólafur Guðnason, aðstoðaryfirlögregluþjónn hjá lögreglunni á höfuðborgarsvæðinu, segir í samtali við Vísi í dag að málið sé enn til rannsóknar hjá lögreglu. Hann vildi ekki tjá sig frekar um stöðu rannsóknarinnar. Þegar Vísir náði tali af Kristjáni í gær hafði enginn verið handtekinn í tengslum við íkveikjuna.
Íkveikjan við Öskju enn til rannsóknar hjá lögreglu
Tengdar fréttir
Tjónið metið á tugi milljóna króna
Jón Trausti, framkvæmdastjóri Öskju, segir að augljóslega sjáist í öryggismyndavélum á svæðinu að um íkveikju hafi verið ræða.
Átta bílar skemmdust í bruna við Öskju
Átta bílar skemmdust í brunanum, að sögn varðstjóra hjá slökkviliðinu á höfuðborgarsvæðinu.
Helmingur bifreiðanna úr brunanum í eigu viðskiptavina
Að minnsta kosti átta bifreiðar eru mikið skemmdar eða ónýtar eftir íkveikju við bílaumboðið Öskju snemma í morgun.
Enginn í haldi lögreglu en fullvíst að kveikt var í bílunum
Íkveikjan við bílaumboðið Öskju snemma í morgun er nú til rannsóknar hjá lögreglu.
