Björn Leví ekki hættur þrátt fyrir niðurstöðu Sigurður Mikael Jónsson skrifar 27. nóvember 2018 06:15 Björn Leví Gunnarsson, þingmaður Pírata, telur að nefndarmenn hefðu átt að segja sig frá málinu. Fréttablaðið/Ernir Stjórnmál Ekkert er fram komið sem gefur til kynna að Ásmundur Friðriksson, þingmaður Sjálfstæðisflokksins, hafi brotið gegn siðareglum alþingismanna Alþingis. Því sé ekki skilyrði fyrir því að verða við beiðni Björns Leví Gunnarssonar um að fram fari almenn rannsókn á endurgreiðslum sem þingmenn hafa fengið vegna ferðakostnaðar. Vildi Björn Leví láta athuga hvort samræmi væri milli reikninga sem þingmenn hafa skilað inn vegna kostnaðar og ferðanna sem þeir fóru. Í erindi sínu til forsætisnefndar óskaði Björn Leví sérstaklega eftir því að kannaðar yrðu ferðir Ásmundar ef ekki yrði hægt að fara í almenna rannsókn. Ásmundur fékk 4,6 milljónir króna í akstursgreiðslur í fyrra, líkt og greint hefur verið frá, mest allra þingmanna. Ásmundur viðurkennir í svari sínu til nefndarinnar að greiðslur sem hann fékk vegna ferða sinna sem tengjast sjónvarpsþáttagerð fyrir ÍNN hafi orkað tvímælis. Hann hafi litið svo á að hann væri að slá tvær flugur í einu höggi með því að nýta ferðina til þingstarfa í kjördæmi sínu. Hann hafi því endurgreitt skrifstofu Alþingis 178 þúsund krónur vegna ferða sem hann hafði fengið endurgreiddar. „Enda vil ég alltaf koma rétt og heiðarlega fram.“ Björn Leví segir í samtali við Fréttablaðið að málinu sé hvergi nærri lokið þrátt fyrir þetta. „Það getur ekki verið miðað við að það á að kalla saman siðanefndina en var ekki gert. Það var undarlegt að forseti slaufi fram hjá þeirri skyldu sinni. Forsætisnefnd er bara milligönguaðili í þessu. Erindi mitt snýr mikið að endurgreiðslu í kringum kosningabaráttu. Þar undir eru ansi margir þingmenn og þeir þingmenn sem voru í forsætisnefnd og hafa kannski fengið endurgreiðslur vegna aksturskostnaðar sem frambjóðendur en ekki sem þingmenn í kosningabaráttu hefðu átt að segja sig frá málinu.“ Björn segir að hann muni nú skoða hvaða vegir séu færir til að halda lífi í málinu sem hann telur mikilvægt. Hann sé hvergi nærri hættur. Hart tekist á um málsmeðferðina Þingmenn Pírata gagnrýndu málsmeðferð forsætisnefndar harðlega á þingfundi í gær. Þórhildur Sunna Ævarsdóttir sagði að Birni Leví hefði verið hótað því í nefndinni að hann sjálfur yrði mögulega látinn sæta ábyrgð samkvæmt siðareglum fyrir að hafa sent erindið. Það væri ólíðandi og ótrúlegt að slíkt hefði komið fram. Steingrímur J. Sigfússon, forseti Alþingis, sagði að þótt niðurstaðan kynni að vera önnur en sumir hefðu viljað sjá hefði verið full samstaða um afgreiðslu málsins í forsætisnefnd fyrir utan fulltrúa Pírata. Niðurstaðan hefði verið vel rökstudd og málið vel unnið. Páll Magnússon, þingmaður Sjálfstæðisflokksins, sagði það yfirgengilegt að hlusta á málflutning Pírata. „Háttvirtum þingmönnum væri sæmra að skammast sín, biðjast afsökunar á röngum sakargiftum og þjófkenningum heldur en að halda klifinu áfram eftir að niðurstaða er komin.“ Helgi Hrafn Gunnarsson, þingmaður Pírata, sagði að almenningur gerði þá kröfu til þingmanna að þeir færu vel með fé og þegar það væri ekki gert væri öxluð á því ábyrgð. „Þetta sem gerðist í dag er birtingarmynd þess að Alþingi annaðhvort geti það ekki eða vilji það ekki. Hvort tveggja fullkomlega óásættanleg niðurstaða. Það ætti að vera lexía dagsins, ekki síst fyrir virðulegan forseta.“ Aksturskostnaður þingmanna Alþingi Birtist í Fréttablaðinu Mest lesið Segir ljóst að Víðir hafi brotið stjórnsýslulög: „Það er verið að kaupa sér vinsældir“ Innlent Ætlar að gera allt í sínu valdi til að tryggja rekstur Kaffistofunnar Innlent Loka kaffiskúrnum umtalaða við Leifsstöð Innlent Öryggismál að eiga reiðufé heima fyrir „ef í harðbakkann slær“ Innlent Ríkið keypti nýjan sendiherrabústað á 750 milljónir Innlent „Auðvitað bregður fólki“ Innlent Inga endurvekur 25 metra regluna Innlent Stöðvaði miðasölu um leið og hann áttaði sig á stöðu mála Innlent Hrottalegu ofbeldi lýst í ákæru á hendur Stefáni, Lúkasi og Matthíasi Innlent Fádæma úrhelli á Ólafsfirði Innlent Fleiri fréttir Segir ljóst að Víðir hafi brotið stjórnsýslulög: „Það er verið að kaupa sér vinsældir“ Ætlar að gera allt í sínu valdi til að tryggja rekstur Kaffistofunnar Fádæma úrhelli á Ólafsfirði Hildur er nýr formaður Almannaheilla Loka kaffiskúrnum umtalaða við Leifsstöð Öryggismál að eiga reiðufé heima fyrir „ef í harðbakkann slær“ Um 100 skemmtiferðaskip í Vestmannaeyjum í sumar „Auðvitað bregður fólki“ Ríkið keypti nýjan sendiherrabústað á 750 milljónir Hlutfall barna sem beitti foreldra eða skylda ofbeldi tvöfaldaðist Strandveiðimenn huga að samstöðufundi við Austurvöll Tilkynningum um heimilisofbeldi fjölgar og endurfrumsýning Brúðubílsins Skemmtiferðaskipi snúið vegna vinds „Djöflablístur“ stafi líklega af svölum nýbygginga Stöðvaði miðasölu um leið og hann áttaði sig á stöðu mála Hrottalegu ofbeldi lýst í ákæru á hendur Stefáni, Lúkasi og Matthíasi Tvöfalt fleiri Parkinson-sjúklingar eftir fimmtán ár Alvarlegum ofbeldisbrotum fjölgað á síðustu kvartöld „Þetta eru alveg galin vinnubrögð“ Sex ára fangelsi fyrir árás á fyrrverandi sambýliskonu Mygla í Árnasafni: „Handritin eru örugg“ Inga endurvekur 25 metra regluna Bílastæðið rifið upp með rótum Hlýjasti maímánuður á landinu frá upphafi mælinga „Ég vil fá að ráða hvar ég slátra og hverja ég er í viðskiptum við“ Krefur Ríkisútvarpið um leiðréttingu Ekki ólíklegt að þingið fari nokkra daga fram yfir „Hef mikinn skilning á því að Víðir hafi gert þetta“ Horft til tillagna um að minni fyrirtæki verði undanskyld jafnlaunavottun Heimurinn undrist villimennsku Íslendinga Sjá meira
Stjórnmál Ekkert er fram komið sem gefur til kynna að Ásmundur Friðriksson, þingmaður Sjálfstæðisflokksins, hafi brotið gegn siðareglum alþingismanna Alþingis. Því sé ekki skilyrði fyrir því að verða við beiðni Björns Leví Gunnarssonar um að fram fari almenn rannsókn á endurgreiðslum sem þingmenn hafa fengið vegna ferðakostnaðar. Vildi Björn Leví láta athuga hvort samræmi væri milli reikninga sem þingmenn hafa skilað inn vegna kostnaðar og ferðanna sem þeir fóru. Í erindi sínu til forsætisnefndar óskaði Björn Leví sérstaklega eftir því að kannaðar yrðu ferðir Ásmundar ef ekki yrði hægt að fara í almenna rannsókn. Ásmundur fékk 4,6 milljónir króna í akstursgreiðslur í fyrra, líkt og greint hefur verið frá, mest allra þingmanna. Ásmundur viðurkennir í svari sínu til nefndarinnar að greiðslur sem hann fékk vegna ferða sinna sem tengjast sjónvarpsþáttagerð fyrir ÍNN hafi orkað tvímælis. Hann hafi litið svo á að hann væri að slá tvær flugur í einu höggi með því að nýta ferðina til þingstarfa í kjördæmi sínu. Hann hafi því endurgreitt skrifstofu Alþingis 178 þúsund krónur vegna ferða sem hann hafði fengið endurgreiddar. „Enda vil ég alltaf koma rétt og heiðarlega fram.“ Björn Leví segir í samtali við Fréttablaðið að málinu sé hvergi nærri lokið þrátt fyrir þetta. „Það getur ekki verið miðað við að það á að kalla saman siðanefndina en var ekki gert. Það var undarlegt að forseti slaufi fram hjá þeirri skyldu sinni. Forsætisnefnd er bara milligönguaðili í þessu. Erindi mitt snýr mikið að endurgreiðslu í kringum kosningabaráttu. Þar undir eru ansi margir þingmenn og þeir þingmenn sem voru í forsætisnefnd og hafa kannski fengið endurgreiðslur vegna aksturskostnaðar sem frambjóðendur en ekki sem þingmenn í kosningabaráttu hefðu átt að segja sig frá málinu.“ Björn segir að hann muni nú skoða hvaða vegir séu færir til að halda lífi í málinu sem hann telur mikilvægt. Hann sé hvergi nærri hættur. Hart tekist á um málsmeðferðina Þingmenn Pírata gagnrýndu málsmeðferð forsætisnefndar harðlega á þingfundi í gær. Þórhildur Sunna Ævarsdóttir sagði að Birni Leví hefði verið hótað því í nefndinni að hann sjálfur yrði mögulega látinn sæta ábyrgð samkvæmt siðareglum fyrir að hafa sent erindið. Það væri ólíðandi og ótrúlegt að slíkt hefði komið fram. Steingrímur J. Sigfússon, forseti Alþingis, sagði að þótt niðurstaðan kynni að vera önnur en sumir hefðu viljað sjá hefði verið full samstaða um afgreiðslu málsins í forsætisnefnd fyrir utan fulltrúa Pírata. Niðurstaðan hefði verið vel rökstudd og málið vel unnið. Páll Magnússon, þingmaður Sjálfstæðisflokksins, sagði það yfirgengilegt að hlusta á málflutning Pírata. „Háttvirtum þingmönnum væri sæmra að skammast sín, biðjast afsökunar á röngum sakargiftum og þjófkenningum heldur en að halda klifinu áfram eftir að niðurstaða er komin.“ Helgi Hrafn Gunnarsson, þingmaður Pírata, sagði að almenningur gerði þá kröfu til þingmanna að þeir færu vel með fé og þegar það væri ekki gert væri öxluð á því ábyrgð. „Þetta sem gerðist í dag er birtingarmynd þess að Alþingi annaðhvort geti það ekki eða vilji það ekki. Hvort tveggja fullkomlega óásættanleg niðurstaða. Það ætti að vera lexía dagsins, ekki síst fyrir virðulegan forseta.“
Aksturskostnaður þingmanna Alþingi Birtist í Fréttablaðinu Mest lesið Segir ljóst að Víðir hafi brotið stjórnsýslulög: „Það er verið að kaupa sér vinsældir“ Innlent Ætlar að gera allt í sínu valdi til að tryggja rekstur Kaffistofunnar Innlent Loka kaffiskúrnum umtalaða við Leifsstöð Innlent Öryggismál að eiga reiðufé heima fyrir „ef í harðbakkann slær“ Innlent Ríkið keypti nýjan sendiherrabústað á 750 milljónir Innlent „Auðvitað bregður fólki“ Innlent Inga endurvekur 25 metra regluna Innlent Stöðvaði miðasölu um leið og hann áttaði sig á stöðu mála Innlent Hrottalegu ofbeldi lýst í ákæru á hendur Stefáni, Lúkasi og Matthíasi Innlent Fádæma úrhelli á Ólafsfirði Innlent Fleiri fréttir Segir ljóst að Víðir hafi brotið stjórnsýslulög: „Það er verið að kaupa sér vinsældir“ Ætlar að gera allt í sínu valdi til að tryggja rekstur Kaffistofunnar Fádæma úrhelli á Ólafsfirði Hildur er nýr formaður Almannaheilla Loka kaffiskúrnum umtalaða við Leifsstöð Öryggismál að eiga reiðufé heima fyrir „ef í harðbakkann slær“ Um 100 skemmtiferðaskip í Vestmannaeyjum í sumar „Auðvitað bregður fólki“ Ríkið keypti nýjan sendiherrabústað á 750 milljónir Hlutfall barna sem beitti foreldra eða skylda ofbeldi tvöfaldaðist Strandveiðimenn huga að samstöðufundi við Austurvöll Tilkynningum um heimilisofbeldi fjölgar og endurfrumsýning Brúðubílsins Skemmtiferðaskipi snúið vegna vinds „Djöflablístur“ stafi líklega af svölum nýbygginga Stöðvaði miðasölu um leið og hann áttaði sig á stöðu mála Hrottalegu ofbeldi lýst í ákæru á hendur Stefáni, Lúkasi og Matthíasi Tvöfalt fleiri Parkinson-sjúklingar eftir fimmtán ár Alvarlegum ofbeldisbrotum fjölgað á síðustu kvartöld „Þetta eru alveg galin vinnubrögð“ Sex ára fangelsi fyrir árás á fyrrverandi sambýliskonu Mygla í Árnasafni: „Handritin eru örugg“ Inga endurvekur 25 metra regluna Bílastæðið rifið upp með rótum Hlýjasti maímánuður á landinu frá upphafi mælinga „Ég vil fá að ráða hvar ég slátra og hverja ég er í viðskiptum við“ Krefur Ríkisútvarpið um leiðréttingu Ekki ólíklegt að þingið fari nokkra daga fram yfir „Hef mikinn skilning á því að Víðir hafi gert þetta“ Horft til tillagna um að minni fyrirtæki verði undanskyld jafnlaunavottun Heimurinn undrist villimennsku Íslendinga Sjá meira