Fjölnir vann sigur á HK í fyrsta leik beggja liða í Lengjubikarnum þetta árið. Liðin mættust í Kórnum í kvöld.
Heimamenn í HK byrjuðu leikinn betur og skoraði Brynjar Jónasson fyrsta mark HK eftir aðeins sex mínútna leik. Markið kom með skalla eftir hornspyrnu.
Guðmundur Karl Guðmundsson jafnaði fyrir Fjölni áður en flautað var til hálfleiks og var því jafnt með liðunum þegar flautað var til leikhlés.
Sigurmarkið kom undir lok leiksins þegar Ingibergur Kort Sigurðsson skoraði með skalla.
Liðin leika í riðli 3 í A-deild Lengjubikarsins og var þetta fyrsti leikur riðilsins. Fjölnir fer því á topp riðilsins en með þeim í riðli eru KA, Íslandsmeistarar Vals, Afturelding og Fram.
Fjölnir vann HK í Lengjubikarnum
Ástrós Ýr Eggertsdóttir skrifar

Mest lesið




Beckham reiður: Sýnið smá virðingu
Fótbolti





Eiður Smári missir hvert metið á fætur öðru til ungra KR-inga
Íslenski boltinn

Fleiri fréttir
