Grindavík lenti ekki í miklum vandræðum með Magna, KA kláraði Fram og Leiknir og Þór gerðu jafntefli í A-deild Lengjubikars karla í knattspyrnu í dag.
Aron Jóhannsson skoraði tvö mörk og Hilmar Andrew McShane eitt er Grindavík vann 3-0 sigur á Magna í Akraneshöllinni í dag. Grindavík er því með þrjú stig eftir tvo leiki en Magni ekkert.
Leiknir og Þór gerðu jafntefli í Inkasso-slag í Egilshöllinni. Sævar Atli Magnússon kom Leikni yfir af vítapunktinum í fyrri hálfleik en Aron Kristófer Lárusson jafnaði fyrir Þór í síðari hálfleik.
Þór er með fjögur stig eftir fyrstu tvo leikina í riðli eitt en Leiknismenn voru að næla sér í sitt fyrsta stig eftir tap gegn Fjölni í fyrstu umferðinni.
KA vann svo Fram í síðasta leik dagsins, 2-1. KA náði tveggja marka forystu í fyrri hálfleik en Fram náði að minnka muninn snemma síðari hálfleiks. Nær komust þeir ekki og sigur Norðanmanna.
KA er með fullt hús stiga í þriðja riðli A-riðils en Framarar eru án stiga eftir fyrstu tvo leikina.
Úrslit og markaskorar eru fengnir frá úrslit.net.
Sigrar hjá Grindavík og KA
Anton Ingi Leifsson skrifar

Mest lesið



„Körfuboltaguðirnir voru búnir að ákveða“
Körfubolti

Amorim vildi ekki ræða framtíðina
Fótbolti

Tottenham vann Evrópudeildina
Fótbolti


„Okkur er alveg sama núna“
Fótbolti


Ægir valinn verðmætastur
Körfubolti
