Justin Bieber er eðla Sif Sigmarsdóttir skrifar 4. maí 2019 08:45 Hvað gerist þegar sannleikurinn dettur úr tísku? Neyðarástand ríkir nú í nokkrum hverfum New York-borgar vegna mislingafaraldurs. Ástæðan: Tuttugu ára gömul samsæriskenning um tengsl bólusetningar gegn mislingum og einhverfu hjá börnum. Samsæriskenningar einskorðast ekki lengur við einhleypa, miðaldra karla sem búa í kjallaranum hjá mömmu sinni og bera álhatt á höfði. Samsæriskenningar renna nú saman við meginstrauminn, ósjaldan fyrir tilstuðlan óprúttinna, tækifærissinnaðra stjórnmálamanna sem svífast einskis í sókn sinni eftir áhrifum. Við Íslendingar höfum ekki farið varhluta af þessari alþjóðlegu þróun. Nú um stundir tryggja þingmenn Miðflokksins að nýjustu straumar og stefnur stjórnmálanna nái hingað til lands er þeir smíða eina villtustu samsæriskenningu Íslandssögunnar um konu sem gerð var út af dularfullum útsendara og, dulbúin eins og túristi, tók upp soratal kjörinna fulltrúa þjóðarinnar sem sátu í sakleysi sínu að sumbli á bar. Af því tilefni fylgja hér á eftir fimm heitustu samsæriskenningar dagsins sem sýna með hverjum Miðflokkurinn kýs að eiga aðferðafræðilega samleið: 1) Donald Trump hefur lengi haldið því fram að forveri hans í embætti forseta Bandaríkjanna, Barack Obama, hafi ekki fæðst í Bandaríkjunum heldur í Kenía og að hann hafi falsað fæðingarvottorð sitt. Það er þó ekki fjarstæðukenndasta kenning um Obama sem gengur nú fjöllum hærra. Að sögn eiga Obama og eiginkona hans, Michelle, að hafa reiðst svo mikið þegar leikkonan Joan Rivers sagði brandara um að Michelle væri karlmaður í kvenmannsfötum að þau létu ráða hana af dögum. 2) Einu sinni hélt mannkynið að jörðin væri flöt. Sú hugmynd gengur nú í endurnýjun lífdaga. Heilu stöðvarnar á efnisveitunni YouTube eru helgaðar málefninu, heilu hlaðvarps-seríurnar og heimasíðurnar. Árið 2017 var fyrsta „Jörðin er flöt“ ráðstefnan haldin í Norður-Karólínu í Bandaríkjunum en hana sóttu meira en fimm hundruð manns. Enn fleiri mættu árið 2018. Skráning er hafin fyrir ráðstefnuna 2019 sem fer fram í nóvember í Dallas, Texas. 3) Eðlisfræðingurinn Stephen Hawking lést fyrir rétt rúmu ári. Eða hvað? Hópur fólks trúir því að hinn eiginlegi Stephen Hawking hafi látist árið 1985. Vegna vinsælda Hawkings hafi NASA hins vegar ráðið mann til að þykjast vera eðlisfræðingurinn sem geimferðastofnunin notaði svo sem málpípu fyrir „meint“ vísindi sín. 4) David Icke var vel liðinn sjónvarpsþáttastjórnandi hjá BBC og fyrrverandi atvinnumaður í fótbolta. Árið 1991 mætti hann í viðtal í Breska ríkissjónvarpið þar sem hann hann greindi áhorfendum frá því að veröldin er full af eðlum í mannslíki með ill áform. Barack Obama er eðla. Mick Jagger er augljóslega eðla. Elísabet Englandsdrottning er eðla. Viðtalið markaði endalok ferils Ickes sem fjölmiðlamanns. Það markaði hins vegar upphaf ferils hans sem eins fremsta samsæriskenningasmiðs heims. 5) Könnun sem gerð var í Bandaríkjunum leiddi í ljós að tólf milljónir Bandaríkjamanna trúa því að slíkar jakkafataklæddar eðlur stýri heiminum. Stöðugt bætast nýjar í hópinn en nýverið fréttist af því að Justin Bieber er eðla. Eðlu-kenningin er þó langt frá því að vera sú vinsælasta. Sextíu og sex milljónir Bandaríkjamanna trúa því að geimverur hafi lent í Roswell í Nýja-Mexíkó. Tuttugu og tvær milljónir trúa því að bandarísk stjórnvöld hafi sviðsett tungllendinguna. Hundrað og sextíu milljónir trúa á samsæri í tengslum við morðið á John F. Kennedy. Donald Trump var einn þeirra sem héldu á lofti ósönnum staðhæfingum um bólusetningar. Í síðustu viku skipti hann hins vegar um skoðun. Hann sá skaðann sem hlotist getur af vitleysu og hvatti fólk til að láta umsvifalaust bólusetja börn sín. Miðflokkurinn virðist hins vegar ekki ætla að sjá að sér og heldur áfram að djöflast á heilsulitlum öryrkja með aðstoð ofur kappsfullra lögmanna, okkur hinum sem víti til varnaðar. Viltu birta grein á Vísi? Sendu okkur póst. Senda grein Birtist í Fréttablaðinu Sif Sigmarsdóttir Mest lesið 7 milljarða húsnæðisstuðningur afnuminn… en hvað kemur í staðinn? Vilhjálmur Hilmarsson Skoðun Eru starfsmenn þingflokks Samfylkingarinnar viljandi að afvegaleiða umræðu um samsköttun? Gunnar Ármannsson Skoðun Alþjóðlegur dagur þroskaþjálfa – vettvangur á tímamótum Laufey Elísabet Gissurardóttir Skoðun Sólheimar í Grímsnesi – að gefnu tilefni Páll Sævar Garðarsson,Sigurður Örn Guðbjörnsson Skoðun Slæm innivist skerðir afköst og hækkar kostnað Ingibjörg Magnúsdóttir Skoðun Hversu oft á að fresta framtíðinni? Erna Magnúsdóttir,Stefán Þórarinn Sigurðsson Skoðun Mikilvægi lágþröskulda þjónustu fyrir geðheilbrigði ungs fólks Eva Rós Ólafsdóttir Skoðun Hugsum stórt í skipulags- og samgöngumálum Hilmar Ingimundarson Skoðun Mest lesnu orð á Íslandi Friðrik Björnsson Skoðun Hafnarfjörður er bær sem styður við lífsgæði eldra fólks Valdimar Víðisson Skoðun Skoðun Skoðun Hugsum stórt í skipulags- og samgöngumálum Hilmar Ingimundarson skrifar Skoðun Eitt eilífðar smáblóm Þorgerður Katrín Gunnarsdóttir skrifar Skoðun Betri mönnun er lykillinn Skúli Helgason,Sabine Leskopf skrifar Skoðun Borgarhönnunarstefna, sú fyrsta sinnar tegundar í Reykjavík Dóra Björt Guðjónsdóttir skrifar Skoðun Hversu oft á að fresta framtíðinni? Erna Magnúsdóttir,Stefán Þórarinn Sigurðsson skrifar Skoðun Getur Ísland staðið fremst í heilsutækni? Arna Harðardóttir skrifar Skoðun Slæm innivist skerðir afköst og hækkar kostnað Ingibjörg Magnúsdóttir skrifar Skoðun Sólheimar í Grímsnesi – að gefnu tilefni Páll Sævar Garðarsson,Sigurður Örn Guðbjörnsson skrifar Skoðun Framtíð Íslands: Frá áli til gervigreindar – Tækifæri fimmtu iðnbyltingarinnar Sigvaldi Einarsson skrifar Skoðun Eiga foreldrar í háskólanámi raunverulega jafnan aðgang að námi? Hrund Steinsdóttir skrifar Skoðun Fjármál framhaldsskóla Róbert Ferdinandsson skrifar Skoðun Mikilvægi lágþröskulda þjónustu fyrir geðheilbrigði ungs fólks Eva Rós Ólafsdóttir skrifar Skoðun Varhugaverð sjónarmið eða raunsæ leið? Eggert Sigurbergsson skrifar Skoðun Dýrin skilin eftir í náttúruvá Linda Karen Gunnarsdóttir skrifar Skoðun Skapandi leiðir í skóla- og frístundastarfi Kolbrún Þ. Pálsdóttir skrifar Skoðun Eru starfsmenn þingflokks Samfylkingarinnar viljandi að afvegaleiða umræðu um samsköttun? Gunnar Ármannsson skrifar Skoðun Reykjavík er meðal dreifðustu höfuðborga Evrópu Guðni Freyr Öfjörð skrifar Skoðun Verum öll tengd Sólrún Kristjánsdóttir skrifar Skoðun Hafnarfjörður er bær sem styður við lífsgæði eldra fólks Valdimar Víðisson skrifar Skoðun Samræðulist í heimi gervigreindar Þórdís Hólm Filipsdóttir skrifar Skoðun Samræmt gæðanám eða einsleit kerfi? Bogi Ragnarsson skrifar Skoðun Ónýtir vegir – eina ferðina enn Sigþór Sigurðsson skrifar Skoðun 7 milljarða húsnæðisstuðningur afnuminn… en hvað kemur í staðinn? Vilhjálmur Hilmarsson skrifar Skoðun Alþjóðlegur dagur þroskaþjálfa – vettvangur á tímamótum Laufey Elísabet Gissurardóttir skrifar Skoðun Mest lesnu orð á Íslandi Friðrik Björnsson skrifar Skoðun Tími til kominn að styðja öll framúrskarandi ungmenni Karólína Helga Símonardóttir skrifar Skoðun Hvað með dansinn? Lilja Björk Haraldsdóttir skrifar Skoðun Mótórhjólasamtök á Íslandi – hvers vegna öll þessi læti? Helgi Gunnlaugsson skrifar Skoðun Viðhorf sem mótar veruleikann – inngilding á orði og á borði Sóldís Birta Reynisdóttir skrifar Skoðun „Mér sýnist Inga Sæland fá talsvert út úr þessu“ Sigurjón Arnórsson skrifar Sjá meira
Hvað gerist þegar sannleikurinn dettur úr tísku? Neyðarástand ríkir nú í nokkrum hverfum New York-borgar vegna mislingafaraldurs. Ástæðan: Tuttugu ára gömul samsæriskenning um tengsl bólusetningar gegn mislingum og einhverfu hjá börnum. Samsæriskenningar einskorðast ekki lengur við einhleypa, miðaldra karla sem búa í kjallaranum hjá mömmu sinni og bera álhatt á höfði. Samsæriskenningar renna nú saman við meginstrauminn, ósjaldan fyrir tilstuðlan óprúttinna, tækifærissinnaðra stjórnmálamanna sem svífast einskis í sókn sinni eftir áhrifum. Við Íslendingar höfum ekki farið varhluta af þessari alþjóðlegu þróun. Nú um stundir tryggja þingmenn Miðflokksins að nýjustu straumar og stefnur stjórnmálanna nái hingað til lands er þeir smíða eina villtustu samsæriskenningu Íslandssögunnar um konu sem gerð var út af dularfullum útsendara og, dulbúin eins og túristi, tók upp soratal kjörinna fulltrúa þjóðarinnar sem sátu í sakleysi sínu að sumbli á bar. Af því tilefni fylgja hér á eftir fimm heitustu samsæriskenningar dagsins sem sýna með hverjum Miðflokkurinn kýs að eiga aðferðafræðilega samleið: 1) Donald Trump hefur lengi haldið því fram að forveri hans í embætti forseta Bandaríkjanna, Barack Obama, hafi ekki fæðst í Bandaríkjunum heldur í Kenía og að hann hafi falsað fæðingarvottorð sitt. Það er þó ekki fjarstæðukenndasta kenning um Obama sem gengur nú fjöllum hærra. Að sögn eiga Obama og eiginkona hans, Michelle, að hafa reiðst svo mikið þegar leikkonan Joan Rivers sagði brandara um að Michelle væri karlmaður í kvenmannsfötum að þau létu ráða hana af dögum. 2) Einu sinni hélt mannkynið að jörðin væri flöt. Sú hugmynd gengur nú í endurnýjun lífdaga. Heilu stöðvarnar á efnisveitunni YouTube eru helgaðar málefninu, heilu hlaðvarps-seríurnar og heimasíðurnar. Árið 2017 var fyrsta „Jörðin er flöt“ ráðstefnan haldin í Norður-Karólínu í Bandaríkjunum en hana sóttu meira en fimm hundruð manns. Enn fleiri mættu árið 2018. Skráning er hafin fyrir ráðstefnuna 2019 sem fer fram í nóvember í Dallas, Texas. 3) Eðlisfræðingurinn Stephen Hawking lést fyrir rétt rúmu ári. Eða hvað? Hópur fólks trúir því að hinn eiginlegi Stephen Hawking hafi látist árið 1985. Vegna vinsælda Hawkings hafi NASA hins vegar ráðið mann til að þykjast vera eðlisfræðingurinn sem geimferðastofnunin notaði svo sem málpípu fyrir „meint“ vísindi sín. 4) David Icke var vel liðinn sjónvarpsþáttastjórnandi hjá BBC og fyrrverandi atvinnumaður í fótbolta. Árið 1991 mætti hann í viðtal í Breska ríkissjónvarpið þar sem hann hann greindi áhorfendum frá því að veröldin er full af eðlum í mannslíki með ill áform. Barack Obama er eðla. Mick Jagger er augljóslega eðla. Elísabet Englandsdrottning er eðla. Viðtalið markaði endalok ferils Ickes sem fjölmiðlamanns. Það markaði hins vegar upphaf ferils hans sem eins fremsta samsæriskenningasmiðs heims. 5) Könnun sem gerð var í Bandaríkjunum leiddi í ljós að tólf milljónir Bandaríkjamanna trúa því að slíkar jakkafataklæddar eðlur stýri heiminum. Stöðugt bætast nýjar í hópinn en nýverið fréttist af því að Justin Bieber er eðla. Eðlu-kenningin er þó langt frá því að vera sú vinsælasta. Sextíu og sex milljónir Bandaríkjamanna trúa því að geimverur hafi lent í Roswell í Nýja-Mexíkó. Tuttugu og tvær milljónir trúa því að bandarísk stjórnvöld hafi sviðsett tungllendinguna. Hundrað og sextíu milljónir trúa á samsæri í tengslum við morðið á John F. Kennedy. Donald Trump var einn þeirra sem héldu á lofti ósönnum staðhæfingum um bólusetningar. Í síðustu viku skipti hann hins vegar um skoðun. Hann sá skaðann sem hlotist getur af vitleysu og hvatti fólk til að láta umsvifalaust bólusetja börn sín. Miðflokkurinn virðist hins vegar ekki ætla að sjá að sér og heldur áfram að djöflast á heilsulitlum öryrkja með aðstoð ofur kappsfullra lögmanna, okkur hinum sem víti til varnaðar.
Eru starfsmenn þingflokks Samfylkingarinnar viljandi að afvegaleiða umræðu um samsköttun? Gunnar Ármannsson Skoðun
Skoðun Borgarhönnunarstefna, sú fyrsta sinnar tegundar í Reykjavík Dóra Björt Guðjónsdóttir skrifar
Skoðun Sólheimar í Grímsnesi – að gefnu tilefni Páll Sævar Garðarsson,Sigurður Örn Guðbjörnsson skrifar
Skoðun Framtíð Íslands: Frá áli til gervigreindar – Tækifæri fimmtu iðnbyltingarinnar Sigvaldi Einarsson skrifar
Skoðun Eiga foreldrar í háskólanámi raunverulega jafnan aðgang að námi? Hrund Steinsdóttir skrifar
Skoðun Eru starfsmenn þingflokks Samfylkingarinnar viljandi að afvegaleiða umræðu um samsköttun? Gunnar Ármannsson skrifar
Skoðun 7 milljarða húsnæðisstuðningur afnuminn… en hvað kemur í staðinn? Vilhjálmur Hilmarsson skrifar
Skoðun Alþjóðlegur dagur þroskaþjálfa – vettvangur á tímamótum Laufey Elísabet Gissurardóttir skrifar
Skoðun Viðhorf sem mótar veruleikann – inngilding á orði og á borði Sóldís Birta Reynisdóttir skrifar
Eru starfsmenn þingflokks Samfylkingarinnar viljandi að afvegaleiða umræðu um samsköttun? Gunnar Ármannsson Skoðun