Elvar Örn Jónsson skoraði átta mörkum meira en tveir markahæstu menn úrslitakeppninnar í gærkvöldi og tryggði sér með því markakóngstitilinn í úrslitakeppni Olís deildar karla 2018-19.
Elvar Örn Jónsson var kosinn besti leikmaður úrslitakeppninnar en hann var algjör lykilmaður í fyrsta Íslandsmeistaratitli Selfoss.
Elvar átti magnaðan leik í gærkvöldi og skoraði þá ellefu mörk í tíu marka sigri á Haukum og var þá yfirburðarmaður á vellinum.
Elvar náði með þessari frammistöðu að verða markahæsti leikmaður úrslitakeppninnar. Fyrir leikinn var hann á eftir Haukamönnunum Adam Hauki Baumruk og Daníel Ingasyni.
Adam var með átta marka forskot á Elvar Örn fyrir leikinn og Daníel var sex mörkum á undan honum.
Adam Haukum og Daníel skoruðu samtals 3 mörk í leiknum á sama tíma og Elvar var óstöðvandi. Þrjár ástæður af hverju Selfoss vann tíu marka sigur og tryggði sér Íslandsmeistaratitilinn í fyrsta sinn.
Flest mörk í úrslitakeppni Olís deildar karla 2019:
Elvar Örn Jónsson, Selfossi 60
Adam Haukur Baumruk, Haukum 58
Daníel Ingason, Haukum 57
Haukur Þrastarson, Selfossi 55
Orri Freyr Þorkelsson, Haukum 38
Heimir Óli Heimisson, Haukum 36
Anton Rúnarsson, Val 36
Kristján Örn Kristjánsson, ÍBV 36
Brynjólfur Snær Brynjólfsson, Haukum 34
Tjörvi Þorgeirsson, Haukum 33
Hákon Daði Styrmisson, ÍBV 33
Hergeir Grímsson, Selfossi 32
Elvar hoppaði upp fyrir bæði Adam og Daníel á markalista úrslitakeppninnar

Tengdar fréttir

Sjáðu gæsahúðarmyndband eftir fyrsta Íslandsmeistaratitil Selfoss
Selfyssingar eru glaðir í kvöld.

22 ár voru liðin síðan að félag tryggði sér fyrsta Íslandsmeistaratitilinn á heimavelli
Það þarf að fara meira en tvo áratugi aftur í tímann til að finna síðasta félag til að leika eftir afrek Selfyssinga frá því Hleðsluhöllinni í gærkvöldi.

Elvar Örn: Ætlaði ekki að fara fyrr en ég myndi vinna titil
Elvar Örn var glaður í leikslok.

Patrekur: Kem aftur seinna með sömu greiðslu og aðeins eldri
Patrekur var eðlilega stoltur af sínum drengjum í kvöld.

Hergeir: Draumur síðan ég var pjakkur að vinna titil með Selfoss
Fyrirliðinn var sáttur í leikslok.