Grímur Hergeirsson hefur skrifað undir tveggja ára samning við handknattleiksdeild Selfoss en þetta staðfesti félagið á vef sínum í kvöld.
Vísir greindi fyrst frá því í morgun að félagið væri búið að ráða Grím sem arftaka Patreks Jóhannessonar og nú hefur það verið staðfest.
Grímur skrifar undir tveggja ára samning sem þjálfari liðsins en undanfarin fjögur ár hefur hann verið aðstoðarþjálfari liðsins; bæði hjá Patreki og svo þar áður með Stefáni Árnasyni.
„Deildin er gríðarlega ánægð með að Grímur hafi ákveðið að taka slaginn með liðið og bindur hún miklar vonir við komandi átök í vetur, bæði hér heima og í Evrópu,“ segir í tilkynningu Selfyssinga.
Eins og fram kom einnig á Vísi í dag verður Selfoss ekki með í Meistaradeild Evrópu vegna þess að ekkert hús á landinu uppfyllir kröfur EHF. Liðið tekur því þátt í EHF-keppninni í staðinn.
Grímur tekur við Íslandsmeisturunum
Tengdar fréttir
Selfyssingar reiðir: Fáranleg framkoma við íslenskan handbolta
Handknattleikssamband Evrópu, EHF, tilkynnti í morgun hvaða lið myndu spila í Meistaradeildinni á næstu leiktíð og þar er ekkert pláss fyrir Íslandsmeistara Selfoss. Menn þar á bæ eru eðlilega ekki sáttir.
Grímur verður næsti þjálfari Selfoss
Þjálfaraleit Íslandsmeistara Selfoss er lokið en samkvæmt áreiðanlegum heimildum Vísis þá mun Grímur Hergeirsson taka við liðinu af Patreki Jóhannessyni.
Engin keppnishöll uppfyllti skilyrði EHF
Það var hiti yfir málinu í dag en nú hefur borist skýring.
Selfyssingar fengu ekki sæti í Meistaradeildinni
Íslandsmeistarar Selfoss verða ekki á meðal þátttökuþjóða í Meistaradeild Evrópu í handbolta.
Guðmundur: Mikið sjokk og skýr skilaboð um að hraða þurfi umræðu um nýja höll
Formaður HSÍ tjáir sig um málefni Selfoss og Laugardalshöll.
