Katrín Jakobsdóttir segir breiðan pólitískan vilja hér á landi til að herða löggjöf um jarðakaup auðmanna á Íslandi. Ekki eigi að líta á jarðir eins og annars konar vöru eða þjónustu og að landkaup séu nátengd fullveldisrétti Íslendinga. Um málið var fjallað í kvöldfréttum RÚV.
„Ég tel að við höfum miklu meiri möguleika til að setja skýrari ramma um þessi mál en við höfum gert hingað til og við eigum að vera mjög meðvituð um að það land og þau hlunnindi sem því fylgja tengjast fullveldisrétti okkar Íslendinga.“
Katrín segir að hún sé búin að fela sérfræðingi það verkefni að gera tillögur að lagabreytingum sem muni vera lögð fyrir Alþingi næsta vetur en undanfarið ár hefur starfshópur unnið að skýrslu um málið.
Í vikunni var greint frá því að Jim Ratcliffe, breskur auðmaður, hafi fest kaup á land í Þistilfirði en hann hefur keypt fjölda jarða í Þistilfirði og Vopnafirði og eftir þessi síðustu kaup eiga félög í hans eigu meirihluta veiðiréttar í Hafralónsá en hún er vinsæl laxveiðiá í Þistilfirði.
Katrín segir að gera þurfi strangari ramma um þessi mál hér á landi eins og hægt sé að sjá víða í nágrannalöndum okkar
Ekki náðist í Katrínu við vinnslu þessarar fréttar.
Búið að fela sérfræðingi að gera lagabreytingatillögur um stórtæk jarðakaup
Tengdar fréttir
Bjarkey segir að koma þurfi í veg fyrir stórtæk eignakaup
"Það skiptir í raun engu máli hvort aðilinn er erlendur eða innlendur í sjálfu sér heldur fyrst og fremst að það sé ekki bara keypt í kippum hérna,“ segir Bjarkey Olsen Gunnarsdóttir, þingmaður Vinstri grænna.
Segir að höfuðtilgangur Ratcliffe sé verndun villta laxastofnsins
Framkvæmdastjóri veiðiklúbbsins Strengs í Vopnafirði segir að höfuðtilgangur Jim Ratcliffe, með kaupum á jörðum og veiðiréttindum í Vopnafirði, sé verndun villta laxastofnsins. Með kaupum á Streng nær Ratcliffe yfirráðum yfir tveimur eftirsóttustu laxveiðiám landsins, Selá og Hofsá, í Vopnafirði.
Ratcliffe herðir tökin á jörðum í Vopnafirði
Nærri 90 prósent hlutafjár í Veiðiklúbbnum Streng eru nú komin í hendur hins breska Jims Ratcliffe.
Keypti Grímsstaði á Fjöllum árið 2016 og hafði nú áhuga á að kaupa Man. United
Jim Ratcliffe, ríkasti maður Bretlands, er sagður hafa spurst fyrir um kaup á enska úrvalsdeildarfélaginu Manchester United.
Jim Ratcliffe og Kristján Fjallaskáld
Eyþór Árnason sendir frá sér ljóðabók sem á að minna á plötuumslag. Þar eru 64 ljóð og hann fagnar 64 ára afmæli.
Leiktækin hans Ratcliffes
Sir Jim Ratcliffe, John Harald Orneberg og Rudolf Lamprecht eru meðal þeirra sem hafa verið að kaupa upp jarðir hér á landi. Fréttablaðið skoðaði leiktæki þess ríkasta, Ratcliffes, en hann er ríkasti maður Breta.
Chelsea í hóp með Grímsstöðum á Fjöllum og laxveiðijörðum í Vopnafirði?
Breski auðkýfingurinn Jim Ratcliffe hefur áhuga á að kaupa enska úrvalsdeildarfélagið Chelsea samkvæmt The Times. Chelsea myndi bætast í ríkulegan hóp eigna Ratcliffe sem inniheldur meðal annars laxveiðijarðir á Norðausturlandi og veiðiklúbbin Streng.
