Trump gæti náð endurkjöri með lægra hlutfalli atkvæða en síðast Kjartan Kjartansson skrifar 20. júlí 2019 11:12 Trump forseti hefur undanfarið reynt að kynda upp í stuðningsmönnum sínum með því að ala á kynþáttahyggju. Margir hvítir kjósendur veittu honum stuðning sinn vegna harðlínustefnu hans í innflytjendamálum. Vísir/Getty Forskot sem Donald Trump Bandaríkjaforseti nýtur í fjölda kjörmanna gæti þýtt að hann gæti náð endurkjöri þrátt fyrir að hann fengi enn lægra hlutfall atkvæða á landsvísu en árið 2016. Þá vann hann þrátt fyrir að hafa fengið færri atkvæði en Hillary Clinton. Þetta leiðir greining New York Times á skoðanakönnum og fyrri kosningaúrslitum í ljós. Vinsældir Trump forseta hafa verið um og yfir fjörutíu prósentum um margra mánaða skeið í skoðanakönnunum og segist iðulega rúmur meirihluti hafa vanþóknun á störfum hans. Það þýðir þó ekki að vonir hans um endurkjör í forsetakosningum á næsta ári séu úr sögunni. Í Bandaríkjunum er forseti ekki kosinn beinni kosningu heldur fá ríkin svonefnda kjörmenn í hlutfalli við íbúafjölda. Sá frambjóðandi sem fær flest atkvæði í hverju ríki fær alla kjörmenn þess. Kjörmennirnir kjósa svo forsetann. Þannig vann Trump sigur í forsetakosningunum árið 2016 þrátt fyrir að hafa fengið tæplega þremur milljónum færri atkvæði en Clinton á landsvísu. Trump fékk 46,1% atkvæða gegn 48,2% Clinton. Einn af lyklunum að sigri Trump var að kjósendum hans var dreift á skilvirkari hátt fyrir kjörmannaráðið. Þannig vann hann alla kjörmenn ríkja eins og Michigan, Wisconsin og Pennsylvaníu þrátt fyrir nauman sigur á Clinton. Stórsigur Clinton í fjölmennu ríki eins og Kaliforníu gagnaðist henni aftur á móti ekki meira en hefði hún rétt haft Trump undir.Bandarískir forseta geta verið kjörnir þrátt fyrir að þeir fái minnihluta atkvæða á landsvísu. Það gerðist síðast árið 2016 og 2000.Vísir/GettyGæti fengið allt að fimm prósentustigum færri atkvæði Það sem greining New York Times leiðir í ljós er að þó að stuðningur við Trump sé ekki almennur þá sé honum enn dreift á hagstæðan hátt til að fá sem flesta kjörmenn. Þrátt fyrir fjölda hneykslismála og umdeildra atvika hafi vinsældir forsetans haldist stöðugar. Bæti hann þær tölur lítillega gæti hann náð endurkjöri þrátt fyrir að hann fengi enn lægra hlutfall greiddra atkvæða á landsvísu en fyrir þremur árum. Munurinn á hlutfallskosningunni annars vegar og fjölda kjörmanna hins vegar gæti orðið enn meiri verði kjörsókn mikil. Forsetinn gæti við þær aðstæður náð meirihluta kjörmanna þrátt fyrir að demókratar bættu verulega við sig atkvæðum á landsvísu. Bandaríska blaðið áætlar að Trump gæti fengið allt að fimm prósentustigum færri atkvæði en mótframbjóðandi hans og samt unnið sigur. Þetta þýðir þó ekki að Trump eigi sigurinn vísan. Hlutfall þeirra sem eru ánægðir með störf hans er undir 50% í ríkjum sem gefa samtals meira en 270 kjörmenn og meirihluta í kjörmannaráðinu, þar á meðal í ríkjum í norðurhluta landsins sem voru lykillinn að sigri hans árið 2016. „Eitt og sér gerir hlutfallslegt forskot forsetans í kjörmannaráðinu hann ekki endilega sigurstranglegastan,“ skrifar Nate Cohen, sérfræðingur New York Times í skoðanakönnunum, kosningum og lýðfræði.Ómögulegt að segja um mögulegt forskot Ekki er þó allir sannfærðir um ályktun New York Times. Nate Silver, ritstjóri vefsíðunnar Five Thirty Eight sem vinnur meðal annars kosningaspár, segir það líklega rétt að Trump njóti forskots í kjörmannaráðinu eins og hann hafi augljóslega gert árið 2016. Silver efast aftur á móti um að hægt sé að fullyrða á þessari stundu hvort að það forskot verði stærra, minna eða ekki til staðar árið 2020. „Ef það eru nokkur ríki sem líta út fyrir að geta fallið þá er það mun sterkara fyrir demókrata en ef þeir hefðu aðeins eina leið til að ná 270 [kjörmönnum], sérstaklega ef þessi ríki eru lýðfræðilega ólík innbyrðis,“ tísti Silver um greiningu New York Times.Also you need to look at things probabilistically. If there are several states that look like the potential tipping point state, that's a lot more robust for Democrats than if they have just one path to 270, especially if those states are unique from one another demographically.— Nate Silver (@NateSilver538) July 19, 2019 Bernie Sanders, óháður öldungadeildarþingmaður frá Vermont og frambjóðandi í forvali Demókrataflokksins fyrir forsetakosningarnar, deildi sambærilegri greiningu NBC-sjónvarpsstöðvarinnar á að Trump gæti mögulega náð endurkjöri þrátt fyrir að rúmur meirihluti kjósenda hafnaði honum. Stöðin telur að Trump gæti tapað kosningunni á landsvísu með allt að fimm milljón atkvæðum en samt haft sigur. „Leggjum kjörmannaráðið af,“ tísti Sanders.Abolish the Electoral College. https://t.co/eVI5QdrWbu— Bernie Sanders (@BernieSanders) July 19, 2019 Bandaríkin Donald Trump Forsetakosningar í Bandaríkjunum Mest lesið Þurfa að skila útprentuðum eyðublöðum því ekki tókst að uppfæra Völu Innlent Skyldur vinnuveitenda gífurlegar í erfiðum málum Innlent „Við getum ekki treyst Hagkaup í Skeifunni fyrir unglingunum“ Innlent Móðir ákærð fyrir stórfellda líkamsárás Innlent Banaslys við Fossá Innlent Smíði Ölfusárbrúar í uppnámi vegna skilyrðis fyrir ríkisábyrgð Innlent Ályktun um stjórnarslit á dagskrá hjá VG Innlent Sakar Hezbollah um að leiða Líbanon „að hyldýpinu“ Erlent Infowars á uppboð í nóvember upp í skuld við syrgjandi fjölskyldur Erlent Starfsmenn Boeing sagðir hafna tilboði um 30 prósent launahækkun Erlent Fleiri fréttir Combs sakaður um enn eina kynferðisárásina Infowars á uppboð í nóvember upp í skuld við syrgjandi fjölskyldur Starfsmenn Boeing sagðir hafna tilboði um 30 prósent launahækkun Sakar Hezbollah um að leiða Líbanon „að hyldýpinu“ Sonur tilræðismannsins handtekinn vegna barnaníðsefnis Með þrjú flugmóðurskip á sjó í fyrsta sinn Enn einn leiðtogi Hezbollah felldur Þreföldun á endurnýjanlegri orkuframleiðslu innan seilingar Skutu viðvörunarskotum að norsku skipi í norskri lögsögu Demókratar uggandi yfir niðurstöðum skoðanakannana „Sterk Úkraína mun neyða Pútín að samningaborðinu“ Halda árásum áfram og beina sjónum að eldflaugastæðum Hezbollah Sviku út tugi milljóna með því að þykjast vera Brad Pitt Risavaxin mörgæs slær í gegn Um 500 látin í árásum Ísraela á Líbanon Ætlaði sér að ráða Trump af dögum Fólk flýr Beirút undan mannskæðum árásum Ísraela Selenskíj heimsótti lykilríki og þakkaði fyrir vopnin Flúði þegar sveitir Maduro ætluðu að grípa hann Fimmtán á sjúkrahús eftir lestarslys í Svíþjóð Starfsmenn flýja framboð Robinson eftir „svartur nasisti“-hneykslið Fjórir myrtir og fjöldi særður eftir skotárás í Alabama Ísraelar ráðast í umfangsmiklar loftárásir og hvetja íbúa til að flýja Rússar gerðir afturreka með óvæntar tillögur á allsherjarþingi SÞ Jafnaðarmenn báru nauman sigur úr býtum Trump útilokar að bjóða sig fram aftur Marxisti kjörinn forseti Srí Lanka Segir að Hezbollah muni skilja skilaboðin Fimmtíu og einn látinn eftir sprengingu í námu Fannst 73 árum eftir að hafa verið rænt Sjá meira
Forskot sem Donald Trump Bandaríkjaforseti nýtur í fjölda kjörmanna gæti þýtt að hann gæti náð endurkjöri þrátt fyrir að hann fengi enn lægra hlutfall atkvæða á landsvísu en árið 2016. Þá vann hann þrátt fyrir að hafa fengið færri atkvæði en Hillary Clinton. Þetta leiðir greining New York Times á skoðanakönnum og fyrri kosningaúrslitum í ljós. Vinsældir Trump forseta hafa verið um og yfir fjörutíu prósentum um margra mánaða skeið í skoðanakönnunum og segist iðulega rúmur meirihluti hafa vanþóknun á störfum hans. Það þýðir þó ekki að vonir hans um endurkjör í forsetakosningum á næsta ári séu úr sögunni. Í Bandaríkjunum er forseti ekki kosinn beinni kosningu heldur fá ríkin svonefnda kjörmenn í hlutfalli við íbúafjölda. Sá frambjóðandi sem fær flest atkvæði í hverju ríki fær alla kjörmenn þess. Kjörmennirnir kjósa svo forsetann. Þannig vann Trump sigur í forsetakosningunum árið 2016 þrátt fyrir að hafa fengið tæplega þremur milljónum færri atkvæði en Clinton á landsvísu. Trump fékk 46,1% atkvæða gegn 48,2% Clinton. Einn af lyklunum að sigri Trump var að kjósendum hans var dreift á skilvirkari hátt fyrir kjörmannaráðið. Þannig vann hann alla kjörmenn ríkja eins og Michigan, Wisconsin og Pennsylvaníu þrátt fyrir nauman sigur á Clinton. Stórsigur Clinton í fjölmennu ríki eins og Kaliforníu gagnaðist henni aftur á móti ekki meira en hefði hún rétt haft Trump undir.Bandarískir forseta geta verið kjörnir þrátt fyrir að þeir fái minnihluta atkvæða á landsvísu. Það gerðist síðast árið 2016 og 2000.Vísir/GettyGæti fengið allt að fimm prósentustigum færri atkvæði Það sem greining New York Times leiðir í ljós er að þó að stuðningur við Trump sé ekki almennur þá sé honum enn dreift á hagstæðan hátt til að fá sem flesta kjörmenn. Þrátt fyrir fjölda hneykslismála og umdeildra atvika hafi vinsældir forsetans haldist stöðugar. Bæti hann þær tölur lítillega gæti hann náð endurkjöri þrátt fyrir að hann fengi enn lægra hlutfall greiddra atkvæða á landsvísu en fyrir þremur árum. Munurinn á hlutfallskosningunni annars vegar og fjölda kjörmanna hins vegar gæti orðið enn meiri verði kjörsókn mikil. Forsetinn gæti við þær aðstæður náð meirihluta kjörmanna þrátt fyrir að demókratar bættu verulega við sig atkvæðum á landsvísu. Bandaríska blaðið áætlar að Trump gæti fengið allt að fimm prósentustigum færri atkvæði en mótframbjóðandi hans og samt unnið sigur. Þetta þýðir þó ekki að Trump eigi sigurinn vísan. Hlutfall þeirra sem eru ánægðir með störf hans er undir 50% í ríkjum sem gefa samtals meira en 270 kjörmenn og meirihluta í kjörmannaráðinu, þar á meðal í ríkjum í norðurhluta landsins sem voru lykillinn að sigri hans árið 2016. „Eitt og sér gerir hlutfallslegt forskot forsetans í kjörmannaráðinu hann ekki endilega sigurstranglegastan,“ skrifar Nate Cohen, sérfræðingur New York Times í skoðanakönnunum, kosningum og lýðfræði.Ómögulegt að segja um mögulegt forskot Ekki er þó allir sannfærðir um ályktun New York Times. Nate Silver, ritstjóri vefsíðunnar Five Thirty Eight sem vinnur meðal annars kosningaspár, segir það líklega rétt að Trump njóti forskots í kjörmannaráðinu eins og hann hafi augljóslega gert árið 2016. Silver efast aftur á móti um að hægt sé að fullyrða á þessari stundu hvort að það forskot verði stærra, minna eða ekki til staðar árið 2020. „Ef það eru nokkur ríki sem líta út fyrir að geta fallið þá er það mun sterkara fyrir demókrata en ef þeir hefðu aðeins eina leið til að ná 270 [kjörmönnum], sérstaklega ef þessi ríki eru lýðfræðilega ólík innbyrðis,“ tísti Silver um greiningu New York Times.Also you need to look at things probabilistically. If there are several states that look like the potential tipping point state, that's a lot more robust for Democrats than if they have just one path to 270, especially if those states are unique from one another demographically.— Nate Silver (@NateSilver538) July 19, 2019 Bernie Sanders, óháður öldungadeildarþingmaður frá Vermont og frambjóðandi í forvali Demókrataflokksins fyrir forsetakosningarnar, deildi sambærilegri greiningu NBC-sjónvarpsstöðvarinnar á að Trump gæti mögulega náð endurkjöri þrátt fyrir að rúmur meirihluti kjósenda hafnaði honum. Stöðin telur að Trump gæti tapað kosningunni á landsvísu með allt að fimm milljón atkvæðum en samt haft sigur. „Leggjum kjörmannaráðið af,“ tísti Sanders.Abolish the Electoral College. https://t.co/eVI5QdrWbu— Bernie Sanders (@BernieSanders) July 19, 2019
Bandaríkin Donald Trump Forsetakosningar í Bandaríkjunum Mest lesið Þurfa að skila útprentuðum eyðublöðum því ekki tókst að uppfæra Völu Innlent Skyldur vinnuveitenda gífurlegar í erfiðum málum Innlent „Við getum ekki treyst Hagkaup í Skeifunni fyrir unglingunum“ Innlent Móðir ákærð fyrir stórfellda líkamsárás Innlent Banaslys við Fossá Innlent Smíði Ölfusárbrúar í uppnámi vegna skilyrðis fyrir ríkisábyrgð Innlent Ályktun um stjórnarslit á dagskrá hjá VG Innlent Sakar Hezbollah um að leiða Líbanon „að hyldýpinu“ Erlent Infowars á uppboð í nóvember upp í skuld við syrgjandi fjölskyldur Erlent Starfsmenn Boeing sagðir hafna tilboði um 30 prósent launahækkun Erlent Fleiri fréttir Combs sakaður um enn eina kynferðisárásina Infowars á uppboð í nóvember upp í skuld við syrgjandi fjölskyldur Starfsmenn Boeing sagðir hafna tilboði um 30 prósent launahækkun Sakar Hezbollah um að leiða Líbanon „að hyldýpinu“ Sonur tilræðismannsins handtekinn vegna barnaníðsefnis Með þrjú flugmóðurskip á sjó í fyrsta sinn Enn einn leiðtogi Hezbollah felldur Þreföldun á endurnýjanlegri orkuframleiðslu innan seilingar Skutu viðvörunarskotum að norsku skipi í norskri lögsögu Demókratar uggandi yfir niðurstöðum skoðanakannana „Sterk Úkraína mun neyða Pútín að samningaborðinu“ Halda árásum áfram og beina sjónum að eldflaugastæðum Hezbollah Sviku út tugi milljóna með því að þykjast vera Brad Pitt Risavaxin mörgæs slær í gegn Um 500 látin í árásum Ísraela á Líbanon Ætlaði sér að ráða Trump af dögum Fólk flýr Beirút undan mannskæðum árásum Ísraela Selenskíj heimsótti lykilríki og þakkaði fyrir vopnin Flúði þegar sveitir Maduro ætluðu að grípa hann Fimmtán á sjúkrahús eftir lestarslys í Svíþjóð Starfsmenn flýja framboð Robinson eftir „svartur nasisti“-hneykslið Fjórir myrtir og fjöldi særður eftir skotárás í Alabama Ísraelar ráðast í umfangsmiklar loftárásir og hvetja íbúa til að flýja Rússar gerðir afturreka með óvæntar tillögur á allsherjarþingi SÞ Jafnaðarmenn báru nauman sigur úr býtum Trump útilokar að bjóða sig fram aftur Marxisti kjörinn forseti Srí Lanka Segir að Hezbollah muni skilja skilaboðin Fimmtíu og einn látinn eftir sprengingu í námu Fannst 73 árum eftir að hafa verið rænt Sjá meira