600 hlauparar tóku þátt í alþjóðlegu bjórhlaupi við Öskjuhlíð í dag. Hlaupin var ein bjórmíla eða 1,6 kílómetri. Á leiðinni voru þrjár drykkjarstöðvar þar sem keppendur urðu að ljúka við að drekka einn bjór á hverri stöð til þess að mega halda áfram.
Hlaupið fór fram í fyrsta skipti síðasta vetur en þá mætti keppendum slagviðri, því var ákveðið að hlaupið yrði fyrr í ár og var veðrið í dag gott til útiveru.
Stöð 2RVK Brewing sem stóð fyrir viðburðinum lagði mikið í hlaupið því bruggaður var sérstakur bjór af tilefninu. Bjórinn heitir Keppnis og er ferskur lager sem átti að vera tilvalinn til þess að vökva fólk á hlaupum.
Um 600 manns munu þreyta árlegt bjórhlaup RVK Brewing sem hefur vaxið hratt milli ára. Íslandsmeistari kvenna segist hafa lært af reynslunni. Það hafi komið henni á óvart hversu erfitt er að spretta af stað eftir einn stóran bjór.
