Starfar sem vændiskona af fúsum og frjálsum vilja Andri Eysteinsson og Frosti Logason skrifa 30. september 2019 19:15 Vændiskonan ræddi við Frosta Logason í Íslandi í dag. Stöð 2 Austur-evrópsk vændiskona, sem venur komur sínar til Íslands, segist vera í starfinu af fúsum og frjálsum vilja. Hún komi úr góðri fjölskyldu, hafi aldrei verið í neyslu og segist ekki hafa leiðst út í kynlífsiðnaðinn eftir að hafa verið misnotuð kynferðislega. Konan sagði sögu sína í þættinum Íslandi í dag á Stöð 2 í kvöld. Konan sem er á þrítugsaldri segist hafa byrjað í starfi sínu fyrir tveimur árum en kom í fyrsta sinn til Íslands fyrir rúmu ári. Fljótlega hafi hún áttað sig á því að tekjumöguleikar hér á landi séu mun betri en í heimalandi hennar. Í dag starfar hún eingöngu á Íslandi. „Heima gat ég í mesta lagi þénað 800 evrur á mánuði, hér fæ ég sömu upphæð á einum degi. Það eru fimm til sex kúnnar á dag, sumir borga fyrir korter aðrir fyrir klukkutíma,“ segir konan og bætir við að hún krefjist þess að alltaf sé notaður smokkur. Konan segir kúnnahóp sinn vera fjölbreyttan en stærsti hlutinn séu Íslendingar á fertugsaldri. Margir þeirra séu giftir menn sem leiti til hennar til að prófa hluti í kynlífi sem eiginkonur þeirra vilji ekki. Viðskiptavinir hennar séu yfirleitt stressaðir og feimnir í sinni fyrstu heimsókn en verði öruggari með sig eftir því sem þeir komi oftar. Hún eigi fastan kúnnahóp sem hún treystir og segir að þeir treysti henni. Hún segist finna fyrir öryggi hér á landi, kúnnarnir virði mörk hennar og séu ekki of ákafir. Tekjur hærri en í öðrum störfum Konan segir að draumur sinn sé að stofna eigið fyrirtæki í heimalandi og segist hafa hafið störf í hefðbundnari starfi en áttað sig fljótt á að kaupið dugði ekki fyrir draumum sínum. Því hafi hún ákveðið að selja sig. Nýja starfið sé auðveld vinna sem hún hefur gaman af og borgar vel. Aðspurð segir konan skipuleggja allt í kringum starf sitt sjálf. Enginn neyði hana til þess að starfa í þessum geira og telur hún meirihluta þeirra vændiskvenna sem starfa á Íslandi vera í sömu sporum. Þrátt fyrir að hún gæti auðveldlega unnið önnur störf í heimalandinu vilji hún ekki starfa við annað en vændi. Í stað þess að mæta til vinnu í átta tíma á dag, vinni hún átta daga í mánuði og þéni nóg til þess að lifa því lífi sem hún vill lifa. „Á mjög góðri viku gæti ég þénað um 5000 evrur,“ segir konan sem er hvergi nærri hætt í starfi. Hún segist gera ráð fyrir því að starfa sem vændiskona í nokkur ár til viðbótar. Konan segist hafa heyrt af möguleikanum á að starfa á Íslandi í gegnum vinkonu í geiranum sem hún kynntist í afmæli í heimalandinu. Hún hafi beðið hana um að koma með sér til þess að hafa vin á landinu. Konan kom fyrst til Íslands fyrir rúmu ári.Ísland í dag Jákvæð samskipti við lögregluna hér á landi Öryggi er henni mikilvægt og segist hún kjósa að vera staðsett sem næst Lögreglustöðinni á Hverfisgötu. Lögreglan hafi í eitt skipti tekið hana til hliðar á Keflavíkurflugvelli og þar spurt hana í hvaða erindagjörðum hún væri. „Ég sagðist vera vændiskona sem væri komin til landsins til að vinna. Þá var mér leyft að fara og mér bent á að hringja beint í lögregluna ef eitthvað bjátar á,“ sagði konan og bætti við að sú samskipti við lögregluna hafi ýtt undir öryggistilfinninguna sem hún finnur hér á landi. Konan segir að minna sé um vændiskonur en virðist á ákveðnum vefsíðum sem auglýsi slíka þjónustu. Af 700 konum sem virðast bjóða vændi á vefsíðunni séu í mesta lagi 20 virkar á síðunni, af þeim séu nokkrir falskir aðgangar. Sjá má viðtal Frosta Logasonar við konuna í Íslandi í dag í spilaranum hér að neðan. Ísland í dag Mest lesið Æf vegna ummæla Kristrúnar um falsfréttir: „Þessi skammarlegu, ómaklegu ummæli“ Innlent Segir vopnahlé í höfn Erlent Ísland muni ekki verja fimm prósentum til varnarmála Innlent Flaug í einkaflugi með Støre Innlent Fleiri handteknir í Borgarnesi Innlent Engar stórvirkjanir í Skagafirði en opið að fara í Kjalölduveitu Innlent Trump þakkar Írönum fyrir að láta vita af sér Erlent Telja einhvern hér á landi búa yfir vitneskju um hvað kom fyrir Jón Þröst Innlent Sextán ár fyrir að bana dóttur sinni Innlent Mikill reykur eftir að kviknaði í annarri efnalaug Innlent Fleiri fréttir Æf vegna ummæla Kristrúnar um falsfréttir: „Þessi skammarlegu, ómaklegu ummæli“ Engar stórvirkjanir í Skagafirði en opið að fara í Kjalölduveitu Ísland muni ekki verja fimm prósentum til varnarmála Mikill reykur eftir að kviknaði í annarri efnalaug „Við erum auðvitað ekki komin þangað“ Telja einhvern hér á landi búa yfir vitneskju um hvað kom fyrir Jón Þröst Fleiri handteknir í Borgarnesi Átök breiðast út í Mið-Austurlöndum, virkjanaáform og brúðkaup Bezos Gert að greiða fyrrverandi manni sínum bætur vegna dreifingar á nektarmynd Sextán ár fyrir að bana dóttur sinni Leita fulltingis forseta til að fá upplýsingar um veiðigjöld Lúsmý um allt land en bitmýið einnig árásargjarnt Kona féll í Svöðufoss „Það gengur ekki að þingið sé tekið í gíslingu“ „Landslið barna“ tekið til starfa á Suðurnesjum Grunar að fjárheimildir ætlaðar þjónustu hafi farið í launakostnað „Annars værum við ekki að leggja í þessar miklu aðgerðir“ Flaug í einkaflugi með Støre Réðst á einstakling á sjötugsaldri með hníf Lætur reyna á hvort samræði við þrettán ára sé nauðgun Biðla til foreldra: Barn einungis þrjátíu sekúndur að drukkna Árásum á Íran haldið áfram og enn þráttað um veiðigjöld Neita öll sök í Gufunessmálinu Váleg þróun að ríki telji sig ekki þurfa að færa rök fyrir því að beita hervaldi Hyggst setja RÚV „talsverðar skorður“ í þágu einkarekinna fjölmiðla Handtekinn fyrir að sveifla hamri Sjálfboðaliðar að bugast: Mikil örvænting meðal gæludýraeigenda Kjarnavopnvædd klerkastjórn sé ógn við Norðurlönd Álftapar með fjóra unga við Hótel Rangá vekur athygli Sagt að hann gæti ekki klárað námið en gerði það samt Sjá meira
Austur-evrópsk vændiskona, sem venur komur sínar til Íslands, segist vera í starfinu af fúsum og frjálsum vilja. Hún komi úr góðri fjölskyldu, hafi aldrei verið í neyslu og segist ekki hafa leiðst út í kynlífsiðnaðinn eftir að hafa verið misnotuð kynferðislega. Konan sagði sögu sína í þættinum Íslandi í dag á Stöð 2 í kvöld. Konan sem er á þrítugsaldri segist hafa byrjað í starfi sínu fyrir tveimur árum en kom í fyrsta sinn til Íslands fyrir rúmu ári. Fljótlega hafi hún áttað sig á því að tekjumöguleikar hér á landi séu mun betri en í heimalandi hennar. Í dag starfar hún eingöngu á Íslandi. „Heima gat ég í mesta lagi þénað 800 evrur á mánuði, hér fæ ég sömu upphæð á einum degi. Það eru fimm til sex kúnnar á dag, sumir borga fyrir korter aðrir fyrir klukkutíma,“ segir konan og bætir við að hún krefjist þess að alltaf sé notaður smokkur. Konan segir kúnnahóp sinn vera fjölbreyttan en stærsti hlutinn séu Íslendingar á fertugsaldri. Margir þeirra séu giftir menn sem leiti til hennar til að prófa hluti í kynlífi sem eiginkonur þeirra vilji ekki. Viðskiptavinir hennar séu yfirleitt stressaðir og feimnir í sinni fyrstu heimsókn en verði öruggari með sig eftir því sem þeir komi oftar. Hún eigi fastan kúnnahóp sem hún treystir og segir að þeir treysti henni. Hún segist finna fyrir öryggi hér á landi, kúnnarnir virði mörk hennar og séu ekki of ákafir. Tekjur hærri en í öðrum störfum Konan segir að draumur sinn sé að stofna eigið fyrirtæki í heimalandi og segist hafa hafið störf í hefðbundnari starfi en áttað sig fljótt á að kaupið dugði ekki fyrir draumum sínum. Því hafi hún ákveðið að selja sig. Nýja starfið sé auðveld vinna sem hún hefur gaman af og borgar vel. Aðspurð segir konan skipuleggja allt í kringum starf sitt sjálf. Enginn neyði hana til þess að starfa í þessum geira og telur hún meirihluta þeirra vændiskvenna sem starfa á Íslandi vera í sömu sporum. Þrátt fyrir að hún gæti auðveldlega unnið önnur störf í heimalandinu vilji hún ekki starfa við annað en vændi. Í stað þess að mæta til vinnu í átta tíma á dag, vinni hún átta daga í mánuði og þéni nóg til þess að lifa því lífi sem hún vill lifa. „Á mjög góðri viku gæti ég þénað um 5000 evrur,“ segir konan sem er hvergi nærri hætt í starfi. Hún segist gera ráð fyrir því að starfa sem vændiskona í nokkur ár til viðbótar. Konan segist hafa heyrt af möguleikanum á að starfa á Íslandi í gegnum vinkonu í geiranum sem hún kynntist í afmæli í heimalandinu. Hún hafi beðið hana um að koma með sér til þess að hafa vin á landinu. Konan kom fyrst til Íslands fyrir rúmu ári.Ísland í dag Jákvæð samskipti við lögregluna hér á landi Öryggi er henni mikilvægt og segist hún kjósa að vera staðsett sem næst Lögreglustöðinni á Hverfisgötu. Lögreglan hafi í eitt skipti tekið hana til hliðar á Keflavíkurflugvelli og þar spurt hana í hvaða erindagjörðum hún væri. „Ég sagðist vera vændiskona sem væri komin til landsins til að vinna. Þá var mér leyft að fara og mér bent á að hringja beint í lögregluna ef eitthvað bjátar á,“ sagði konan og bætti við að sú samskipti við lögregluna hafi ýtt undir öryggistilfinninguna sem hún finnur hér á landi. Konan segir að minna sé um vændiskonur en virðist á ákveðnum vefsíðum sem auglýsi slíka þjónustu. Af 700 konum sem virðast bjóða vændi á vefsíðunni séu í mesta lagi 20 virkar á síðunni, af þeim séu nokkrir falskir aðgangar. Sjá má viðtal Frosta Logasonar við konuna í Íslandi í dag í spilaranum hér að neðan.
Ísland í dag Mest lesið Æf vegna ummæla Kristrúnar um falsfréttir: „Þessi skammarlegu, ómaklegu ummæli“ Innlent Segir vopnahlé í höfn Erlent Ísland muni ekki verja fimm prósentum til varnarmála Innlent Flaug í einkaflugi með Støre Innlent Fleiri handteknir í Borgarnesi Innlent Engar stórvirkjanir í Skagafirði en opið að fara í Kjalölduveitu Innlent Trump þakkar Írönum fyrir að láta vita af sér Erlent Telja einhvern hér á landi búa yfir vitneskju um hvað kom fyrir Jón Þröst Innlent Sextán ár fyrir að bana dóttur sinni Innlent Mikill reykur eftir að kviknaði í annarri efnalaug Innlent Fleiri fréttir Æf vegna ummæla Kristrúnar um falsfréttir: „Þessi skammarlegu, ómaklegu ummæli“ Engar stórvirkjanir í Skagafirði en opið að fara í Kjalölduveitu Ísland muni ekki verja fimm prósentum til varnarmála Mikill reykur eftir að kviknaði í annarri efnalaug „Við erum auðvitað ekki komin þangað“ Telja einhvern hér á landi búa yfir vitneskju um hvað kom fyrir Jón Þröst Fleiri handteknir í Borgarnesi Átök breiðast út í Mið-Austurlöndum, virkjanaáform og brúðkaup Bezos Gert að greiða fyrrverandi manni sínum bætur vegna dreifingar á nektarmynd Sextán ár fyrir að bana dóttur sinni Leita fulltingis forseta til að fá upplýsingar um veiðigjöld Lúsmý um allt land en bitmýið einnig árásargjarnt Kona féll í Svöðufoss „Það gengur ekki að þingið sé tekið í gíslingu“ „Landslið barna“ tekið til starfa á Suðurnesjum Grunar að fjárheimildir ætlaðar þjónustu hafi farið í launakostnað „Annars værum við ekki að leggja í þessar miklu aðgerðir“ Flaug í einkaflugi með Støre Réðst á einstakling á sjötugsaldri með hníf Lætur reyna á hvort samræði við þrettán ára sé nauðgun Biðla til foreldra: Barn einungis þrjátíu sekúndur að drukkna Árásum á Íran haldið áfram og enn þráttað um veiðigjöld Neita öll sök í Gufunessmálinu Váleg þróun að ríki telji sig ekki þurfa að færa rök fyrir því að beita hervaldi Hyggst setja RÚV „talsverðar skorður“ í þágu einkarekinna fjölmiðla Handtekinn fyrir að sveifla hamri Sjálfboðaliðar að bugast: Mikil örvænting meðal gæludýraeigenda Kjarnavopnvædd klerkastjórn sé ógn við Norðurlönd Álftapar með fjóra unga við Hótel Rangá vekur athygli Sagt að hann gæti ekki klárað námið en gerði það samt Sjá meira