Hlutafé Jubileum, sem á veitingastaðina Cafe Paris og Snaps, var nýverið aukið um 30 milljónir króna. Þetta staðfestir Birgir Þór Bieltvedt, sem á eignarhaldsfélagið ásamt eiginkonu sinni, Eygló Kjartansdóttur, í samtali við Markaðinn.
Birgir segir að veitingarekstur hafi verið erfiður síðustu misseri. Í stað þess að skuldsetja fyrirtækið væri ráðlegra að auka hlutafé. „Ég kappkosta að styrkja félögin og lækka skuldir. Þetta er liður í því,“ segir hann. Fjármunirnir muni fyrst og fremst nýtast Jubileum og Snaps en ekki Cafe Paris.
Samhliða jókst hlutur Jubileum í Snaps í 85-90 prósent. Stofnendur staðarins, Sigurgísli Bjarnason og Stefán Melsted, eiga það sem eftir stendur auk kaupréttar að hlutafé.
„Ég hef tröllatrú á að því að það séu góðir tímar fram undan á Íslandi. Það þarf bara að þrauka þangað til og aðlaga reksturinn breyttum forsendum,“ segir hann.
Að sögn Birgis hefur rekstur Cafe Paris gengið vel að undanförnu. Sumarið hafi verið sérstaklega gott. Framkvæmdir hafi staðið yfir í grennd við Snaps sem sett hafi strik í reikninginn en nú sjái fyrir endann á þeim. Veitingastaðurinn sé í góðum rekstri þrátt fyrir framkvæmdirnar og fækkun ferðamanna.
Eigið fé Jubileum var neikvætt um 13 milljónir króna árið 2018 sem einkum má rekja til mikils taps hjá Cafe Paris. Jubileum tapaði 335 milljónum árið 2018 og 80 milljónum árið áður.
Hlutafé Jubileum aukið um 30 milljónir
Helgi Vífill Júlíusson skrifar

Mest lesið

Vextir lækka hjá Íslandsbanka
Viðskipti innlent


Lokun kísilvers á Bakka: „Þetta er grátbölvað“
Viðskipti innlent

Arion vill sameinast Kviku
Viðskipti innlent


Play tekur flugið til Agadir
Viðskipti innlent

Tap útgerðarinnar vegna fjárfestinga í fiskeldi nemur milljörðum
Viðskipti innlent

Vilja að stjórnvöld greiði leið kísilversins á Bakka
Viðskipti innlent

Bein útsending: Ársfundur Samáls
Viðskipti innlent

Stöðva rekstur á Bakka í júlí og segja 80 manns upp störfum
Viðskipti innlent