Leiðinlegt að stærsta verkefnið á markaðnum fari til Bretlands í ójafnri keppni Kristín Ólafsdóttir skrifar 13. maí 2020 11:22 Valgeir Magnússon, stjórnarformaður Pipar/TBWA. Aðsend Valgeir Magnússon, stjórnarformaður íslensku auglýsingastofunnar Pipar/TBWA, segir það leiðinlegt, og skjóta skökku við, að stærsta verkefni á Íslandsmarkaði hafi fallið í skaut breskrar auglýsingastofu, einkum í ljósi þeirrar stöðu sem nú er uppi á íslenskum vinnumarkaði. Þá telur hann að keppnin um útboðið hafi ekki verið jöfn. Þetta kom fram í máli Valgeirs í umræðuþættinum Bítinu á Bylgjunni í morgun. Ríkið mun verja einum og hálfum milljarði í markaðsátak erlendis, sem ber heitið „Ísland – saman í sókn“, til að kynna Ísland sem áfangastað fyrir ferðamenn. Verkefnið er hluti af mótvægisaðgerðum stjórnvalda vegna faraldurs kórónuveiru. Íslandsstofa tilkynnti í gær að herferðin, upp á um 300 milljónir króna af heildarfénu, hefði fallið í skaut bresku auglýsingastofunnar M&C Saatchi, í samstarfi við íslensku auglýsingastofuna Peel. Tillaga M&C Saatchi hefði hlotið hæstu einkunn valnefndar sem fór yfir innsendar tillögur. Ekki tapsár heldur stolt Tillaga M&C Saatchi hlaut 87,17 stig af hundrað mögulegum, samkvæmt frétt Túrista. Íslenska auglýsingastofan Pipar/TBWA kom næst í röðinni með 86,35 stig. Sáralitlu munaði því á einkunnum stofanna tveggja. „Það er leiðinlegt að þetta stærsta verkefni sem er í boði á Íslandsmarkaði skuli enda í Bretlandi, í verkefni sem heitir Ísland saman í sókn,“ sagði Valgeir Magnússon, framkvæmdastjóri Pipar/TBWA í Bítinu í morgun. Þau hjá Pipar væru þó ekki tapsár yfir niðurstöðunni heldur frekar stolt af því að vera á pari við Saatchi, eina stærstu auglýsingastofu í heimi, í einkunnagjöf. Valgeir mat það þó sem svo að keppnin um útboðið hefði ekki verið jöfn. „En svo er liður þarna sem er fjárhagsliðurinn. Og þar er ekki jafnræði. Vegna þess að það á að gefa verð með virðisaukaskatti og erlent fyrirtæki borgar ekki vask af sölu á þjónustu til Íslands, þannig að það munar strax 20 prósentum. Af þessum 300 milljónum sem vinnuútboðið er munar 60 milljónum, sem er beinn virðisaukaskattur sem við hefðum þurft að borga af þessari upphæð en Saatchi þarf ekki að gera. Þarna er einhver skekkja í reikningsdæminu sem veldur því að þetta er ekki alveg jöfn keppni.“ Valgeir kvaðst þó ekki vita hvort verðið hafi verið úrslitaþátturinn í einkunnagjöfinni. „En þegar munar svona litlu þá eru hugmyndirnar báðar mjög góðar.“ Skjáskot úr myndbandinu Inspired by Iceland, markaðsátaki sem farið var í eftir eldgosið í Eyjafjallajökli 2010. Engar skatttekjur frá Bretlandi Valgeir sagði að það skyti jafnframt skökku við að erlent fyrirtæki fái þetta umfangsmikla verkefni í ljósi stöðunnar sem nú er uppi á íslenskum vinnumarkaði. „En hefði alltaf verið hægt að hugsa einhvern veginn, ókei, eigum við að senda þessar 300 milljónir úr landi í verkefni sem er til að byggja upp íslenskt efnahagslíf? Skatttekjurnar af því ef verkefnið hefði verið unnið hjá okkur eru sirka 150 milljónir en verður núll hinum megin,“ sagði Valgeir. Verkefni frá ferðaþjónustunni hefðu verið mikilvæg tekjulind fyrir til dæmis Pipar. Þessi verkefni hefðu algjörlega þurrkast út og starfsmenn, sem hafa einbeitt sér að þeim, verið settir á hlutabótaleið stjórnvalda. Valgeir sagði að kraftar þessara starfsmanna hefðu nýst vel í auglýsingaherferðinni nú. „Við verðum ekkert endalaust á ríkisstyrk til að halda svoleiðis deild úti.“ Frestur til að kæra ákvörðun nefndarinnar, sem skipuð er fulltrúum ferðamálaráðherra, Samtökum ferðaþjónustunnar, Reykjavíkurborgar, markaðsstofa, og Íslandsstofu, er tíu dagar. Valgeir sagði að Pipar væri nú að skoða hvort ákvörðunin verði kærð. „Við erum ekkert að gagnrýna Íslandsstofu fyrir að þessi stofa hafi verið valin. Við getum bara gagnrýnt misvægið í útboðinu, að það eigi að bjóða verð með virðisaukaskatti. Það er ósanngjarnt,“ sagði Valgeir. „Persónulega þykir mér að íslenskt fyrirtæki hefði frekar átt að njóta vafans. En Ríkiskaup sitja uppi með að það var hugsanlega ekki jafnræði í útboðinu.“ Faraldur kórónuveiru (COVID-19) Auglýsinga- og markaðsmál Ferðamennska á Íslandi Bítið Mest lesið ORA svarar fyrir fiskbúðinginn: „Stundum þarf bara pung í að gera breytingar“ Neytendur „Það er kennitöluflakk í skilgreiningu sinni“ Viðskipti innlent Segir stjórnendur ætla að skilja skuldirnar eftir á Íslandi Viðskipti innlent „Hef engar upplýsingar um að eitthvað óeðlilegt hafi átt sér stað“ Viðskipti innlent Einar rýfur þögnina: Vísar kenningum um fléttu á bug Viðskipti innlent 208 sagt upp í fimm hópuppsögnum Viðskipti innlent Einn stofnenda Play og Leifur í framkvæmdastjórn Icelandair Viðskipti innlent Samkaup eignast 38 prósenta hlut í Kjötkompaní Viðskipti innlent Íþróttafræðin inn á vinnustaðinn: Yfirmenn ekki lengur alvitri einhyrningurinn Atvinnulíf Eiríkur Orri til Ofar Viðskipti innlent Fleiri fréttir „Það er kennitöluflakk í skilgreiningu sinni“ Einar rýfur þögnina: Vísar kenningum um fléttu á bug Bein útsending: Ársfundur atvinnulífsins Spá óbreyttum stýrivöxtum í næstu viku „Hef engar upplýsingar um að eitthvað óeðlilegt hafi átt sér stað“ 208 sagt upp í fimm hópuppsögnum Einn stofnenda Play og Leifur í framkvæmdastjórn Icelandair Eiríkur Orri til Ofar Samkaup eignast 38 prósenta hlut í Kjötkompaní Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sahara og Olís tilnefnd til tvennra alþjóðlegra verðlauna Hvetur stjórnvöld til að veita ferðaskrifstofum lán eins og í Covid Búið að greiða laun og barnabætur Stefna á að hefja starfsemi á Möltu innan tíu vikna Snaps teygir anga sína út á Hlemm „Það er svo langt síðan að við höfðum ekki trú á Play“ Arnar Þór og Unnur Lilja skipta búi Play Bændaferðir færa sig í skemmtiferðasiglingar Fallið frá kröfum um neyðarfjarskipti á hálendinu Play með sex prósent flugsæta til og frá landinu Hrun í makríl og kolmunna Sjá meira
Valgeir Magnússon, stjórnarformaður íslensku auglýsingastofunnar Pipar/TBWA, segir það leiðinlegt, og skjóta skökku við, að stærsta verkefni á Íslandsmarkaði hafi fallið í skaut breskrar auglýsingastofu, einkum í ljósi þeirrar stöðu sem nú er uppi á íslenskum vinnumarkaði. Þá telur hann að keppnin um útboðið hafi ekki verið jöfn. Þetta kom fram í máli Valgeirs í umræðuþættinum Bítinu á Bylgjunni í morgun. Ríkið mun verja einum og hálfum milljarði í markaðsátak erlendis, sem ber heitið „Ísland – saman í sókn“, til að kynna Ísland sem áfangastað fyrir ferðamenn. Verkefnið er hluti af mótvægisaðgerðum stjórnvalda vegna faraldurs kórónuveiru. Íslandsstofa tilkynnti í gær að herferðin, upp á um 300 milljónir króna af heildarfénu, hefði fallið í skaut bresku auglýsingastofunnar M&C Saatchi, í samstarfi við íslensku auglýsingastofuna Peel. Tillaga M&C Saatchi hefði hlotið hæstu einkunn valnefndar sem fór yfir innsendar tillögur. Ekki tapsár heldur stolt Tillaga M&C Saatchi hlaut 87,17 stig af hundrað mögulegum, samkvæmt frétt Túrista. Íslenska auglýsingastofan Pipar/TBWA kom næst í röðinni með 86,35 stig. Sáralitlu munaði því á einkunnum stofanna tveggja. „Það er leiðinlegt að þetta stærsta verkefni sem er í boði á Íslandsmarkaði skuli enda í Bretlandi, í verkefni sem heitir Ísland saman í sókn,“ sagði Valgeir Magnússon, framkvæmdastjóri Pipar/TBWA í Bítinu í morgun. Þau hjá Pipar væru þó ekki tapsár yfir niðurstöðunni heldur frekar stolt af því að vera á pari við Saatchi, eina stærstu auglýsingastofu í heimi, í einkunnagjöf. Valgeir mat það þó sem svo að keppnin um útboðið hefði ekki verið jöfn. „En svo er liður þarna sem er fjárhagsliðurinn. Og þar er ekki jafnræði. Vegna þess að það á að gefa verð með virðisaukaskatti og erlent fyrirtæki borgar ekki vask af sölu á þjónustu til Íslands, þannig að það munar strax 20 prósentum. Af þessum 300 milljónum sem vinnuútboðið er munar 60 milljónum, sem er beinn virðisaukaskattur sem við hefðum þurft að borga af þessari upphæð en Saatchi þarf ekki að gera. Þarna er einhver skekkja í reikningsdæminu sem veldur því að þetta er ekki alveg jöfn keppni.“ Valgeir kvaðst þó ekki vita hvort verðið hafi verið úrslitaþátturinn í einkunnagjöfinni. „En þegar munar svona litlu þá eru hugmyndirnar báðar mjög góðar.“ Skjáskot úr myndbandinu Inspired by Iceland, markaðsátaki sem farið var í eftir eldgosið í Eyjafjallajökli 2010. Engar skatttekjur frá Bretlandi Valgeir sagði að það skyti jafnframt skökku við að erlent fyrirtæki fái þetta umfangsmikla verkefni í ljósi stöðunnar sem nú er uppi á íslenskum vinnumarkaði. „En hefði alltaf verið hægt að hugsa einhvern veginn, ókei, eigum við að senda þessar 300 milljónir úr landi í verkefni sem er til að byggja upp íslenskt efnahagslíf? Skatttekjurnar af því ef verkefnið hefði verið unnið hjá okkur eru sirka 150 milljónir en verður núll hinum megin,“ sagði Valgeir. Verkefni frá ferðaþjónustunni hefðu verið mikilvæg tekjulind fyrir til dæmis Pipar. Þessi verkefni hefðu algjörlega þurrkast út og starfsmenn, sem hafa einbeitt sér að þeim, verið settir á hlutabótaleið stjórnvalda. Valgeir sagði að kraftar þessara starfsmanna hefðu nýst vel í auglýsingaherferðinni nú. „Við verðum ekkert endalaust á ríkisstyrk til að halda svoleiðis deild úti.“ Frestur til að kæra ákvörðun nefndarinnar, sem skipuð er fulltrúum ferðamálaráðherra, Samtökum ferðaþjónustunnar, Reykjavíkurborgar, markaðsstofa, og Íslandsstofu, er tíu dagar. Valgeir sagði að Pipar væri nú að skoða hvort ákvörðunin verði kærð. „Við erum ekkert að gagnrýna Íslandsstofu fyrir að þessi stofa hafi verið valin. Við getum bara gagnrýnt misvægið í útboðinu, að það eigi að bjóða verð með virðisaukaskatti. Það er ósanngjarnt,“ sagði Valgeir. „Persónulega þykir mér að íslenskt fyrirtæki hefði frekar átt að njóta vafans. En Ríkiskaup sitja uppi með að það var hugsanlega ekki jafnræði í útboðinu.“
Faraldur kórónuveiru (COVID-19) Auglýsinga- og markaðsmál Ferðamennska á Íslandi Bítið Mest lesið ORA svarar fyrir fiskbúðinginn: „Stundum þarf bara pung í að gera breytingar“ Neytendur „Það er kennitöluflakk í skilgreiningu sinni“ Viðskipti innlent Segir stjórnendur ætla að skilja skuldirnar eftir á Íslandi Viðskipti innlent „Hef engar upplýsingar um að eitthvað óeðlilegt hafi átt sér stað“ Viðskipti innlent Einar rýfur þögnina: Vísar kenningum um fléttu á bug Viðskipti innlent 208 sagt upp í fimm hópuppsögnum Viðskipti innlent Einn stofnenda Play og Leifur í framkvæmdastjórn Icelandair Viðskipti innlent Samkaup eignast 38 prósenta hlut í Kjötkompaní Viðskipti innlent Íþróttafræðin inn á vinnustaðinn: Yfirmenn ekki lengur alvitri einhyrningurinn Atvinnulíf Eiríkur Orri til Ofar Viðskipti innlent Fleiri fréttir „Það er kennitöluflakk í skilgreiningu sinni“ Einar rýfur þögnina: Vísar kenningum um fléttu á bug Bein útsending: Ársfundur atvinnulífsins Spá óbreyttum stýrivöxtum í næstu viku „Hef engar upplýsingar um að eitthvað óeðlilegt hafi átt sér stað“ 208 sagt upp í fimm hópuppsögnum Einn stofnenda Play og Leifur í framkvæmdastjórn Icelandair Eiríkur Orri til Ofar Samkaup eignast 38 prósenta hlut í Kjötkompaní Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sahara og Olís tilnefnd til tvennra alþjóðlegra verðlauna Hvetur stjórnvöld til að veita ferðaskrifstofum lán eins og í Covid Búið að greiða laun og barnabætur Stefna á að hefja starfsemi á Möltu innan tíu vikna Snaps teygir anga sína út á Hlemm „Það er svo langt síðan að við höfðum ekki trú á Play“ Arnar Þór og Unnur Lilja skipta búi Play Bændaferðir færa sig í skemmtiferðasiglingar Fallið frá kröfum um neyðarfjarskipti á hálendinu Play með sex prósent flugsæta til og frá landinu Hrun í makríl og kolmunna Sjá meira