Bayern Munchen er Þýskalandsmeistari áttunda árið í röð en þetta varð ljóst eftir 1-0 sigur Bæjara á Werder Bremen í 32. umferðinni í kvöld.
Fyrsta og eina mark leiksins skoraði Robert Lewandowski á 43. mínútu en hann skoraði eftir fyrirgjöf frá Jerome Boateng. Það kom ekki að sök að Alphonso Davies hafi fengið rautt spjald á 79. mínútu og lokatölur 1-0.
- @FCBayern are Bundesliga (since 1963) champions for the 29th time. All other clubs combined have won 28 Bundesliga titles. #SVWFCB
— Gracenote Live (@GracenoteLive) June 16, 2020
Bayern er með 76 stig á toppi deildarinnar er þeir eiga tvo leiki eftir og eru með tíu stiga forskot á Dortmund sem á þrjá leiki eftir. Bremen er í 17. sætinu með 28 stig, þremur stigum frá öruggu sæti.
Önnur úrslit kvöldsins voru þau að Freiburg vann 2-1 sigur á Herthu, Samúel Kári Friðjónsson var ónotaður varamaður hjá Paderborn sem tapaði fyrir Union Berlin 1-0 og Mönchengladbach vann 3-0 sigur á Wolfsburg.
Bayern München: 2019/20 Bundesliga champions pic.twitter.com/v1zIObiZMc
— Bundesliga English (@Bundesliga_EN) June 16, 2020