Breiðablik hefur náð í tvö stig af 27 mögulegum í leikjum liðsins í júlí síðustu tvö tímabil. Liðið hefur ekki unnið leik í níu tækifærum en fær eitt tækifæri í viðbót; gegn ÍA á sunnudaginn.
Gengi Breiðablik hefur verið afleitt í júlí síðustu tvö tímabil. Ágúst Gylfason náði ekki að vinna leik með Breiðablik í fjórum tilraunum í júlí á síðasta ári og ekki hefur gengið verið betra hjá Óskari Hrafni Þorvaldssyni í ár.
Breiðablik hefur spilað fimm leiki í júlí í ár. Liðið hefur einungis náð í tvö stig af fimmtán mögulegum; jafntefli gegn FH á heimavelli og KA á útivelli. Markatalan er mínus fjögur mörk (7-11).
Blikarnir fá þó eitt tækifæri í viðbót til þess að vinna leik í júlí því þeir mæta Skagamönnum á sunnudaginn sem hafa tapað tveimur leikjum í röð.
Leikir Breiðabliks í júlí 2019:
1. júlí KR - Breiðablik 2-0
7. júlí Breiðablik - HK 1-2
22. júlí Breiðablik - Grindavík 0-0
29. júlí Víkingur - Breiðablik 3-2
Niðurstaðan: 1 stig af 12 mögulegum (markatalan 3-7)
Leikir Breiðabliks í júlí 2020:
5. júlí KA - Breiðablik 2-2
8. júlí Breiðablik - FH 3-3
13. júlí KR - Breiðablik 3-1
19. júlí Breiðablik - Valur 1-2
23. júlí HK - Breiðablik 1-0
26. júlí Breiðablik - ÍA ???
Niðurstaðan: 2 stig af 15 mögulegum (markatalan 7-11)
Samanlagt: 3 stig af 27 mögulegum (markatalan 10-18)
