Dagblöðin sátu hjá í stærsta sigri Íslands í áraraðir Kolbeinn Tumi Daðason skrifar 13. janúar 2020 12:00 Mikkel Hansen súr og svekktur eins og danska þjóðin eftir magnaðan sigur íslenska liðsins í Malmö á laugardaginn. EPA/ANDREAS HILLERGREN Meðan öll danska pressan fylgdist skelfingu lostin með leik Íslendinga og Dana þar sem Íslendingar lögðu heims- og ólympíumeistarana sat stór hluti íslenskra fjölmiðla heima. Ríkisútvarpið sendi beint frá leiknum í sjónvarpi og útvarpi og var með íþróttafréttamenn á staðnum auk þess sem fréttastofa Stöðvar 2, Vísis og Bylgjunnar stendur vaktina. En það þykja söguleg tíðindi að enginn fulltrúi íslenskra dagblaða flaug utan til þess að verða vitni að leiknum sögulega. Með fulltrúa frá áttunda áratugnum Karlalandsliðið vann einn sinn fræknasta sigur í áraraðir þegar strákarnir okkar lögðu heims- og ólympíumeistara Danmerkur 31-30 í Malmö á laugardag. Morgunblaðið, elsta starfandi dagblað landsins, hefur sent fulltrúa á stórmót karlalandsliðsins síðan á áttunda áratug síðustu aldar. Það kom því mörgum í opna skjöldu að miðillinn sendi hvorki blaðamann né ljósmyndara frá Íslandi til Malmö þar sem íslenska liðið spilar. Fréttablaðið hefur sömuleiðis frá stofnun árið 2001 verið fastagestur á stórmótum karlalandsliðsins í janúar. Blaðamaður og ljósmyndari hafa fylgt landsliðinu hvert fótmál. Raunar er svo að Fréttablaðið og Morgunblaðið hafa verið vel skreytt myndum ljósmyndara blaðanna frá EM og HM í handbolta í janúar ár eftir ár. Þær myndir sem birtast nú eru hins vegar úr erlendum myndabönkum. „Íslenska fjölmiðlasveitin hefur lokið störfum,“ sagði fulltrúi íslensku pressunnar á blaðamannafundi með íslenska landsliðinu í gær. Hlegið var að þessum ummælum enda var blaðamannafundurinn í meira lagi fámennur. Tveir íslenskir fjölmiðlar og enginn erlendur. Bagaleg staða „Það er allavega orðið mjög langt síðan það voru svona fáir. Þetta veldur okkur mjög miklum vonbrigðum,“ segir Róbert Geir Gíslason, framkvæmdastjóri Handknattleikssambands Íslands. Róbert segir mestan söknuð af Morgunblaðinu. Róbert Geir Gíslason, framkvæmdastjóri HSÍ.Vísir/Baldur Hrafnkell „Þeir hafa fylgt okkur yfir undanfarna áratugi,“ segir Róbert. Fjarvera Fréttablaðsins geri stöðuna bagalega enda enginn fulltrúi frá íslenskum dagblöðum að fylgja handboltalandsliðinu eftir. Landsliðið sem margir hafa lýst sem sólarglætu í dimmum janúar ár hvert. Fulltrúar minni miðla, sem flestir eru ekki starfandi í dag, hafa sömuleiðis elt íslenska liðið á stórmót undanfarin ár. Sport.is, handbolti.net, fimmeinn.is og fleiri. Sömuleiðis stuðningssveitir á borð við Í blíðu og stríðu. Enginn slíkur fulltrúi er á ferðinni. Þá var DV með öfluga íþróttadeild á árum áður en Róbert segir miðilinn þó ekki hafa átt fulltrúa á handboltamótunum undanfarin ár. Fækkun íþróttafréttamanna áhyggjuefni Róbert er áhyggjufullur yfir þróuninni. Íþróttafréttamönnum fer fækkandi en skemmst er að minnast þess þegar þremur reynslumiklum íþróttafréttamönnum var sagt upp á Morgunblaðinu í nóvember. Þeirra á meðal reynsluboltar sem hafa fylgt íslenska liðinu undanfarin ár og jafnvel áratugi. „Íþróttir eru ein stærsta fjöldahreyfing landsins. Þegar þeim sem fjalla um íþróttir fækkar þá er það áhyggjuefni fyrir hreyfinguna.“ Hann minnir á að HSÍ sinni sömuleiðis fréttaflutningi á heimasíðu sinni en þar skrifar maður sem kann til verka, Ívar Benediktsson sem var um árabil handboltasérfræðingur Morgunblaðsins fram að uppsögnunum í nóvember. Róbert telur eðlilegt að álykta að fjarvera fjölmiðlanna tengist fjárhagslegum erfiðleikum. Ítrekað hefur komið fram að að einkareknir fjölmiðlar standa höllum fæti hér á landi. Morgunblaðið tapaði til að mynda á fimmta hundrað milljónum í fyrra. Watch the Game Highlights from Denmark vs. Iceland, 01/11/2020 pic.twitter.com/EjPeqCQjSp— EHF EURO (@EHFEURO) January 11, 2020 Riðill Íslands er spilaður í Malmö og telur Róbert að um 200 fjölmiðlamenn séu að fylgjast með gangi mála í riðlinum sem telur fjórar þjóðir. Rússland og Unverjaland auk Danmerkur og Íslands. Meginþorri fjölmiðlamannanna er danskur og sænskur. Svo má þar finna fulltrúa RÚV og Sýnar sem rekur fréttastofu Stöðvar 2, Vísis og Bylgjunnar. Eftir að fréttastofa ræddi við Róbert bárust þær upplýsingar frá Morgunblaðinu að blaðið hefði tryggt sér þjónustu íslensks ljósmyndara sem búsettur er í Danmörku. Sá var viðstaddur leikinn við Danmörku og sótti stuðningsmannahitting fyrir leikinn. Erfitt að fá fjölmiðlapassa úr þessu Telja má líklegt að ritstjórar á Fréttablaðinu og Morgunblaðinu velti í það minnsta fyrir sér, í ljósi sigursins óvænta á laugardaginn, að koma fulltrúum sínum í flug til Kaupmannahafnar og til Malmö. Það getur hins vegar reynst erfitt að útvega sér fjölmiðlapassa þegar mótið er hafið. Slíkt þarf að fara sínar leiðir. „Við myndum að sjálfsögðu reyna að aðstoða alla við að fá réttindi,“ segir Róbert Geir þótt engu sé hægt að lofa. Fjölmiðlafólki fjölgi enn frekar þegar milliriðlarnir fara í gang. Ljóst er að milliriðill Íslands, komist okkar menn þangað, verður spilaður í Malmö. Huge celebrations by @HSI_Iceland after Bjorgvinn Pall Gustavsson saves the last penalty and gives them a 31:30 victory over @dhf_haandbold #ehfeuro2020 #dreamwinremember pic.twitter.com/BvlD2t0NWs— EHF EURO (@EHFEURO) January 11, 2020 EM 2020 í handbolta Fjölmiðlar Tengdar fréttir Uppgjör Henrys: Galdramaðurinn Gullmundur launaði Dönum lambið gráa Guðmundur Þórður Guðmundsson skilaði Dönum Ólympíugulli en fékk aldrei þá virðingu sem hann átti skilið þar í landi. Danir læra kannski að bera almennilega virðingu fyrir manninum eftir leik kvöldsins sem Íslendingar unnu með glæsibrag, 31-30. 11. janúar 2020 20:30 Svona var stemmningin í stúkunni þegar sigurinn var í höfn | Myndband Ísland byrjaði Evrópumótið 2020 á því að vinna heims- og Ólympíumeistara Danmerkur. 11. janúar 2020 23:35 Martröð, hefnd Guðmundar og þjófnaður meðal umsagna dönsku miðlanna eftir tapið gegn Íslandi Danskir miðlar voru ekki hrifnir af leik danska landsliðsins í kvöld gegn Íslandi en Ísland vann leik nágrannaþjóðanna með einu marki. 11. janúar 2020 20:01 Forsetinn skemmti sér með íslensku stuðningsmönnunum | Myndband Það er mikil stemning hjá stuðningsmönnum íslenska landsliðsins í Malmö og þeir hafa hitað upp í allan dag. 11. janúar 2020 14:38 Mest lesið Fundu lík karlmanns í Reynisfjalli Innlent Frambjóðandi Trump lýsti sér sem „svörtum nasista“ á klámsíðu Erlent Sýknaður af ákæru um manndráp af gáleysi á Akureyri Innlent Kona á níræðisaldri sá björninn í þriggja metra fjarlægð Innlent Fjórir í bílnum en enginn við stýrið Innlent Ákærður fyrir að stinga lækni í kvöldgöngu Innlent Áhyggjuefni að innri landamærin séu ekki betur tryggð Innlent Ísraelar gera umfangsmiklar loftárásir á skotmörk í Líbanon Erlent „Kerfið er algjörlega að bregðast fólkinu“ Innlent Rafrettukóngur og eigandi Drekans sakaðir um 740 milljóna brot Innlent Fleiri fréttir Yazan afar létt að vera ekki vísað frá landi Fjórir í bílnum en enginn við stýrið Fundu lík karlmanns í Reynisfjalli Sýknaður af ákæru um manndráp af gáleysi á Akureyri Ákærður fyrir að stinga lækni í kvöldgöngu „Kerfið er algjörlega að bregðast fólkinu“ Vinnuslys töluvert tíðari á Íslandi en í Noregi Áhyggjuefni að innri landamærin séu ekki betur tryggð Dæmi um að fólk hafi fallið frá á meðan beðið er eftir NPA-þjónustu Kona á níræðisaldri sá björninn í þriggja metra fjarlægð Brynjar vill herða upp á mannréttindahugtakinu Hvítabjörninn felldur: Forðaði sér inn og sendi skilaboð á dóttur sína Útilokar ekki að snúa sér að öðrum verkefnum Senda vopnaða menn á svæðið Tilkynnt um ísbjörn og þyrla gæslunnar ræst út Óska eftir myndefni af Krýsuvíkurvegi Rafrettukóngur og eigandi Drekans sakaðir um 740 milljóna brot Nafn mannsins sem lést í vinnuslysi í Árborg „Fatlaða fólkið verður fyrir miskanum“ Hart tekist á um netaveiði í Ölfusá Reyndist ekki faðir stúlknanna Boða til kyrrðarstundar því íslenskt samfélag standi á krossgötum Engar ábendingar borist þrátt fyrir ákall Ríki og sveitarfélög benda á hvort annað varðandi NPA Útlendingum á Íslandi fjölgar hratt Brynjar snýr sér að mannréttindamálum Almenn ánægja með nýtt útlit Alþingis Brynjar segir af sér Forsætisráðherra mætir fyrstur manna í Samtalið Sjálfsagt að skoða að semja við önnur ríki um að hýsa erlenda fanga Sjá meira
Meðan öll danska pressan fylgdist skelfingu lostin með leik Íslendinga og Dana þar sem Íslendingar lögðu heims- og ólympíumeistarana sat stór hluti íslenskra fjölmiðla heima. Ríkisútvarpið sendi beint frá leiknum í sjónvarpi og útvarpi og var með íþróttafréttamenn á staðnum auk þess sem fréttastofa Stöðvar 2, Vísis og Bylgjunnar stendur vaktina. En það þykja söguleg tíðindi að enginn fulltrúi íslenskra dagblaða flaug utan til þess að verða vitni að leiknum sögulega. Með fulltrúa frá áttunda áratugnum Karlalandsliðið vann einn sinn fræknasta sigur í áraraðir þegar strákarnir okkar lögðu heims- og ólympíumeistara Danmerkur 31-30 í Malmö á laugardag. Morgunblaðið, elsta starfandi dagblað landsins, hefur sent fulltrúa á stórmót karlalandsliðsins síðan á áttunda áratug síðustu aldar. Það kom því mörgum í opna skjöldu að miðillinn sendi hvorki blaðamann né ljósmyndara frá Íslandi til Malmö þar sem íslenska liðið spilar. Fréttablaðið hefur sömuleiðis frá stofnun árið 2001 verið fastagestur á stórmótum karlalandsliðsins í janúar. Blaðamaður og ljósmyndari hafa fylgt landsliðinu hvert fótmál. Raunar er svo að Fréttablaðið og Morgunblaðið hafa verið vel skreytt myndum ljósmyndara blaðanna frá EM og HM í handbolta í janúar ár eftir ár. Þær myndir sem birtast nú eru hins vegar úr erlendum myndabönkum. „Íslenska fjölmiðlasveitin hefur lokið störfum,“ sagði fulltrúi íslensku pressunnar á blaðamannafundi með íslenska landsliðinu í gær. Hlegið var að þessum ummælum enda var blaðamannafundurinn í meira lagi fámennur. Tveir íslenskir fjölmiðlar og enginn erlendur. Bagaleg staða „Það er allavega orðið mjög langt síðan það voru svona fáir. Þetta veldur okkur mjög miklum vonbrigðum,“ segir Róbert Geir Gíslason, framkvæmdastjóri Handknattleikssambands Íslands. Róbert segir mestan söknuð af Morgunblaðinu. Róbert Geir Gíslason, framkvæmdastjóri HSÍ.Vísir/Baldur Hrafnkell „Þeir hafa fylgt okkur yfir undanfarna áratugi,“ segir Róbert. Fjarvera Fréttablaðsins geri stöðuna bagalega enda enginn fulltrúi frá íslenskum dagblöðum að fylgja handboltalandsliðinu eftir. Landsliðið sem margir hafa lýst sem sólarglætu í dimmum janúar ár hvert. Fulltrúar minni miðla, sem flestir eru ekki starfandi í dag, hafa sömuleiðis elt íslenska liðið á stórmót undanfarin ár. Sport.is, handbolti.net, fimmeinn.is og fleiri. Sömuleiðis stuðningssveitir á borð við Í blíðu og stríðu. Enginn slíkur fulltrúi er á ferðinni. Þá var DV með öfluga íþróttadeild á árum áður en Róbert segir miðilinn þó ekki hafa átt fulltrúa á handboltamótunum undanfarin ár. Fækkun íþróttafréttamanna áhyggjuefni Róbert er áhyggjufullur yfir þróuninni. Íþróttafréttamönnum fer fækkandi en skemmst er að minnast þess þegar þremur reynslumiklum íþróttafréttamönnum var sagt upp á Morgunblaðinu í nóvember. Þeirra á meðal reynsluboltar sem hafa fylgt íslenska liðinu undanfarin ár og jafnvel áratugi. „Íþróttir eru ein stærsta fjöldahreyfing landsins. Þegar þeim sem fjalla um íþróttir fækkar þá er það áhyggjuefni fyrir hreyfinguna.“ Hann minnir á að HSÍ sinni sömuleiðis fréttaflutningi á heimasíðu sinni en þar skrifar maður sem kann til verka, Ívar Benediktsson sem var um árabil handboltasérfræðingur Morgunblaðsins fram að uppsögnunum í nóvember. Róbert telur eðlilegt að álykta að fjarvera fjölmiðlanna tengist fjárhagslegum erfiðleikum. Ítrekað hefur komið fram að að einkareknir fjölmiðlar standa höllum fæti hér á landi. Morgunblaðið tapaði til að mynda á fimmta hundrað milljónum í fyrra. Watch the Game Highlights from Denmark vs. Iceland, 01/11/2020 pic.twitter.com/EjPeqCQjSp— EHF EURO (@EHFEURO) January 11, 2020 Riðill Íslands er spilaður í Malmö og telur Róbert að um 200 fjölmiðlamenn séu að fylgjast með gangi mála í riðlinum sem telur fjórar þjóðir. Rússland og Unverjaland auk Danmerkur og Íslands. Meginþorri fjölmiðlamannanna er danskur og sænskur. Svo má þar finna fulltrúa RÚV og Sýnar sem rekur fréttastofu Stöðvar 2, Vísis og Bylgjunnar. Eftir að fréttastofa ræddi við Róbert bárust þær upplýsingar frá Morgunblaðinu að blaðið hefði tryggt sér þjónustu íslensks ljósmyndara sem búsettur er í Danmörku. Sá var viðstaddur leikinn við Danmörku og sótti stuðningsmannahitting fyrir leikinn. Erfitt að fá fjölmiðlapassa úr þessu Telja má líklegt að ritstjórar á Fréttablaðinu og Morgunblaðinu velti í það minnsta fyrir sér, í ljósi sigursins óvænta á laugardaginn, að koma fulltrúum sínum í flug til Kaupmannahafnar og til Malmö. Það getur hins vegar reynst erfitt að útvega sér fjölmiðlapassa þegar mótið er hafið. Slíkt þarf að fara sínar leiðir. „Við myndum að sjálfsögðu reyna að aðstoða alla við að fá réttindi,“ segir Róbert Geir þótt engu sé hægt að lofa. Fjölmiðlafólki fjölgi enn frekar þegar milliriðlarnir fara í gang. Ljóst er að milliriðill Íslands, komist okkar menn þangað, verður spilaður í Malmö. Huge celebrations by @HSI_Iceland after Bjorgvinn Pall Gustavsson saves the last penalty and gives them a 31:30 victory over @dhf_haandbold #ehfeuro2020 #dreamwinremember pic.twitter.com/BvlD2t0NWs— EHF EURO (@EHFEURO) January 11, 2020
EM 2020 í handbolta Fjölmiðlar Tengdar fréttir Uppgjör Henrys: Galdramaðurinn Gullmundur launaði Dönum lambið gráa Guðmundur Þórður Guðmundsson skilaði Dönum Ólympíugulli en fékk aldrei þá virðingu sem hann átti skilið þar í landi. Danir læra kannski að bera almennilega virðingu fyrir manninum eftir leik kvöldsins sem Íslendingar unnu með glæsibrag, 31-30. 11. janúar 2020 20:30 Svona var stemmningin í stúkunni þegar sigurinn var í höfn | Myndband Ísland byrjaði Evrópumótið 2020 á því að vinna heims- og Ólympíumeistara Danmerkur. 11. janúar 2020 23:35 Martröð, hefnd Guðmundar og þjófnaður meðal umsagna dönsku miðlanna eftir tapið gegn Íslandi Danskir miðlar voru ekki hrifnir af leik danska landsliðsins í kvöld gegn Íslandi en Ísland vann leik nágrannaþjóðanna með einu marki. 11. janúar 2020 20:01 Forsetinn skemmti sér með íslensku stuðningsmönnunum | Myndband Það er mikil stemning hjá stuðningsmönnum íslenska landsliðsins í Malmö og þeir hafa hitað upp í allan dag. 11. janúar 2020 14:38 Mest lesið Fundu lík karlmanns í Reynisfjalli Innlent Frambjóðandi Trump lýsti sér sem „svörtum nasista“ á klámsíðu Erlent Sýknaður af ákæru um manndráp af gáleysi á Akureyri Innlent Kona á níræðisaldri sá björninn í þriggja metra fjarlægð Innlent Fjórir í bílnum en enginn við stýrið Innlent Ákærður fyrir að stinga lækni í kvöldgöngu Innlent Áhyggjuefni að innri landamærin séu ekki betur tryggð Innlent Ísraelar gera umfangsmiklar loftárásir á skotmörk í Líbanon Erlent „Kerfið er algjörlega að bregðast fólkinu“ Innlent Rafrettukóngur og eigandi Drekans sakaðir um 740 milljóna brot Innlent Fleiri fréttir Yazan afar létt að vera ekki vísað frá landi Fjórir í bílnum en enginn við stýrið Fundu lík karlmanns í Reynisfjalli Sýknaður af ákæru um manndráp af gáleysi á Akureyri Ákærður fyrir að stinga lækni í kvöldgöngu „Kerfið er algjörlega að bregðast fólkinu“ Vinnuslys töluvert tíðari á Íslandi en í Noregi Áhyggjuefni að innri landamærin séu ekki betur tryggð Dæmi um að fólk hafi fallið frá á meðan beðið er eftir NPA-þjónustu Kona á níræðisaldri sá björninn í þriggja metra fjarlægð Brynjar vill herða upp á mannréttindahugtakinu Hvítabjörninn felldur: Forðaði sér inn og sendi skilaboð á dóttur sína Útilokar ekki að snúa sér að öðrum verkefnum Senda vopnaða menn á svæðið Tilkynnt um ísbjörn og þyrla gæslunnar ræst út Óska eftir myndefni af Krýsuvíkurvegi Rafrettukóngur og eigandi Drekans sakaðir um 740 milljóna brot Nafn mannsins sem lést í vinnuslysi í Árborg „Fatlaða fólkið verður fyrir miskanum“ Hart tekist á um netaveiði í Ölfusá Reyndist ekki faðir stúlknanna Boða til kyrrðarstundar því íslenskt samfélag standi á krossgötum Engar ábendingar borist þrátt fyrir ákall Ríki og sveitarfélög benda á hvort annað varðandi NPA Útlendingum á Íslandi fjölgar hratt Brynjar snýr sér að mannréttindamálum Almenn ánægja með nýtt útlit Alþingis Brynjar segir af sér Forsætisráðherra mætir fyrstur manna í Samtalið Sjálfsagt að skoða að semja við önnur ríki um að hýsa erlenda fanga Sjá meira
Uppgjör Henrys: Galdramaðurinn Gullmundur launaði Dönum lambið gráa Guðmundur Þórður Guðmundsson skilaði Dönum Ólympíugulli en fékk aldrei þá virðingu sem hann átti skilið þar í landi. Danir læra kannski að bera almennilega virðingu fyrir manninum eftir leik kvöldsins sem Íslendingar unnu með glæsibrag, 31-30. 11. janúar 2020 20:30
Svona var stemmningin í stúkunni þegar sigurinn var í höfn | Myndband Ísland byrjaði Evrópumótið 2020 á því að vinna heims- og Ólympíumeistara Danmerkur. 11. janúar 2020 23:35
Martröð, hefnd Guðmundar og þjófnaður meðal umsagna dönsku miðlanna eftir tapið gegn Íslandi Danskir miðlar voru ekki hrifnir af leik danska landsliðsins í kvöld gegn Íslandi en Ísland vann leik nágrannaþjóðanna með einu marki. 11. janúar 2020 20:01
Forsetinn skemmti sér með íslensku stuðningsmönnunum | Myndband Það er mikil stemning hjá stuðningsmönnum íslenska landsliðsins í Malmö og þeir hafa hitað upp í allan dag. 11. janúar 2020 14:38