Haukur Helgi Pálsson átti góðan leik þegar Andorra sigraði San Pablo Burgos á heimavelli, 87-82, í framlengdum leik í spænsku úrvalsdeildinni í körfubolta í kvöld.
Haukur skoraði 18 stig og gaf tvær stoðsendingar og þá var hann með 60% þriggja stiga nýtingu, hitti úr þremur af fimm tilraunum.
Lið Andorra hefur unnið þrjá leiki af sex í deildinni hingað til. Haukur og félagar mæta svo Lokomotiv Kuban í Rússlandi næsta miðvikudag í Evrópubikarnum.
